Números 33:3 - Qullan Arunaca

³ Israelitanacajj Ramsesat mistunipjjäna, tunca pheskani urunaca nayrïri phajjsit sarakquis uca marana, Pascua fiestajj amtascäna uca khepa uru. Jupanacasti wali jach'a ch'amampiw mistunipjjäna, take egipcionacan uñjcata.

Aymar Bibliia 1986

³ Israelitanacajj Ramsesat mistunipjjäna, tunca pheskani urunaca nayrïri phajjsit sarakquis uca marana, Pascua fiestajj amtascäna uca khepa uru. Jupanacasti wali jach'a ch'amampiw mistunipjjäna, take egipcionacan uñjcata.

Qullan Arunaka DC

³ Israelitanakax nayrïr phaxsina, tunka phisqan uru saraqataruw Ramsés uraqit mistunipxäna, Pascua uruyäwit qhipüru. Jupanakax wali ch'amaniw mistunipxäna, taqpach egipcio jaqinakan uñjkata.

Números 33:3 Jak'a apnaqawi uñst'ayäwi

Génesis 47:11

Joseasti jilanacaparojj Egipto marcan cawquïritejj wali suma orakëqui ucwa churäna, cunjämtejj faraonajj siscatayna uqhama. Uqhamaw jilanacapampi, awquipampejj Ramsés token orakenïjjapjjäna.

Salmos 105:38

Egipto orakenquirinacajj mistjjer uñjasajj cusisipjjänwa, jupanacajj wali mulljatäpjjänwa.

Éxodo 1:11

Ucatsti egipcionacajj lurayirinacwa israelitanac taypiru uchapjjäna wali ch'ama irnakañanaca lurayapjjañapataqui. Israelitanacarusti Pitón, uqhamarac Ramsés sat marcanacwa lurayapjjäna ucaru Egiptonquir Faraón reyejja juyranacapa imañapataqui.

Éxodo 12:2

“Aca phajjsisti jumanacataquejj mä suma jach'a phajjsïniwa, uqhamarac mara kallta phajjsiraquïniwa.

Éxodo 12:37

Israelitanacasti Ramsés sat oraketjja sojjta patac warankjamaw chachanacajj mistuwayapjjäna, Sucot sat lugar tokeru. Warminacasa, wawanacasa janiw jaqhutäcänti.

Éxodo 13:4

Jumanacajj mistunipcta uca urusti Abib phajjsinquiwa.

Éxodo 14:8

Tatitusti Egiptonquir rey faraonarojj chuymapwa kalarayäna, uqhamata israelitanacar arctañapataqui. Ucampis israelitanacajj mistuwayapjjänwa wali ch'amani.

Isaías 52:12

Ucampis janiw mäqui mistunipjjañamäquiti, janiw mäqui jalsunipjjañamäquiti, Israelan Tatit Diosapajja, jumanacarojj imasipcätamwa uca laycu.

Miqueas 2:13

Diosaw jupanacataquejj thac jist'arani, jupanacasti arctapjjaraquiniwa, ucatsti marca puncu chica mistuwayapjjaraquini. Tatitu reyipasti, jupanacan nayrapwa sararaquini.”

Números 33:2

Moisesasti kellkänwa take cawqha chekanacarutejj puripjjäna ucanacan sutinacapjja, cunjämatejj Tatitojj siscatayna uqhamarjama. Take aca chekanacanwa kheparapjjäna mistunipcataynas ucanacampi chica.