Números 15:20 - Qullan Arunaca

²⁰ Cunjämatejj nayra jawk'at trigot mä juc'a loktapquista, uqhamaraquiw nayrïri masa chaputatjja mä t'ant'a ofrenda lurarapipjjetäta.

Aymar Bibliia 1986

²⁰ Cunjämatejj nayra jawk'at trigot mä juc'a loktapquista, uqhamaraquiw nayrïri masa chaputatjja mä t'ant'a ofrenda lurarapipjjetäta.

Qullan Arunaka DC

²⁰ Kunjämatix nayrïr jawq'at trigot mä juk'a luqtapkistaxa, ukhamarakiw nayrïr jak'u chaputatxa, t'ant'a waxt'a luqtapxitäta.

Números 15:20 Jak'a apnaqawi uñst'ayäwi

Nehemías 10:37

Uqhamaraquiw amtasipjjaracta apañataqui Diosasan templopan pirwanacaparu sacerdotenacaru churañataqui, sumïri jac'unacata, take kokanacan achunacapata, nayrïri vinota, uqhamarac aceitetsa. Ucatsti levitanacan ucaru apaña cosechanacasata tuncat mayïrïqui uca, jupanacawa catokerïpjjejja take yapunacasata tuncat mayïrïqui ucjja.

Éxodo 23:19

“Uqhamaraqui yapumana nayrïri suma achunacapsti Tatitu Diosamana temploparuw apäta. Ucampis cabriton aychapjja janiw taycapan lechepampjja wallakeyätati.

Éxodo 34:26

“Ucjjarusti orakenacaman nayrïr suma achunacapjja apapjjaraquïtawa Tatitu Diosaman utaparu. Uqhamarac janiw phayapjjätati cabritonacjja taycapan lecheparu.”

Ezequiel 44:30

Sacerdotenacasti cawquïrinacatejj suma achunacäqui ucanacwa catokapjjaraquini, uqhamaraqui take ofrenda loktapquitani ucanacatsa. Cunapachatejj jumanacajj t'ant'a lurasiñataqui masa waquichasipcäta ucapachasti, ucatjja cawquïritejj sumäqui ucwa churapjjäta.

Levítico 2:12

Nayrakat achunactejj Tatitur ofrenda churañäquis uqhamjja, levadursa, misq'sa loktasipcasmawa, ucampisa janipuniw altaranjja suma k'apquiri ofrendjama nact'ayasin loktatäñapaquiti.

Levítico 2:14

“Tatiturutejj nayrakat grano achunacat waquichata mä ofrenda loktätajja, ucasti suma pokorat puyanacat ch'ajjert'asin ninaru jamp'iquipatäñapawa nayrïri grano achunacamat loktäwejja.

Levítico 23:10

“Israelitanacarusti aqham saraquim: Cunapachatejj jumanacajj cawquïri oraktejj churapcäma ucaru mantapjjäta ucanwa, trigo apthapipjjäta, ucapachasti nayrïri markjja sacerdoteruw churapjjäta.

Levítico 23:20

Sacerdotew uca uywanacjja loktaraquini, Tatitun nayrakatapana jupataquejj mä suma k'apquiri ofrendäcaspasa uqhama, cuna t'ant'anactejj apanipcäta, uqhamarac pä ovejanactejj apanipcäta ucanacampi chicwa loktapjjäta. Ucanacasti Tatituru loktataraquïniwa, ucatsti sacerdotetaquëjjaraquiniwa.

Números 15:21

Aca ofrendjja lurapjjapunïtawa.

Números 18:12

Uca quipcaraquiw churäma nayrakata achunaca, israelitanacajj sapa mara churapquitu ucanacatsa suma aceite, suma vinota, uqhamarac suma trigota.

Mateo 6:33

Uqhamasti, nayrakatajj Diosan reinopa munapjjam, uqhamarac cunatejj chekäqui jupan nayrakatapanjja ucanaca, ucatsti take aca yänacajja jumanacarojj churataquïpjjätawa.

Romanos 11:16

Nayrakat mistquis uca t'ant'atejj Diosataquïchi ucajja, t'ant'a masajj Diosar catuyataraquipï. Mä kokan saphipatejj Diosar catuyatächejja, layminacapas jupataqui catuyataraquiwa.

1 Corintios 15:20

Ucampis janiw uqhamäquiti. Chekpachansa Cristojj jiwatanac taypitjja jacatatawayiwa, jupajj nayrakat achücaspas uqhamaraquiw take jiwatanacat jactirinacataquejja.

Deuteronomio 14:22

“Sapa maraw jumanacajj jan armasisa grano cosechanacamat sapa tuncat maya yakhachapjjäta.

Deuteronomio 14:23

Sapa tuncat mayäquis ucanacjja trigota, vinota, aceiteta yakhachatjja, uqhamaraqui vacanacamana, ovejanacamana nayrïri wawachat kallunacapata jumanacajj Tatitu Diosaman nayrakatapan mank'apjjäta, cawqha chekarutejj Tatitu Diosamajj ajlliscani utjäwipataqui uca chekana, uqhamata jumanacan Diosaru yupaychaña yatekapjjañamataqui.

Deuteronomio 16:13

“Cunapachatejj trigo apthapiña tucuyjjapjjäta, uqhamaraqui uvanac ch'irwsuñsa tucuyjjapjjaraquïta ucqhajj pakallko uruw Enramada fiesta fiestachapjjäta.

Santiago 1:18

Jacañwa churistu cheka arunacap toke, uqhamata jiwasajj nayräwiri achunacjamäñasataqui, cuntï jupajj lurqui ucanjja. Jupasti uqhamäñasracwa muni.

Apocalipsis 14:4

Acanacasti janiw warminacampi juch lurasa k'añuchasipcataynati, jan ucasti k'omapuniw kheparapjjatayna, ucatsti Corderoruraquiw arcapjje cawquirutejj jupajj sarqui ucaru. Jakenac taypita jupanacajj khespiyatäpjjataynawa, Diosataquisa Corderotaquisa nayrïri ofrendanacapäcaspas uqhama.