Números 16:13 - Qullan Arunaca

¹³ ¿Amuyatamatsti juc'aquiti irpsunitamasti, cawqha orakentejj lechesa, misq'isa umjam jalasqui ucatjja, wasaran nanacaru jiwarayañataqui, ucampisa jumajj jach'a jilïrinacajjäñ munatamasti?

Aymar Bibliia 1986

¹³ ¿Amuyatamatsti juc'aquiti irpsunitamasti, cawqha orakentejj lechesa, misq'isa umjam jalasqui ucatjja, wasaran nanacaru jiwarayañataqui, ucampisa jumajj jach'a jilïrinacajjäñ munatamasti?

Qullan Arunaka DC

¹³ ¿Amuyatamatsti juk'akiti kawkha uraqintix lechesa, misk'is umjam jalaski uka uraqit nanakar irpsunitamasti, ukat wasaran nanakar jiwarayiri, ukhamarus munañamar nanakar apnaqañ munatamasti?

Números 16:13 Jak'a apnaqawi uñst'ayäwi

Éxodo 1:11

Ucatsti egipcionacajj lurayirinacwa israelitanac taypiru uchapjjäna wali ch'ama irnakañanaca lurayapjjañapataqui. Israelitanacarusti Pitón, uqhamarac Ramsés sat marcanacwa lurayapjjäna ucaru Egiptonquir Faraón reyejja juyranacapa imañapataqui.

Éxodo 1:22

Faraón reyejja take marcaparuw säna: “Take israelitanacan yokall wawanacapajj nasqui ucanacarojja jawirar jakontanipjjam, ucampis imilla wawanacasti jacascpan” sasa.

Éxodo 16:3

Jupanacasti sapjjänwa: —¡Waliquisapänwa Tatitojj Egipton jiwarayistasapän ucajja! Qhayansti jiwasanacajj aycha phuqhu jac'aru kont'ata, uqhamarac t'ant'sa sist'asiñcamaw mank'asiyätanjja. Ucampis jumanacajja aca wasararojj takeniru mank'at jiwarayañataquiw irpanipjjestajja —sasa.

Éxodo 17:3

Ucampis israelitanacajj umat pharjatajja Moisés contrawa jan walinac parlapjjäna aqham sasa: —¿Cunatsa Egiptota apsunipjjesta, nanacaru, wawanacajjaru, animalanacajjaru umat jiwarayañataquejja? —sasa.

Éxodo 2:14

Ucatsti uca hebreojj Moisesarojj sänwa: —¿Qhitisa jumarojj nanac taypiru jilïrita uchtam, jan ucajj cunatejj walïqui, janis walïqui ucanac uñjiritsa? ¿Nayarojj jiwayañti munista, cunjämatejj masüru mayni egipcior jiwaycta uqhama? —sasa. Moisesasti uca arunac ist'asinjja wali ajjsarthapïna, egipcio jakeru jiwayatapsa yatipjjatapa amuyasina.

Éxodo 2:23

Jaya maranaca pasatatsti Egiptonquir reyejj jiwjjänwa. Ucampis israelitanacajja t'akhesisipcaquïnwa, ucatsti jupanacajja Diosansa ist'cayawa mayisipjjäna.

Ezequiel 34:18

¿Janit jumanacataquejj waliquïqui ucqha suma pasto mank'asiñajja, cunatsa jilt'qui ucjja taquisipjjta? Suma ch'uwa umwa umt'apjjtajja, ucat jilt'irsti cayunacamampiw konchuchapjjaractajja.

Números 11:20

jan ucasti phajjspachaw aycha mank'apjjäta, nasanacamatsa jaksuñcama, uqhamarac cunapachatejj ajjtasjjapjjäta ucqhacama, naya Diosaru jisc'achapjjesta, uqhamarac naya nayräjjan jachapjjta uca laycu, ‘¿Cunatsa Egiptot mistunpachätan?’ sasa.

Números 11:4

Israelitanacampi chicajj cunayman casta jakenacaw saratayna, ucanacasti mank'añacwa munasipcäna; ucatsti israelitanacajj jupanacamp chicaw jachapjjaraquïna aqham sasa: “Aychaquis utjaspa mank'añataqui.

Números 11:5

Amtastanwa Egiptona inaqui chawlla mank'atasjja, uqhamaraquiw mank'araquïyätan pepinonaca, melonanaca, puerronaca, cebollanaca, ajosanaca.

Números 13:27

Moisesarusti sapjjänwa: —Sarapjjtwa cawquïri orakerutejj qhitapquista ucaru. Chekpachansa uca oraketjja lechempi misq'impejj umjamaw jalasqui, aca achunacaw ucanjja achuraqui,

Números 14:2

Take jupanacaw Moisés, uqhamarac Aarón toke jan wali arunac parlapjjäna, aqham sasa: “Egiptonsa jiwarascasäna jan ucajj aca wasaransa.

Números 14:3

Cunataquis Diosajj aca marcar irpanistu. ¿Jiwasan guerran jiwarañasataqui, uqhamarac warminacasasa, wawanacasasa uñisirisan amparapar catuyatäñapataqui? ¡Walïspawa Egipto marcar cuttjjañasajja!” sasa.

Números 16:12

Ucatsti Moisesajj, Datán, Abiram sat Eliab chachan wawanacaparuw jawsayir qhitäna, ucampis jupanacajj sapjjänwa: —Janiw sarapquiristti —sasa.

Lucas 19:14

Ucampis uca marcapanquir jakenacajj juparojj uñisipjjänwa, ucatwa jupan khepapat mä qhitanaca qhitapjjäna sapjjañapataqui: ‘Janiw munapcti aca jakejj nanacan reyïñapa’ sasa.

Hechos 7:35

“Egiptonquir israelitanacajj Moisesarojj jan yäkapcchïnsa: ‘¿Qhitis jumarojj jilïritsa juesatsa nanacjjaru uchtam?’ sapcchïnsa, Diosajj juparuw qhiti, mä jilïrita uqhamarac khespiyirita. Ucatwa Diosajj angelap qhitanïna, mä nina akquir jisc'a kokan jupar uñstasa.