Números 31:3 - Qullan Arunaca

³ Ucatsti Moisesajj marcaruwa parläna aqham sasa: —Jumanacatjja mä kawkhanejj armantasipjjam, waquichrantasipjjam, ucatsti nuwantapjjam madianaru, jupanacar phoksusiñataqui, Tatitu Diosan sutipjjaru.

Aymar Bibliia 1986

³ Ucatsti Moisesajj marcaruwa parläna aqham sasa: —Jumanacatjja mä kawkhanejj armantasipjjam, waquichrantasipjjam, ucatsti nuwantapjjam madianaru, jupanacar phoksusiñataqui, Tatitu Diosan sutipjjaru.

Qullan Arunaka DC

³ Ukat Moisesax markar parläna, akham sasa: —Jumanakat mä qawqhanix nuwasiñatak wakichrantasipxam, ukatsti Madián markar katuntapxam, jupanakat Tatitun sutipxar phuqsusiñataki, jiwasar jan yanapt'añ munapxatap layku.

Números 31:3 Jak'a apnaqawi uñst'ayäwi

2 Reyes 10:30

Tatitusti Jehú reyirojj sänwa: “Jumajja nayan nayrakatajjana asqui luratamata, uqhamarac chekaparu, uñjatamata Acab reyin familiapampi, cunjämtï nayajj muncäyäta uqhamaru, Israelan tronopanjja jumat sarakeri wawanacamaw kont'asipjjani pusïr wawaman wawapcama” sasa.

2 Reyes 9:7

Jumawa tucjäta Acab reyit uywataman saraker wawanacaparu, uqhamatwa cutsuyäta Jezabel warmina profetanacajjana, take sirvirinacajjana wilanacapa wartatapata.

Éxodo 17:16

Ucampis sascaquïnwa: “Tatitun wiphalapasti amparanquiwa, Tatitusti amalecitanacampejj nuwasiñanquiwa wiñayataqui wawanacapan wawanacap taypinjja.”

Jeremías 46:10

Aca urusti take ch'amani Tatitun urupawa, aca urunsti uñisirinacapatwa phoksusiraquini. Espadasti sist'asiñcamaw chhojjriñchjaraquini, wilampis machjascaspa uqhama. Tatitusti amsta tokenwa jiwarayaraquini, Eufrates jawira jac'ana.

Jeremías 50:28

(Babiloniat jaltanjjeri jakenacaw Sionarojj purinipjje, cunjämsa Dios Tatitojj Babilonia marcarojj lurcatayna uca marcajj yakha marcanacaru uqhamaraqui Tatitun templopampi lurcatayna uqhamarjama, take ucanaca yatiyasisaw purinipjje.)

Levítico 26:25

Jumanacjjarusti mä guerra jutayaraquëjja, ucaw jumanacarojj juchanacam uñt'asiyapjjätam nayan arust'äwi arunacajj p'aquintapjjatanacamatjja, jumanacasti marcanacamaru imantasiriw jaltjjapjjäta; ucampis nayajj jumanacjjarojj usunacwa apayanipjjäma, jumanacasti uñisiriman amparaparuw jalt'apjjaraquïta.

Números 25:11

—Finees sat chachaw israelitanac toke colerasitajjjja t'acurayjjetu, jupasti nayjamaraquiwa colerasïna nayan jach'a cancañajj sum uñjañataqui, ucatwa jupanacarojj colerasiñajjampi jan tucjcjjäti.

Números 25:13

Ucatwa jupampiru, wawanacapampirojj wiñayatac sacerdote sarnakañ churä, jupan nayjama coleratap laycu, uqhamata israelitanacataqui perdón jicjjatatap laycu —sasa.

Números 31:4

Sapakat tribuw nuwasiñataquejj waranka jakenaca qhitañapa.

Jueces 5:2

“Diosaru takeni yupaychapjjam, Israel marcanjja utjasquiwa janc'aqui nuwasiri chachanacajja; uqhamarac marca taypinjja utjasquiwa nuwasiñataqui jawsataru ist'iri chachanacajja.

Jueces 5:23

Diosan angelapasti yatiyiwa: ‘¡Meroz sat marcjjaru, uqhamarac ucan jaquirinacjjarusti jutaniwa mä jach'a maldiciona!’ sasa. Jupanacasti janiw jutapquiti Diosan yanapapampejja, cunjämtejj Diosan yanapata ch'amaninacajj jutapqui uqhamjja.