Números 19:2 - Qullan Arunaca

² “Naya Tatituw acanac arsta. Parlam israelitanacarojj mä wila vaca juman ucaru irpanipjjpan, uca vacasti janiraqui usuchjatäcpansa, ni mä cutisa cuncaparojj yugojj ayjjatatäpanti.

Aymar Bibliia 1986

² “Naya Tatituw acanac arsta. Parlam israelitanacarojj mä wila vaca juman ucaru irpanipjjpan, uca vacasti janiraqui usuchjatäcpansa, ni mä cutisa cuncaparojj yugojj ayjjatatäpanti.

Qullan Arunaka DC

² “Naya Tatituw akanak arsta: Israelitanakar parlam mä wila vaca juman ukar irpanipxpan, uka vacasti janirak usuchjatäkpansa, janirak kunapachas kunkapar yuku ayxatatäkpanti.

Números 19:2 Jak'a apnaqawi uñst'ayäwi

Éxodo 12:5

‘Aca uywasti orköñapawa mä marani, c'umara uywäñaparaquiwa, ovejanacata jan ucajj cabritonacatsa.

Isaías 1:18

Tatitojj siwa: “Jutapjjam, uca jan wali luratanacamat parlapjjañäni. Juchanacamajj wila colorar uñtatäcchinisa, nayajj qhunjam jank'ow tucuyäjja; ch'iyar wila isir uñtatäcchinisa, nayajj jank'o t'arwaru uñtata tucuyäjja.

Lamentaciones 1:14

Juchanacajjsti Tatituw yatisqui, jupa quipcaraquiw uca juchanacjja chincatitu. Uca juchanacasti mä yugöcaspasa uqhamaw jatjjattaraquitu; ch'amas janiquiw utjcaraquituti. Pachpa Tatituw jupanacan amparaparu catuyaraquitu, janiw jichhajj uca juchat jaltcaraquiristti.

Levítico 1:10

“Naqhantañatac loktat uywatejj mä ovej tamata jan ucajj cabra tamata churatäcani ucajj suma c'umara orköñapawa,

Levítico 1:3

“Naqhantayañatac loktat uywatejj orko vacänejja ucasti suma c'umaräñapawa. Catokatäñataquejja, loktatäñapawa Tatitun nayrakatapana, Tatitump Jiquisiñ Carpar mantañäquis ucawjana.

Levítico 14:6

Ucat jacasquiri jamach'i caturaquini, cedro maderampi, wila telampi, uqhamarac hisopo alimpi. Jiwat jamach'in wilapjja, phujut aptanit umaruw ch'akarayaraquini, take uca yänacampi, jacasquir jamach'impjja uca wila umaruw chilltaraquini.

Números 19:1

Tatitojj Moisesampiru, Aaronampirojj sänwa:

Números 19:6

Ucjjarusti sacerdotejj cedro lawa aptasina, mä hisopo rama uqhamarac mä wila tela apjjarusinjja ninaruw jakontani, cawqhantejj vacajj naqhantasqui ucaru.

Números 31:21

Eleazar sacerdotejj aqham sasaw parläna, cawquïri soldadonacatejj nuwasiri sarapcatayna ucanacarojja: —Cuntejj Tatitojj Moisesaru churcän uca leyirjamajja.

Lucas 1:35

Angelasti sänwa: —Kollan Ajayuw jumjjaru jutani, ucatsti alajjpach Diosan ch'amapaw mä kenayjam jumarojj imjjattätam. Ucatwa nascan uca wawajj Diosatac yakhachatäni, ucatsti Diosan Wawapa sataraquïniwa.

Deuteronomio 21:3

Ucatsti uca jac'anquir marcanacan jilïri jakenacapajj, mä vaca kallu catupjjani, cawquïri uywarutejj jan yugojj ayjjatatäqui.

Hebreos 7:26

Uqhamapï Jesusajj cuna jilïri sacerdottejj suycäyätan ucajja. Jupajj kollanawa, jan juchaniraquiwa, juchaninacats jithektata, alajjpachats juc'amp alayar aptataraqui.

Hebreos 9:10

Ucasti mank'añawjata, umañawjampitac parli, yakhep k'omachasiñanacampita. Ucasti ankäjjataquiquiwa ch'amanejja, cuna horasatï Diosajj mayampi machakat lurcani ucqhacama.

1 Pedro 1:19

jan ucasti Tatit Jesucriston suma wilapampi alatawa. Uca Tatitusti mä suma k'oma jan camacht'ata ovejar uñtata sacrificion loktataraquïnwa.

1 Pedro 2:22

Jupajj janiw cuna juchsa lurcänti, janiraquiw qhitirus cunapachas ñankha lurcänti.

Apocalipsis 1:5

Diosan cheka testigopa Jesucristotsa catokapjjaraquim bendicionapjja. Uca Jesucristowa jiwatanacat nayrïri jactirejja. Take acapach reyinacjjarus jupajj munañaniraquiwa. Jesucristojj jiwasarojj walwa munistu, juchanacasatsa wilapampiw jarekestu.

1 Samuel 6:7

Uqhamasti mä machak carreta lurayapjjam; ucatsti pä kalluni vacanac thakhapjjaraquim, uca vacanacasti janipuniw cunapachas yugompejj yapt'atäñapäquiti, ucatsti uca carretaru yapcatapjjam, kallunacapasti janiw jupanacampi chica sarapjjañapäquiti, jan ucasti vaca uyur t'akakatäñaparaquiwa.