Números 22:23 - Qullan Arunaca

²³ Cunapachatejj asnojj Tatitun angelapa uñjcäna chica thaquir sayantata, mä espada ayt'asita, ucqhajj asnojj maysaruw thaquitjja saranucüna, yakha tokenjam sarasa, ucampis Balaamajj wal asnorojj jawk'jäna thaquiru cuttayaniñataquejja.

Aymar Bibliia 1986

²³ Cunapachatejj asnojj Tatitun angelapa uñjcäna chica thaquir sayantata, mä espada ayt'asita, ucqhajj asnojj maysaruw thaquitjja saranucüna, yakha tokenjam sarasa, ucampis Balaamajj wal asnorojj jawk'jäna thaquiru cuttayaniñataquejja.

Qullan Arunaka DC

²³ Qachu asnosti Tatitun angelapar espadas ayt'asit chika thakhin sayt'at uñjasaxa, thakhit maysaruw saranuküna, yaqha tuqinjam sarasa; ukampis Balaamax wal asnorux jawq'jäna, thakhir kuttayaniñataki.

Números 22:23 Jak'a apnaqawi uñst'ayäwi

2 Reyes 6:17

Ucatsti Eliseojj Tatituruw oracionan mayïna, aqham sasa: “Tatitu, achict'assmawa, nayranacapa jist'aram uñjañapataqui” sasa. Tatitusti uywatapan nayranacapjja jist'aränwa, ucatsti uywatajj uñjänwa kolluna phokhantata caballerianaca, uqhamarac nina nacquiri carronaca Eliseor muytata.

1 Crónicas 21:16

Davidasti Tatitun angelaparu uñtasinjja uñjänwa sayt'atäsquiri alajjpachampi, aca orakempi taypina amparaparusti espadapa apt'atäsquiri, uqhamaraqui Jerusalén toker ayt'asquiriraqui. Ucatsti Davidampi chuyman awquinacampejja luto isimpi isthapitcamaquïpjjänwa, orakeru ajanupsa puriyañcamaw liwirtapjjäna,

Jeremías 8:7

Cigüeña sat jamach'is alajjpachanjja yatiwa cunapachatejj cuttaniñapäqui ucjja. Khorucutunacasa, jisc'a jamach'inacasa yatipjjaraquiwa cunapachatejj yakha chekaru sarjjapjjañapäqui ucjja. Ucampisa jumajj nayan marcajja, janiw leyinacajj-jja yatctati.

Daniel (hebreo) 10:7

“Naya sapaquiw uca unañchäwjja uñjaracta, nayampi chicäpcän uca jakenacasti janiw cunsa amuyapcaraquïnti, ajjsarañampi catuntayasisajj imantasiriw jaltjjapjjaraquïna.

Números 22:22

Balaamajj kachu asnopar lat'jjatataw saräna, ucatsti pani uywatanacapaw jupampi chica sararaquïna. Ucampisa Diosajj wal jupataquejj colerasïna, uqham saratapata, ucatsti Diosan angelapaw jan pasayañataqui thaquiru sayantasïna.

Números 22:24

Ucjjarusti Diosan angelapajj mä c'ullc'u chekaruw sayt'asïna, cawqhantejj thaquejj uva yapunacanjam pasäna ucqharu, ucasti kalampi purapat perkantataraquïnwa.

Hechos 22:9

Nayamp chica saririnacasti uca khanjja uñjapjjaraquiwa. Ucatsti sustjasipjjaraquïnwa. Ucampis janiw ist'apcänti qhititejj parlquitän ucan arupjja.

Josué 5:13

Mä urojj Josué chachajj Jericó marca jac'ancasina, jupan nayräjjaparojj mä jakew uñstäna mä espada ayt'ata. Josué chachasti uc uñjasajj mäquiw uca jake jac'aru maqhatäna aqham jisct'asa: —¿Jumasti nanac castätati jan ucajj timajjätacha? —sasa.

2 Pedro 2:16

Ucatsti uca luratapatjja mä kachu asnomp tokenokataw jupajj uñjasïna, uca asnosti juparojj jakjamaw parljjayäna, uqhamataracwa lokhe cancañapjja jan luraycänti.

Judas 1:11

¡Ay cunancapcaquini! Cainan thaquip arquirinacajja Kollke jicjjatañ laycuw maysar saranucupjje, Balaamjama. Coré chachjamaw amuyasipjje, qhititejj juchapat jiwayatäcäna uqhama.