Números 21:34 - Qullan Arunaca

³⁴ Ucatsti Tatitojj Moisesarojj sänwa: “Jan ajjsaramti, nayaw amparamar catuysma, take ejercitopa, uqhamarac orakepsa, cunjämtejj Sehón reyirojj lurctajja uqhamwa luräta, cawquïri amorreo reyitejj Hesbón marcana jaccäna ucaru” sasa.

Aymar Bibliia 1986

³⁴ Ucatsti Tatitojj Moisesarojj sänwa: “Jan ajjsaramti, nayaw amparamar catuysma, take ejercitopa, uqhamarac orakepsa, cunjämtejj Sehón reyirojj lurctajja uqhamwa luräta, cawquïri amorreo reyitejj Hesbón marcana jaccäna ucaru” sasa.

Qullan Arunaka DC

³⁴ Ukapachaw Tatitux Moisesar säna: “Og reyir jan axsaramti, nayaw amparamar jupar katuyäma, taqpach ejercitoparu, markapamppacharu, jumasti kunjämtix Hesbón markan jakir amorreo Sihón reyir lurktaxa, uka pachparak luräta” sasa.

Números 21:34 Jak'a apnaqawi uñst'ayäwi

2 Samuel 5:19

Ucatwa Davidajj Tatituru yanapa mayiraquïna, jisct'asiraquïnwa: —¿Filisteo jakenacarojj nuwantiristti? ¿Jupanacarojj atipjayitätati? —sasa. Tatitusti juparojj saraquïnwa: —Jïsa, nuwantascaquim, nayaw jumarojj jupanacjjaru atipjaña churäma —sasa.

1 Reyes 20:13

Uccañcamasti Israelan Acab reyin nayrakataparusti mä profetaw jutäna, aqham sasa: —Tatitojj aqham siwa: ‘Jumajja uca walja uñisirinacam uñjcta ucasa, nayawa amparamaru jichhürojj catuyäma, juman yatiñamataqui nayajj Tatitötajja’ —sasa.

1 Reyes 20:28

Ucqhansti mä profetawa Israelan reyip nayrakataparu jutasina aqham säna: Aqham siwa Tatitojja: ‘Sirio jakenacajj niyajjaya nayarojj sapjjchitojja kollunacana diosätajjaqui, jan vallenacana diosätajj-jja, jichhasti amparamaruwa take aca walja jakenacjja catuyäma. Uqhamatwa jumajj yatïta nayan Tatitötajja’ ” sasa.

2 Reyes 3:18

Acasti mä jisc'a uñacht'äwiquiwa Tatitojj cuntejj lurcani ucatjja, ucjjarusti jupajj moabita jakenacarojj jumanacan amparanacamaruwa catuyapjjätam.

Isaías 41:13

Naya, juman Tatitu Diosamaw, jumarojj amparat wayjjarsma, irparacsma; nayaw saracsma: ‘Jan ajjsaramti, nayaw yanapascäma.’ ”

Números 14:9

Ucampis jan Tatitu contra sartapjjamti, ni uca marcan jakenacaparus ajjsarapjjamti, jupanacasti mä t'ant'jam mank'antatäniw jiwasataquejja. Jupanacar arjjatirejj janiw qhitis utjquiti, ucat sipansa Tatituw jiwasampïsqui. ¡Jan ajjsarapjjamti!

Números 32:4

cawquïri orakenacatejj Tatitojj Israel marcatac catuntawayqui, ucanacasti suma paston orakenacawa uywataquejja, chekpachansa nanaca juman sirvirinacamanjja uywaw utjapjjetu.

Deuteronomio 2:30

“Ucampis Sehón reyejj janiw orakepanjam pasañas muncänti, jumanacan Tatitu Diosamaw uca reyin chuymaparu mayjt'ayäna uca laycu, uqhamat jan munañapataqui, ucatsti amparanacamar catuyañataqui jichhürcama.

Deuteronomio 20:3

aqham sasa: ‘Ist'apjjam israelit jakenaca; jichhüruwa uñisirinacamampi nuwasipjjäta. Jan jumanacajj mayjt'asipjjamti, janirac ajjsarapjjamsa; janiraqui qhathatipjjamti ni sustjasipjjamsa,

Deuteronomio 3:1

“Ucatsti yakha thaquinjam sarapjjtan Basán toker sarasina, ucampis uca marcan Og sutini reyipajj takpach ejercitopampiw jiwasampi nuwantasiñatac mistunïna Edrei sat chekaru.

Deuteronomio 3:11

(Og sat reyiquiraquiw refaítas sat jach'a tansa jakenacatjja kheparjjäna. Iquiñapasti hierrot luratänwa; largorojj pusi metro anchorusti pä metroraqui, cunjämatï ucajj jichhacama amonitanacan Rabá sat marcapancasqui.)

Deuteronomio 31:6

Ch'amañcht'asipjjam, sayt'asipjjaraquim, jan ajjsarapjjamti ni sustjasipjjamsa jupanacampi nuwasiñataquejja, Tatitu Diosamaw jumanacampïsqui uca laycu, janiraquiwa jaytapcätamti ni apanucupcätamsa.”

Deuteronomio 7:17

“Inas jumanacajj chuymanacaman amuyapjjchïta: ‘Aca marcanacajj jiwasat sipansa juc'ampi jilt'atawa, ¿cunjämraqui t'unjapjjeriststi?’ sasa.

Deuteronomio 7:18

¡Ucampis jumanacajj jan ajjsarapjjamti! Sum amtasipjjaraquim cunjämtï Tatitu Diosajj faraón reyiru, take Egipto marcarus lurcän ucanaca.

Deuteronomio 7:21

uqhamasti jumanacajj jan jupanaca nayräjjana qhathatipjjamti, jumanacan jach'a ajjsarcañ Tatitu Diosamaw jumanacampïsqui uca laycu.

Deuteronomio 7:24

Reyinacaparusa jumanacan amparanacamaruw catuyapjjtam, ucatsti jumanacaw jupanacarojj chhaktayapjjäta jan qhitis aca oraken jupanacat amtasiñapataqui. Janiwa cawquïrisa jupanacatjja jumanac nayräjjan sayt'asiñ puedcaniti, ucatsti jumanacajj take jupanacaruw jiwarayapjjäta.

Josué 10:25

Ucatsti Josué chachajj sänwa: “Jan jumanacajj ajjsarapjjamti ni sustjasipjjaraquimsa, jan ucasti wali ch'amani sayt'asipjjam, Diosasti aca quipca luraraquini jumanacan uñisirinacamampejja” sasa.

Josué 10:8

Ucatwa Diosajj Josué chacharojj säna: “Jan jumajj ajjsarayasimti, nayaw jumar catuysma, janiraquiw cawquïri reyis jumampi nuwasiñjja puedcaniti” sasa.

Josué 8:7

Ucapachaw jumanacajj mistunipjjäta cawqharutï imantasipcta ucqhata, ucatsti marcar mantasin t'unjapjjäta, Diosasasti amparanacamaruw uca marcjja catuyapjjätam.

Jueces 11:30

Jefté chachasti aqhama arumpiw Diosaru arsüna: “Jumatejj amonitanacaru atipjayitäta ucajja,

1 Samuel 23:4

Uqhamasti Davidajj wasitatwa Tatiturojj jisct'asiscaquïna, Tatitusti saraquïnwa: —Jumajj sarascaquim Keila marcaru, nayaw amparamaru filisteonacjja catuyascäma —sasa.