Números 23:9 - Qullan Arunaca

⁹ Aca jach'a kalanac patatwa uñjta, aca jisc'a kollunac patatwa uñtaracta; yakhachataw aca marcajj jacaraqui, janiraquiw cawquïr marcjamäquisa.

Aymar Bibliia 1986

⁹ Aca jach'a kalanac patatwa uñjta, aca jisc'a kollunac patatwa uñtaracta; yakhachataw aca marcajj jacaraqui, janiraquiw cawquïr marcjamäquisa.

Qullan Arunaka DC

⁹ Aka jach'a qarqanak patat uñjta, aka quntu patanakat uñtarakta; yaqhachat markaw jakasi, janiw yaqha markanakjamäkisa.

Números 23:9 Jak'a apnaqawi uñst'ayäwi

Esdras 9:2

Jupanacasa yokanacapasa uca jakenacan phuchanacapampiwa casarasipjje; uqhamasti Diosan marcapajj yakha marcanacanquir jakenacampiwa mayachasjjapjje. Nayrakatajja jilïrinacampi marca apnakerinacampiwa aca juchjja lurapjje” sasa.

Ester (hebreo) 3:8

Ucatsti Amán chachajj, rey Asuerorojj sänwa: —Jach'a rey, reinomana take provincianacana marcanacapana taypinsti, mä marcaw utji yakha jacasiri mayninacat sipansa uqhamarac yakha leyinacanïpjjewa, janiraquiwa juman arsutamarusa Jach'a Rey, phokhañ munapcaraquiti. Uqhamasti janiw walïquiti jumataquejja Jach'a Rey, uqham marcajja, marcam taypina jacañapajja.

Éxodo 33:16

Jumatejj jan nanacampi sarcasma ucajj ¿cunjämataraqui yatisispasti jakenacamasa, nayasa juman yanapamampi sarasipcatajjatsti? Ucampis juman yanapamampiquiwa jakenacamasa, nayasa take aca oraken jaquir jakenacans uñjcata mayja uñstapjjeristjja —sasa.

Jeremías 46:28

Naya Tatituw ucjja arsta. Jacobon marcapa, nayan uywatajja, jan ajjsaramti, nayaw jumampïscta. Cawqui marcanacarutejj ananucsma uca marcanacsti nayaw k'ala t'unjaraquï; ucampisa jumarojj janiw t'unjcämati, jan ucasti mayisitamjamaruraquiw chekacharaquïma, mutuyäwimsti churapuniraquïmawa.”

Jeremías 49:31

Naya Tatituw ucjja sapjjaracsma: ¡Nayraru sarapjjam, uca marcarusti nuwantapjjaraquim, jupasti c'uchiquiw jacascaraqui, jan puncuni, jan llavenacani, sapaqui, jan cunaquiw jacascaraqui!

Amós 9:9

Arsuraquïwa Israelan utapajj jawk'sutäñapataqui, cunjämatï jan mä trigo oraker jalaktayasa susuñat susutäquejj uqhama.

Miqueas 7:14

“¡Tatitu, marcamarojj uñjamaya, juman ovejanacamaru, jupanacasti sapaquiw ch'umi mankhancasipqui, suma orakenacana! Anaquimaya nayrapachanacanjama, Basán, uqhamaraqui Galaad uca chekanquir pastonacaru.

2 Corintios 6:17

Ucatwa Tatitojj saraquejja: “Mistunjjapjjam jupanac taypita, jupanacat jithektapjjaraquim. K'añu lurañanacsti jan lurapjjamti, nayasti jumanacarojj catokjjapjjämawa.

Deuteronomio 32:8

Mä cutiw alajjpachanquir awquejj jakenaca, marcanaca laquintäna, marcanacan korpanacapsa ucharaquïna, ucampis Israel marcaruw ajlliraqui.

Deuteronomio 33:28

Israel marcajj jan ajjsarasaw jacani, wawanacapasa samarañanwa jacapjjani. Orakenacapanjja trigo yapunaca, uva yapunacaw utjani, janiraquiwa jallusa pist'caniti alajjpachatjja.

Tito 2:14

Jupawa jiwas laycu jiwawayi jan walinacat jiwasar khespiyañataqui, k'omachañataqui, uqhamata jupancañataqui jan karjasisa asqui lurañasataqui.

1 Pedro 2:9

Ucampis jumanacajj ajllit jakenacäpjjtawa, reyir sirviri tucuyat sacerdotenacäpjjaractawa; mä k'oma marcäpjjtawa; Diosan ajllisit marcapäpjjaractawa. Acasti lurasiwa, jumanacajj Diosan muspharcañ luräwinacap yatiyapjjañamataqui. Uca Diosaraquiw jumanacarojj ch'amacat irpsusinjjapjjtam, suma muspharcañ khanapar mantjjapjjañamataqui.