Números 4:32 - Qullan Arunaca

³² Uqhamaraqui pation postenacapa, cawquïri lawanacatejj santuarior muyuntqui ucanaca, utt'ayaña lawanacampi, ch'acurunaca, cuerdanaca, take cunanacatejj luräwinaca munasqui ucanaca. Jumaw sapa mayniru cunatejj apañapäqui ucanac saraquïta.

Aymar Bibliia 1986

³² Uqhamaraqui pation postenacapa, cawquïri lawanacatejj santuarior muyuntqui ucanaca, utt'ayaña lawanacampi, ch'acurunaca, cuerdanaca, take cunanacatejj luräwinaca munasqui ucanaca. Jumaw sapa mayniru cunatejj apañapäqui ucanac saraquïta.

Qullan Arunaka DC

³² Ukatsti qullan utjäwir muyuntki uka sayir lawanakap apapxarakini, lawanak katxäsirinakapampi, ch'akurunakapampi, chinuñanakapampi, kunanakatix yupaychañatak munaski taqi ukanakampi. Jumaw sapa maynir kuntix apañapäki ukanak sarakïta.

Números 4:32 Jak'a apnaqawi uñst'ayäwi

1 Crónicas 9:29

Maynïrinacasti utt'ayatäpjjänwa yakha yänaca uñjapjjañapataqui, uqhamarac kollan yänacataraqui, suma jac'uta, vinota, aceiteta, inciensota, uqhamarac k'apquir kollanacataraqui.

Éxodo 25:9

Ucampis uca utjäwjja, uqhamarac take yänacapsa cunjämtejj nayajj uñacht'aycäma uqhamarjamaw luräta.

Éxodo 27:9

“Ucjjarusti Tatitumpi Jiquisiñ Carpataquejj mä patio luraraquïta. Uca patio aynach tokerusti lino c'anthitata lurat cortinanïñapawa, largorojj pusi tunca pheskan metro janatatata.

Éxodo 38:17

Poste lawanacan tacnokañanacapasti broncet luratänwa, postenacan ganchonacapasa anillonacapasa kollketaraqui; uqhamarac poste lawanacan amsta tokerusti kollkempi lip'suyataraquïnwa. Takpach pationa poste lawanacapasa, anillonacapasa kollketa luratcamaquïnwa.

Éxodo 38:21

Moisesana aruparusti, uqhamarac sacerdote Aaronan Itamar sat yokapan lurayatasti, levitanacajj suma jacthapita apapjjäna cuna casta metalanactejj uca suma arust'äwiru mantatäqui uca carpa lurañataquejj apnakapcäna ucanacjja.

Números 3:36

Merari chachan wawanacapajj imapjjänwa kollan chekan tablanacapa, cawquïri lawatejj mä thiyat mä thiyaru sarqui, uqhamarac postenacapa, take pampan uchatäqui uca lawanaca, take yänacapampi cuna.

Números 3:8

Uqhamaraquiw imapjjani Tatitumpi Jiquisiñ Carpan take yänacapsa, ucatsti take israelitanacar kollan chekan sirviñatac uchatäpjjaraquiniwa.

Números 4:31

Jupanacan lurañanacapasti Tatitumpi Jiquisiñ Carpanjja acanacawa: Santuarion tablanacapa, mä thiyat mä thiycama sarquis uca lawanaca, postenaca, poste utt'ayañanaca.

Números 4:33

Take acanacwa Merari chachan wawanacapan jach'a familianacapajj lurapjjani, ucanacsti Itamar sat Aarón sacerdoten wawapan sarayataraquiw lurapjjani.”

Números 4:49

Aca censojj lurasïnwa cunjämtejj Tatitojj Moisesaru arscatayna uqhamarjama, ucatsti sapakat mayniruraquiw satänjja, cunatejj lurañapäcäna, cunatejj apañapäcäna ucanacjja, cunjamtï Tatitojj Moisesaru arscatayna uqhama.

Números 7:1

Cunürutejj Moisesajj kollan chekawja lurañ tucuyjjän ucqhajj aceitempiw catuyjjäna, take kollan chekawjan yänacapa, uqhamarac altaran yänacapsa.

Números 7:8

Merari chachan wawanacaparojj churaraquïnwa pusi carretanaca, quimsakallko orko vacanaca, cawquïrinactejj lurañataqui munapcäna uqhamarjama. Jupanacasti Itamar sat Aarón sacerdoten wawapan sarayatäpjjänwa.