Números 22:3 - Qullan Arunaca

³ Uqhamaraquiw Moab oraken jakenacajj wal ajjsarapjjäna, israelitanacar waljanïpjjatap uñjasajja.

Aymar Bibliia 1986

³ Uqhamaraquiw Moab oraken jakenacajj wal ajjsarapjjäna, israelitanacar waljanïpjjatap uñjasajja.

Qullan Arunaka DC

³ Israelitanakan waljanïpxatap uñjasax, Moab markankir jaqinakax axsarapxarakïnwa.

Números 22:3 Jak'a apnaqawi uñst'ayäwi

Nehemías 13:2

jan jupanacan israelitanacaru catokeri mistunipjjatapata mank'añampi, umañampiraqui, jan ucasti jupanacajj Balaam chacharuwa pagapjjäna israelitanaca toke maldición arunaca arsuñapataqui, ucampis Diosasajj uca maldicionjja bendicionaruw tucuyäna.

Salmos 53:5

Jupanacajj ajjsarañat qhathatipjjani, Diosajj uñisirin ch'aqhanacap willitatani, jupanacasti mä p'enkaw atipjat uñjasipjjani, Diosan jupanacar jan catokatap laycu.

Éxodo 1:12

Israelitanacasti wali t'akhesiyatajja juc'ampiw mirantapjjäna, ucatsti Egipto marcanquir jakenacajja israelitanacarojj wali ajjsarapjjäna.

Éxodo 15:15

Edom marcanquir capitananacasti yatisinjja mayjt'asipjjaniwa; Moab marcanquir jilïrinacasti ajjsarañatracwa qhathatipjjaraquini. Uqhamarac Canaán chekan take jaquirinacasti ajjsarayasipjjaraquiniwa.

Éxodo 23:27

“Nayasti juman nayrakatamanquirinacarojja ajjsaraña, wararis llaquisiñwa apayanëjja. Uqhamarac kawkha marcanactejj pasawaycäta ucanjja nayajj uñisirinacamarojj juma nayrakatatjja jaltayäwa.

Isaías 23:5

Cunapachatejj egipcionacar uca yatiyäwejj purini uqhajj jupanacajj wal llaquisipjjani Tiro marcar uqham pasatapatjja.

Deuteronomio 2:25

Jichha urut ucsarusti nayaw take marcanacaru jumanac nayräjjana ajjsaraña, sustjasiña churä. Cunapachatï jumanacat parlasiri ist'apjjan ucqhajj, jupanacajj wal qhathatipjjani, uqhamarac llaquisipjjanisa’ sasaw Tatitojj säna.

Josué 2:24

Jupanacasti Josué chacharojj sapjjänwa: “Diosajj take uca orakenac jiwasaruw churistu; jichhasti uca oraken jaquir jakenacajj jiwasat yatisajj wal qhathatipjje” sasa.

Josué 9:24

Gabaonanquir jakenacajj Josué chacharojj sapjjänwa: —Nanacasti ucjja lurapjjtwa jumar ajjsarasina, juman jan nanacaru jiwayañamataqui. Nanacasti yatipjjtwa cuntejj jumanacan Diosamajj Moisesarojj sawaycatayna ucjja: ‘Take aca marcanac jumanacar catuyapjjäma ucatsti jumanacajj takpach t'unjapjjäta’ sasa.