Números 21:33 - Qullan Arunaca

³³ ucatsti cuttanipjjänwa Basán thaquinjama, ucampisa Og sat Basán marcan reyipajj take ejercitopampiw mistunïna Edrei sat chekaru jupanacampi nuwasiñataqui.

Aymar Bibliia 1986

³³ ucatsti cuttanipjjänwa Basán thaquinjama, ucampisa Og sat Basán marcan reyipajj take ejercitopampiw mistunïna Edrei sat chekaru jupanacampi nuwasiñataqui.

Qullan Arunaka DC

³³ Uka qhipatsti Basán uraqiruw sarxapxäna, ukampis Basán markan Og reyipax taqpach ejercitopampiw Edrei chiqar saräna jupanakamp nuwasiri.

Números 21:33 Jak'a apnaqawi uñst'ayäwi

Salmos 135:11

amorreo orakenquir Sehón reyiru; Basán orakenquir Og reyiru, Canaán orakenquir takpach reyinacaru.

Salmos 136:20

Basán orakenquir Og reyir jiwayiriru: qhuyapayasiñapajj wiñayawa.

Salmos 22:12

Uñisirinacajjajj toronacjamaw muyuntitu, Basán oraken wajjrasir toronacjamaw chhucjjatitu,

Salmos 68:15

Basán kollunacajj wali jach'anacawa, kollunacapajj wali khathanacawa:

Salmos 68:22

Tatitojj siwa: “Basán oraketpach cutiyanjjäma, lamar kota mankhatpach irpsunjjäma,

Isaías 33:9

Aca orakejj llact'atawa luto isimpi isthapitaraquiwa, Líbano kollusti mä p'enkaw ancuntawayjjaraqui, Sarón vallesti ch'usa wasarar tucutawa, Basán, uqhamarac Carmelo kollus ch'usa k'ara kolluquëjjewa.

Ezequiel 27:6

barconacaman remonacapsa Basán chekata apanit roblenacatwa lurarapipjjaractam. Patjja maderanacamsa Chipre tokenquiri ciprés sat maderanacatwa lurarapipjjaractam, marfilanacampisa q'iñaquipataraqui.

Ezequiel 39:18

Soldadonacan aychanacapwa mank'apjjani, marca apnakerinacan wilapwa umapjjaraquini, oveja aychäcaspas uqhama, jan ucajj Basán sisqui ucsa tokenquir liq'i cabritonacana, orko vacanacan aychapäcaspas uqhama.

Amós 4:1

Ist'apjjam aca arunaca, Basananquir kamir warminaca, qhitinacatejj Samaria kollunacan utjapjjta ucanaca, jumanacasti pobrenacarojj jachayapjjtawa, jan cunanirusti t'akhesiyapjjaractawa, chachanacamarusti “vino apanipjjam umañataqui” sapjjaractawa.

Números 32:33

Uqhamaw Moisesajj churäna Gad, uqhamarac Rubén tribunacaru, chicat Manasés triburusa Sehón sat amorreo reyin orakenacapa, uqhamarac Og sat Basán reyin orakepa, take cawquïri marcanacatejj jupanccäna, take yapunacasa muyuntcäna ucanacampi chica.

Deuteronomio 1:4

Cunapachatï jupajj atipjatayna amorreonacan Sehón sat reyiparu, cawquïrinacatï jacapjjäna Hesbón orakena, uqhamaraqui Basán marcan Og sutini reyiparu, cawquïrinacatï jacapjjäna Astarot marcana, Edrei sat chekana.

Deuteronomio 2:30

“Ucampis Sehón reyejj janiw orakepanjam pasañas muncänti, jumanacan Tatitu Diosamaw uca reyin chuymaparu mayjt'ayäna uca laycu, uqhamat jan munañapataqui, ucatsti amparanacamar catuyañataqui jichhürcama.

Deuteronomio 29:7

“Cunapachatejj acsa tokenacar purintan ucqhajja, Sehón sat Hesbón marcan reyipaw jiwasampi nuwasir mistunïna, uqhamaraqui Og sat Basán marcan reyipasa, ucampis jiwasajj atipjayätanwa.

Deuteronomio 32:14

uywanacamatsti lechempi mantequillampwa churapjjtam, suma liq'i oveja mank'aractajja, Basán orakenquir orko ovejanaca, orko cabritonacampi. Suma trigo achunac mank'apjjaraquïna, uvan umapjja vinjamwa umapjjaraquïna.

Deuteronomio 4:47

Israelitanacasti takpach orakenacapwa catuntapjjäna, Og sat Basán marcan reyipan orakenacapamppacha, cawquïri pani amorreo reyinacatï jacapcäna Jordán jawirat inti jalsu tokena ucanaca.

Josué 12:4

Og sata Basán marcan reyipa cawquïritï refaitanacat jilïrïcäna uca, jupasti Astarot uqhamaraqui Edrei sat chekan jacäna.

Josué 13:12

Og sutini Basán reyin orakepamppacha, cawquïritï Astarot, Edrei sat marcanac apnakcaraquïna, jupasti khepa refaíta tamatänwa, cawquïrinacarutï Moisesajj atipjäna uqhamaraqui uca chekatsa jakonucüna ucanaca.

Josué 13:30

Manasés triburojj take Og reyin orakenacapäquis ucanacaw wact'äna uqhamaraqui takpach Basán sutini orakenaca, Mahanaim chekacama, uca sojjta tunca marcanacamppacha cawquïrinacatï Jair marcanccäna ucanacamppacha,

Josué 9:10

uqhamaraqui cunjämtï lurcatayna uca pani amorreon reyipampisa, cawquïrinacatï Jordán jawir qhurcatan jacapcän ucanacampi, Hesbón sat marcan reyipa Sehón sutini; uqhamaraqui Basán marcan reyipa ucasti Og sutiniraqui, cawquïritï Astarot sat oraken jaccäna ucaru —sasa.