Números 27:18 - Qullan Arunaca

¹⁸ Tatitusti Moisesarojj sänwa: —Josué sat Nun chachan yokapajj suma amuyt'ani jakewa. Irptanim ucatsti amparamampi p'ekepat lokjjatam,

Aymar Bibliia 1986

¹⁸ Tatitusti Moisesarojj sänwa: —Josué sat Nun chachan yokapajj suma amuyt'ani jakewa. Irptanim ucatsti amparamampi p'ekepat lokjjatam,

Qullan Arunaka DC

¹⁸ Tatitusti Moisesarux sarakïnwa: —Josué sat Nun chachan yuqapar irpanim, jupax suma chuyman jaqiwa. Jupar amparamamp luqxatam,

Números 27:18 Jak'a apnaqawi uñst'ayäwi

Génesis 41:38

ucatwa faraonajj jupanacar saraqui: —¿Aca jakjam yakha jakjja Diosan ajayupani cuna jicjjatsnati? —sasa.

Éxodo 17:9

Ucatsti Moisesajj Josué chacharojj sänwa: —Israelitanacatjja mä kawkha chachanaca ajlliwayasinsti, amalecitanacamp nuwasiri saram. Nayasti arumanthejja kollu pataruw mistöjja Diosan jach'a thujrupasa amparajjaru apt'ata —sasa.

Daniel (hebreo) 5:14

Nayarusti yatiyapjjaraquituwa jumanjja Diosan ajayupajj utjatapa, amuyumasa suma khanätapa, uqhamaraqui jumajj wali ch'iqhi, suma amuyt'ani jakëtama.

Números 11:17

Nayaw sarakanisin jumampi parlä, ucatsti juman chicat ajayumwa jupanacar churä jumaru aca marca apnakañ yanapt'añapataqui. Uqhamatwa jani juma sapaquïcjjätati.

Números 13:16

Ucanacänwa jakenacan sutinacapajja, cawquïrinactejj Moisesajj qhitäna uca orak uñjiri sarapjjañapataqui. Oseas sat Nun chachan wawaparojj Josué sutimpiw uchapjjäna.

Números 13:8

Efraín tributjja, Oseas sat Nun chachan wawapa.

Números 27:23

Moisesajj amparampi p'ekepar lokjjatasinjja, jupan lurañapwa churjjäna, cunjämtejj Tatitojj siscatayna Moisés toke uqhamarjama.

Juan 3:34

Diosan qhitanitapajja Diosan arunacapwa parli, Diosajj Ajayupjja jilarquirwa churaraqui.

Hechos 13:3

Ucat Tatitur mayisina uqhamarac ayunasinjja, amparanacap jupanacjjar lokjjatasinwa qhitapjjäna.

Hechos 19:6

Cunapachatejj Pablojj amparapamp jupanacjjar lokjjati ucqhaw Kollan Ajayojj jupanacjjar jutäna. Ucatsti jupanacajj jan uñt'at arunacwa parlapjjäna, Diosan arunacapsa yatiyapjjaraquïna.

Hechos 6:3

Uca laycupï jilatanaca, jumanac taypita pakallk chachanac ajllipjjañamajja. Uca chachanacasti sarnakäwinacapanjja asqui chachanacäñapawa, Kollan Ajayump phokt'ata suma amuyt'irinacaraqui. Ucatsti jupanacaru uca lurañanacjja churapjjam.

Hechos 6:6

Ucanacarusti apostolonacan nayrakataparuw irpcatapjjäna. Ucat apostolonacajj amparanacap jupanacjjar lokjjatasinwa oración lurapjjäna.

Deuteronomio 1:37

“Ucatsti jumanacan jucham laycojj Diosas nayataquejj colerasiwa, ucatsti saraquituwa: ‘Janiw jumas uca orakerojj mantcätati.

Deuteronomio 3:21

“Josué chacharusti aca ewjja churaraquiyätjja: ‘Juman quipca nayranacamampiw uñjta cunjämtï Tatitu Diosamajj uca pä reyinacarojj lurqui ucjja. Uqhamaraquiw take marcanacampis lurani cawqhanjamtï pascäta ucanacansa.

Deuteronomio 3:28

Jichhajj churamay Josué chacharojj ewjjanaca, uqhamarac juparojj ch'amañcham, thuru sayt'asiyaraquim, jupaw marcan nayrap sarani, uca orakenacsa catuntaraquini, cawquïrtï jichhajj uñjta ucanaca’ sasa.

Deuteronomio 31:14

Ucatsti Tatitojj Moisesarojj sänwa: “Uñjam, niyaw jiwañamajj jac'ancjje; uqhamasti Josué chacharu jawsam, ucatsti sarapjjam Jiquisiñ Carpäquis ucaru, ucanwa nayajj ewjjanacajja churapjjäma” sasa. Moisesampi Josué chachampejj Jiquisiñ Carparuw sarapjjäna.

Deuteronomio 31:23

Josué sat Nun chachan yokaparojja Tatitojj aca ewjjanacwa churaraqui: “Ch'amañcht'asim, sayt'asiraquim, jumaw israelitanacar puriyäta, cawquïri oraktï arojjampi arsusin churä siscta ucaru, nayaraquiw jumampïscä” sasa.

Deuteronomio 31:3

Ucampis Tatitu Diosamaraquiw jumanacan nayramjja sarani, juman nayräjjamatsa uca marcanacaru t'unjaraquini, ucan jacapjjañamataqui. Josué chachaw jumanacan nayram sarani, jupasti jach'a jilïrit utt'ayatawa, cunjämatï Tatitojj sisqui uqhama.

Deuteronomio 34:9

Ucatsti Josué sat Nun chachan yokapajj, yatiñ cancaña Moisesat catokäna, Moisesajj amparanacap jupjjaru lokjjatatap laycu, uqhamaw israelitanacajj jaysapjjäna, lurapjjaraquïna cunjämtejj Tatitu Diosajj Moisesar ewjjawaycän uqhamarjama.

1 Timoteo 4:14

Jan chhakhayamti cuna ch'amtejj Diosajj churctam ucjja. Iglesianquir jilïrinacaw Diosan munañapata, amparanacapa jumjjaru lokjjatasina ucjja catokayapjjtam.

1 Timoteo 5:22

Jan qhitirus janc'aqui jilïrit utt'ayamti, jan mayninacampi chic juchanïscañamataqui; amuyasipunim take jan walitjja.

Hebreos 6:2

bautismo toket yatichäwimpita, iyawsirinacjjaru amparanac uchañjjata, jiwatanacan jacatatañapata, uqhamarac wiñay t'akhesiñampitjja.

Josué 1:17

Cunjamtï Moisesarojj take cunansa jaysapjjäyätjja, uqhamaraquiw jumarojj jaysapjjäma. Nanacasti munapjjtwa Diosajj jumaru yanapañapa, cunjamtï Moisesarojj yanapcäna uqhama.

Jueces 11:29

Ucatsti Diosan ajayupaw Jefté chachjjaru jutäna; jupajj saränwa Galaad, Manasés, uqhamarac Mizpa sat Galaad marca cheka pasawayasa amonitanacan take orakenacapa atipjasina catuntasiñataqui.

Jueces 3:10

Diosan ajayupawa Otoniel chachjjaru jutäna ucatsti israelitanacaruw khespiyi. Cunapachatejj nuwasiri mistscäna ucqhajja Diosawa atipt'ayäna Cusan-risataim sat reyirojja.

1 Samuel 16:18

Ucat jupanacat maynejj arsu: —Nayajj uñjtwa, Belenanquir Isaí chachan mayni yokapaw suma toct'añ yati; uqhamarus guerran nuwasiñataquejj jan ajjsaririwa. Cunapachatejj cunsa parli ucqhajj, wali suma amuyumpiw parli, uqhamarac wali suma uñnakt'ani waynawa. Tatitusti jupampiraquiwa —sasa.