Números 21:5 - Qullan Arunaca

⁵ Ucatsti Dios contra, uqhamarac Moisés contraw parlañ kalltapjjäna aqham sasa: —¿Cunatsa jumanacajj Egiptot irpsunipjjesta? ¿Wasaran jiwarañataquiti irpsunipjjesta? Janiw umasa, mank'as utjapquituti. Nanacasti aca mank'ampejj amjayasjjapjjaractwa —sasa.

Aymar Bibliia 1986

⁵ Ucatsti Dios contra, uqhamarac Moisés contraw parlañ kalltapjjäna aqham sasa: —¿Cunatsa jumanacajj Egiptot irpsunipjjesta? ¿Wasaran jiwarañataquiti irpsunipjjesta? Janiw umasa, mank'as utjapquituti. Nanacasti aca mank'ampejj amjayasjjapjjaractwa —sasa.

Qullan Arunaka DC

⁵ ukat jupanakax Tatitutak arusiñ qalltapxäna, Moisesarusti sapxänwa: —¿Kunatakirak Egiptot irpsunipxistasti? ¿Wasaran jiwarayañatakit irpsunipxistasti? Janiw umasa, manq'as utjapkituti. ¡Aka jan sist'ayasir manq'ampix amjatäxapxtwa! —sasa.

Números 21:5 Jak'a apnaqawi uñst'ayäwi

Salmos 68:6

Diosaw aynacht'at jakenacataquejj ut waquicharapi, catuntat jakenacar antutayasin asquinac churi; kallasir jakenacaquiw jan achur oraken kheparapjje.

Salmos 78:19

Diosataquejj arusipjjänwa: “¿Diosast wasaran mank'añ waquichaspati?

Éxodo 14:11

Moisesarojj sapjjänwa: —¿Janiti Egiptonjja sepulcronacajj utjcäna, aqhama nanacaru apsunisa aca wasaran jiwarayañamataquejja? ¿Cunatsa uqham lurta, nanacar Egiptot apsunisajja?

Éxodo 15:24

Ucampis jakenacajj Moisés tokwa jan walinaca parlapjjäna, ucatsti sapjjaraquïnwa: “¿Cunsa jichhajj umañäni?” sasa.

Éxodo 16:15

Ucampis israelitanacajj jan cunätapsa yatisinjja maynit maynicamaw jisct'asipjjäna “¿Acajj cunasa?” sasa, ucatsti Moisesajj sänwa: —Acasti t'ant'awa, Tatituw uc churapjjtam mank'apjjañamataqui.

Éxodo 16:31

Israelitanacasti apthapipcäna ucarusti sutichapjjänwa maná sasa. Ucasti jank'önwa, cilantro sat alin jathapjama, uqhamarac misq'impi lurat sillp'a t'ant'jam lurataraquïnwa.

Proverbios 27:7

Mank'at jan awtjatäqui ucataquejj, misq'isa janiw sumäcjjeti, ucampis qhititï mank'at awtjatäqui ucataquisti, cuna jarusa mojjsaquiwa.

Ezequiel 20:21

“Ucampisa jupanacan wawanacapajj nayataquejj sayt'asipjjaraquiquïnwa. Leyinacajjsa, camachi arunacajjsa janiw phokhapcaraquïnti ni ucarjamas sarnakapcaraquïnti, uca arunacasti qhitinacatejj ucarjama sarnakapqui ucanacarojj jacaña churi, samaraña urunacajjsa taquisipjjaraquïnwa. Nayasti uca pachpa wasaranwa jupanacarojj colerasiñajj wartaniñ munäyäta, pachpa wasaran jupanacar tucjaña, uqhamat colerasiñajjajj samarañapataqui.

Números 11:20

jan ucasti phajjspachaw aycha mank'apjjäta, nasanacamatsa jaksuñcama, uqhamarac cunapachatejj ajjtasjjapjjäta ucqhacama, naya Diosaru jisc'achapjjesta, uqhamarac naya nayräjjan jachapjjta uca laycu, ‘¿Cunatsa Egiptot mistunpachätan?’ sasa.

Números 16:41

Khepärmanthisti take Israel marcpachaw Moisés contra, uqhamarac Aarón contra maynit maynicam parlañ kalltapjjäna aqham sasa: —Jumanacajj Tatitu Diosan marcaparuw jiwayasipctajja —sasa.

Números 17:12

ucampis israelitanacajj Moisesarojj sapjjänwa: “Aynacht'atätanwa. ¡Takpachaniw jichhajj jiwarapjjañäni!

1 Corintios 10:9

Janiraquiw jupanacjamas Diosarojj colerayañasäquiti. Uca lurapjjatap laycusti jupanacajj catarinacan jiwarayatäpjjänwa.