Números 21:7 - Qullan Arunaca

⁷ Ucatwa jakenacajj Moisesan ucaru sarapjjäna, aqham sasa: —Jucha lurapjjta Dios contra, uqhamarac juma contra parlasajja. Tatituruy mayim aca catarinac apakjjañapataqui —sasa. Ucatwa Moisesajj Tatitur mayïna israelitanacar perdonañapataqui.

Aymar Bibliia 1986

⁷ Ucatwa jakenacajj Moisesan ucaru sarapjjäna, aqham sasa: —Jucha lurapjjta Dios contra, uqhamarac juma contra parlasajja. Tatituruy mayim aca catarinac apakjjañapataqui —sasa. Ucatwa Moisesajj Tatitur mayïna israelitanacar perdonañapataqui.

Qullan Arunaka DC

⁷ Ukat jaqinakax Moisesan ukar sarasin jupar sapxäna: —¡Tatitumpitaki jumampitak arusisax jucha lurapxta! ¡Jumay Tatitur mayim aka katarinak apanukuñapataki! —sasa. Moisesasti israelitanakar juchapat pampachañapatakiw Tatitur mayïna,

Números 21:7 Jak'a apnaqawi uñst'ayäwi

Génesis 20:17

Ucatsti Abrahamajj Diosaruw mayïna, Diosasti Abimelec reyimpiru warmipampirojja c'umarachjjaraquïnwa. Sirvientanacaparusa c'umarachjjaraquïnwa wawanïpjjañapataqui.

Génesis 20:7

Ucampisa jichhajj uca warmjja chachapar irpjjaruyjjam, jupasti profetawa, juman jacañam laycusa achict'araquispawa, ucampisa janitejj chachaparu irpjjaruycjjätajja, chekpachansa jumampi, familianacamampejja jiwarapjjätawa” sasa.

1 Reyes 13:6

Ucatsti reyejj profetarojj sänwa: —Nayajj achict'assmawa Tatitu Diosamaru naya laycu mayiñama, amparajjana c'umaräjjañapataqui —sasa. Profetasti Tatituruwa mayïna, ucatsti reyin amparapajj c'umaräjjänwa nayrjama.

2 Reyes 13:4

Ucatjja Joacaz reyejj Tatituruw oracionan mayïna, Tatitusti oracionaparojj ist'änwa, uñjaraquïnwa cunjäm jan waltejj Siria marcanquir reyejj israelitanacaru t'akhesiycäna ucanaca.

Job 42:10

Job chachan amigonacapataqui mayitapatsti, Diosajj Job chacharojj nayra kamir cancañapwa wasitat cuttayjjäna, ucat juc'ampisa nayra kamir cancañapat sipanjja pä uqhampwa cuttayjjäna.

Job 42:8

Jichhajj pakallko orko vacanacampi, pakallko orko ovejanacampi catupjjam, ucatsti Job sirvirejjaru uñjiri sarapjjam, ucatsti jumanacajj mä nact'ata sacrificio loktapjjaraquim pachpa jumanacataqui. Job sirvirejjaw jumanacataqui mayiraquini, nayasti jupan mayitapjja ist'araquïwa, jumanacarusti janiw ucatjja cuna ñankhanacsa lurapcaraquïmati, jumanacarojj mutuyañas waquiscchi ucasa, nayjjat jan chekaparu khanañchapjjatamata, cunjämatejj Job sirvirejjajj khanañchänjja uqhama.”

Salmos 106:23

Diosajj jupanacar tucjañ munäna; jupan ajllit Moisesasti, nayrakatapan achict'äna, ucat k'apisiñap t'acurayäna.

Salmos 78:34

Diosajj jiwaraycän ucapachaquiw juparojj thakapjjäna, janc'aquiw Diosar maqhatjjañataquejj thakapjjäna;

Éxodo 10:17

Ucampis nayajj achict'asipjjsmawa jichha cutimpiqui juchajjat perdonapjjeta, uqhamarac jumanacan Tatitu Diosamaru nayatac mayirapipjjeta aca jiwayir mutuyäwjja nayata apakañapataqui.

Éxodo 32:11

Ucat Moisesajj Tatitu Diosaparuw mayïna aqham sasa: —Tatitu, ¿cunatsa colerasïta jakenacamataquejja? Juma pachpajjay Egipto marcatjja irpsunstajja jach'a ch'amamampi, uqhamarac jach'a cancañamampejja.

Éxodo 32:30

Ucat khepa arumarjisti Moisesajj jakenacarojj sänwa: —Jumanacajj wali jach'a jucha lurapjjtajja. Jichhasti nayajj cawqhancquitejj Tatitojj ucqharuw maqhatäjja mayiñataqui, ucat inacha uca juchat perdonapjjeristam —sasa.

Éxodo 8:28

Ucatsti faraonajj saraquïnwa: —Nayasti antutapjjämawa wasararu sarapjjañamataqui, ucana jumanacan Diosamaru sacrificio loktanipjjañamataqui, ucampis janiw wali jayaru sarapjjätati, nayataquis mayipjjaraquïtawa —sasa.

Éxodo 8:4

C'ayranacasti mistsupjjaniwa juma pataru, sirvirinacam pataru, uqhamarac take jakenacam pataru.’

Éxodo 8:8

Ucatsti faraonajj Moisesampiru, Aaronampir jawsayanisajja sänwa: —Tatitur mayipjjam c'ayranaca apakañapataqui nayata, uqhamarac jakenacajjata, nayasti jakenacamarojj antutjjäwa Tatitur sacrificio loktir sarjjapjjañapataqui.

Isaías 26:16

Tata, t'akhesiñanjja jumaruw thakhapjjsma, cunapachatejj jumajj may tokenokasaqui asquichapjjetäta ucqha.

Jeremías 15:1

Tatitusti saraquituwa: “Moisés, uqhamaraqui Samuel, ucanacasay nayan nayrakatajjaru uñstaniscpan, ucqhas janipuniw nayajj aca jakenacat qhuyapayasquiristti. Nayan nayrakatajjatsti mistupjjpan, jayar sarapjjpan.

Jeremías 37:3

Sedequías reyisti, Selemiasan yokapa, Jucal sat jakempiru, uqhamaraqui Maasías jaken Sofonías sacerdote yokapampiruw Jeremiasan ucaru qhitäna, aqham sapjjañapataqui: “Take nanacataqui Diosat mayirapipjjeta” sasa.

Oseas 5:15

“Ucatsti utjäwejjaruw cuttawayjjä, jupanacan juchanacap uñt'asiñapcama, nayar thakeri jutapjjañapcamaraqui. ¡Llaquisiñanacapanwa nayarojj thakapjjetani!”

Números 11:2

Marcajj arnakasïnwa Moisesar yanap mayisa. Moisesasti Tatituruw jupanacatac mayïna, ucat ninajj jiwarjjänwa.

Mateo 27:4

Jupanacarusti saraquïnwa: —Nayajj juchanïtwa mä jan juchanir catuntayañataquejja —sasa. Ucjjarusti mayninacajj sapjjaraquïnwa: —Jichhasti, ¿cunarac ucasti nanacataquisti? ¡Jumay cunarus tucuscamjja! —sasa.

Hechos 8:24

Simonasti ucjjarojj sänwa: —Jumanacajj Tatituruy mayirapipjjeta, cuntï sapquista ucanacajj jan nayjjar jutañapataqui —sasa.

Romanos 10:1

Jilatanaca, chuymajjanjja muntwa, oracionajjansti Diosarojj mayisctwa israelitanacajj khespiyatäñapataqui.

Deuteronomio 9:20

Uqhamaraquiw Tatitu Diosajj Aarón chacha contra wal colerasïna, juparu t'unjañcama, ucampis nayaw jupataqui Tatitu Diosaru mayiyäta.

Santiago 5:16

Ucatpï jumanac purajj maynit mayniru juchanacamjja arsusipjjañamajja, ucatsti maynejj maynitaqui orañaparaquiwa uqhamata c'umaräjjañapataqui. Mä asqui jaken oracionapasti wali ch'amaniraquiwa.

1 Samuel 15:24

Ucat Saúl reyejj Samuelorojj saraquïna: —Jïsa, juchwa lurtjja, Tatitun arunacaparu jan yäkasajja, uqhamarac juman arsutanacamar jan ist'asisa. Jakenacaruw ajjsaräyäta, ucat jupanacan mayitaparu jaysta.

1 Samuel 15:30

—Chekpachansa, nayaw juchjja lurta —sasaw Saúl reyejj säna. Ucampisa take Israel marcan jilïri jakenac nayrakatanwa uqhamarac take Israel marcpacha nayräjjanwa achict'assma, nayarojj mä reyirjama uñjaquitaya. Uqhamajj nayampi chica sarañäni, Tatit Diosamar yupaychañataqui, —sasaw Saúl reyejj säna.