Números 24:9 - Qullan Arunaca

⁹ Cunapachatejj samarañatac iquintasi ucqhajj leonar uñtataraquiwa. Janiraquiw qhitis sartaycaraquispati. ¡Bendicitäpan qhititejj bendiscätam ucajja, uqhamarac maldicitäpan qhititejj maldiscätam ucajja!”

Aymar Bibliia 1986

⁹ Cunapachatejj samarañatac iquintasi ucqhajj leonar uñtataraquiwa. Janiraquiw qhitis sartaycaraquispati. ¡Bendicitäpan qhititejj bendiscätam ucajja, uqhamarac maldicitäpan qhititejj maldiscätam ucajja!”

Qullan Arunaka DC

⁹ Samarañatak winkt'aski uka leonar uñtata ukhamätaw jumax, Israel. ¡Janiw khitis sartayañ yant'kaspati! ¡Jumar jach'añchirix, jach'añchataw uñjasini, jumar ñanqhachirix, ñanqhachataw uñjasini!” sasa.

Números 24:9 Jak'a apnaqawi uñst'ayäwi

Génesis 12:3

Qhitinacatejj bendicipjjätam ucanacarojj nayaw bendiciraquï, maldicipcätam ucanacarusti nayaw maldiciraquï; juma tokeraquiw take familianacas aca orakenjja bendicitäpjjani” sasa.

Génesis 27:29

Walja jakenaca jumarojj sirvpan, nacionanacasti juma nayrakatan quillt'aspan. Jilanacamarusti jumarac apnakam; ¡jupanacasti juma nayrakatan quillt'asipjjpan! Qhitinacatejj maldicipcätam ucanacasti maldicitäniwa. Qhitinacatejj bendicipcätam ucanacasti bendicitaraquïniwa” sasa.

Génesis 49:9

¡Jumasti, Judá wawajja! Jumajj mä león kallur uñtatätawa, cunapachatejj catuntatapar mank'antjje uqhama, ucapachajj alt'asiwa, orakeruw liwnoktaraqui, mä jach'a leonäcaspas uqhama. ¿Qhitirac fastidiaspa?

1 Reyes 10:20

Ucjjarojj utjaraquïnwa tunca payani sayt'at leonanaca, sojjtpacha maqhatañ gradanacaru mä león sapa thiyaru sayt'ayata. Uqhamsti, ¡janipuniw cawqha reinonsa uqhamajj lurascänti!

2 Crónicas 9:18

Tronosti sojjta gradanïnwa, uqhamarac cayu tact'asiñapasa koritänwa tronompi mayachataqui, kont'asiñana sapa thiyapanjja ampar ayjjatasiñanacapaw utjäna, ucamp chict'atasti pä sayt'ata leonanacaw utjäna.

Ester (hebreo) 6:13

Utapar purisinsti Zeres sat warmiparu amuyt'ayir take amigonacaparojj yatiyänwa cunanacatejj lurasqui uca. Ucatsti jupanacajj sapjjänwa: —Uca Mardoqueosti, qhiti nayrakatantejj jilïr cancañamana atipjayasta ucajja judiowa, janiwa atipcasmati, jan ucasti k'alapuniw aynacht'ätajja —sasa.

Job 41:10

Maynitejj juparu coleraychejja, ucapachajj walwa colerasejja, janiw qhitisa jupampi nuwasiñjja muncaraquispati.

Salmos 122:6

Jumanacajj takpach chuymamp sapjjam: “Jerusalén, sumancañajj juman utjpan, jumar munasirinacajj jan qhitin camsatac jacasipjjpan.

Éxodo 23:22

Ucampis jumatejj jupan arunacap ist'asina jaysäta, uqhamarac cunanactejj sapcsma ucanacsa luraraquïta ucajja, nayawa uñisirinacaman enemigopäyäjja, uqhamaraqui nayajja janiwa muncaraquïti qhitinacatejj jan munapctam ucanacarojja.

Isaías 31:4

Tatitusti saraquituwa: “Cunjämtejj mä leonajj mä oveja jiwayejja, ucatsti janiw awatirinacampi sustjayasquiti, takpachanisay tantacht'asiscpan, arnakatanacapampisay sustjañ munasipcpan, uqhamaraquiw take ch'amani Tatitojj jutani Sión kollun marcapar arjjatañataqui.

Miqueas 5:8

Ucapachasti, walja marcanac taypinjja, Jacobun marcapat jilt'irinacajja monte animalanac taypinjja, mä leonjamäniwa, cunjämatejj leonajj mä ovej tamjja, pascasajj tucjawayejja jach'a sillunacapampi, janiraqui maysa uqhamaqui jilt'ayquiti uqhamäniwa.

Números 22:12

Ucatsti Diosajj Balaamarojj sänwa: —Jan jupanacampi chica saramti ni ñankhachamsa uca marcarojja, uca marcarusti nayaw bendista —sasa.

Números 22:6

Jutamay jichhpacha aca marcar ñankhachañataqui naya laycu. Jupanacasti nanacatsa juc'ampi ch'amaniwa. Inas uqhamat nayajj jupanacar atipjirista, uqhamarac aca orakenacatsa alisnucurista. Nayasti yattwa juman bendicionamasa, ñankhachañamasa phokhasirïtapapuni” sasa.

Números 23:24

Aca marcasti mä ajjsarcañ leonjamaw sartasi, janiw samarcaniti catjatap mank'antañcamajja. Uqhamarac jiwayatanacapan wilap umantañcamasa” sasa.

Números 24:10

Acanac ist'asajj Balac reyejj Balaamataquejj wal colerasïna; amparanacap t'ajjllirasisajj, aqham sänwa: —Nayasti jumarojj jawsaysmaw uñisirinacajjar maldiciñamataqui, ucampis jumajj niyaw quimsa cuti bendisjjta.

Mateo 25:40

Reyejj ucjjarojj saraquiniwa: ‘Khanacwa sapjjsma, nayan mä jilajjarutejj take ucanac lurapjjstajja alt'at chuymanïcchi ucasa, nayaruw uqham lurapjjesta.’

Mateo 25:45

Reyisti ucjjarojj saraquiniwa: ‘Khanacwa sapjjsma, mä jilajjarutejj alt'at chuymanïtap laycu jan lurapcsta ucajja, nayaruw uqham jan lurapquistati.’

Hechos 9:5

Saulosti ucjjarojj saraquïnwa: —Tata, ¿qhitïtas jumajja? —sasa. Ucatsti uca arojj saniraquïnwa: —Jumajj qhitirutejj arcnakcta uca quicpa Jesusätwa. Wali ch'amaw jumataquejj nayataqui sayt'añamajja. [Juma pachpaw chhojjriñchjastajj cunjämtejj mä vacajj mä ari puntan fierror mat'akt'asajj jupa pachpa chhojjriñchjasejj uqhama —sasa.

Deuteronomio 30:7

Ucatsti Tatitu Diosamaw uñisirinacamjjaru aca maldicionanac puriyani, uqhamaraqui cawquïrinacatï uñisisa arcanakapctam ucanacarusa.