Números 35:12 - Qullan Arunaca

¹² Uca marcanwa khespiyata uñjasini, jiwayat jaken familiapatjja, cawquïritejj jiwayañatac arcnakqui ucatjja, ucatsti janiraquiw jiwcaniti uñstayataraquïniwa marcan jilïrinacampi uñjatäñapcama.

Aymar Bibliia 1986

¹² Uca marcanwa khespiyata uñjasini, jiwayat jaken familiapatjja, cawquïritejj jiwayañatac arcnakqui ucatjja, ucatsti janiraquiw jiwcaniti uñstayataraquïniwa marcan jilïrinacampi uñjatäñapcama.

Qullan Arunaka DC

¹² Ukhamat qhispiyat uñjasini, jiwayat jaqin wila masinakapan jan jupar phuqsusiñ amtampi jiwayaskañapataki; uka jaqisti taripatäñatak marka nayraqatan uñstañapkamax janiw jiwkaniti.

Números 35:12 Jak'a apnaqawi uñst'ayäwi

2 Samuel 14:7

Jichhasti take familianacajjaw naya contra sartapjje, jupanacajj munapjjaraquiw nayan jupanacaru cawquïri wawajjatejj jiwaycatayna ucar catuyaña, uqhamat jilaparu jiwaycatayna uca phoksuñataqui, ucatsti cawquïri sapa herencia catokeritejj utjqui ucaru chhaktayañataqui. Uqhamäni ucapachasti, cawquïri wawajjatejj nayataqui mä ninjama akasqui ucaruw jiwayjjapjjani, chachajjarusti jan wawani jaytapjjaraquinejja, janiraquiw chachajjan sutip apiris aca orakenjja utjcaniti —sasa.

Números 35:13

Marcanaca churapcäta ucanacatjja, sojjta marcanacaw imantasiñataquïni.

Números 35:19

Jiwayatan jac'a familiapaw jiwayaraquini, cunapachatejj jupajj jicjjatani ucqhajja.

Deuteronomio 19:4

Cawquïritejj jake masiparu jiwaychi ucajj puedjjew uca marcar jaltjjañjja uqhamat jacañap khespiyasiñataqui, jan muncasina mä desgracian uqham lurchi ucqhajja jan jupanac pura uñisisiñajj utjcchïnti ucapacha.

Deuteronomio 19:6

Ucat sipansa thaquitejj jaya sarañächi, ucatsti jiwatata phoksusiñ munir jakesti, khepat arctasin inas jicjjatasin jiwaychini, chekpachansa janiw jiwayatäñapäcänti, jupanacanjja jan nayrajj cuna uñisisiñas utjcänti uca laycu.

Josué 20:2

“Jumasti israelit jakenacampi parlam, ucatsti saraquim mä marcanaca thakhasipjjam ucaru imantasiñataqui, sasa, cunjämatï nayajj Moisesarojj ewjjawaycäyäta uqhama.

Josué 20:9

Uca marcanacaw ajllitäna israelit jakenacan imantasiñapataquejja, uqhamarac yakha marcat jutir jakenacataquisa. Uca marcanacanwa imantasipjjañapäna cawquïri jaketejj mä chijiru jan muncasina jake masiparu jiwayän ucajja, uqhamata jan phoksusir jaken jiwayatäñataqui janïra takpach marcanquir jakenacar juchanacap arsusquipana.