Números 14:37 - Qullan Arunaca

³⁷ Uca jakenacarojj Tatituw acatjamat jiwarayäna, uñjanipcatayna uca oraket jan wali parlapjjatap laycu.

Aymar Bibliia 1986

³⁷ Uca jakenacarojj Tatituw acatjamat jiwarayäna, uñjanipcatayna uca oraket jan wali parlapjjatap laycu.

Números 14:37 Jak'a apnaqawi uñst'ayäwi

Salmos 91:7

ch'ekäjjamanjja, warankaw jiwarani, cupëjjamansti tunca warankaw tucusini, jumarusti janiw cunas camächcätamti.

Jeremías 29:32

Naya, Tatituw, arsta, Semaiasaru wawanacaparusa mutuyaraquïwa. Aca marcanjja jan wawaniw sarnakapjjani. Cuna asquinactejj marcajjaru apayancä ucanacjja janiw jupanacajj catokapcaniti, parlatanacapampi jakenacaru naya toke sayt'asiyatap laycu. Naya Tatituw ucjja arsta.”

Levítico 10:2

Ucatwa mä ninajj Tatitun nayrakatapat mistunïna, jupanacarusti k'alwa naqhantaraquïna. Uqhamwa jupanacajj Tatitun nayrakatapana jiwarapjjäna.

Números 13:32

Ucatsti israelitanacarojj sapjjänwa, cawquïri oraktejj uñjanipcatayna ucajj jan walïtapa, aqham sasa: —Cawquïri oraktejj uñjiri sarapcta ucajj, ucan jaquir jakenacarojj jiwarayiwa, uqhamaraquiw ucan jakenaca uñjanipcta ucanacajj wali jach'anacäpjjewa.

Números 14:12

Jupanacarojj jiwarayiri usu apayanï jan uca orake catuntapjjañanacapataqui; ucampis jumarojj taket sipansa mä jach'a marca tucuyäma, jupanacatsa juc'ampi ch'amani —sasa.

Números 14:38

Take ucanacat sipansa Josueyampi, Caleb chachampiquiw kheparjjapjjäna.

Números 16:35

Uqhamaraquiw Tatitojj mä nina apayanïna, ucatsti jiwarayänwa, pä patac pheska tuncan jakenacaru, cawquïrinacatejj incienso loktapcän ucanacaru.

Números 16:49

Uca usumpi jiwatanacajj tunca pusin waranka pakallko patacani jakenacänwa, ucampisa janiraquiw jact'atäpcänti cawquïri jakenacatejj jiwarapcäna Coré chachas Dios contra sartascäna ucanacatjja.

Números 20:3

Moisesarojj sapjjänwa: —¡Walïsapanwa jiwarapjjañanacajjajja, Tatitojj mayni israelitanacar jiwarayqui ucanacampi chica!

Números 22:33

Asnosti nayarojj uñjituwa, ucatwa quimsa cuti thaquitjja saranucojja. Janitejj uqham maysaru saranuccasapäna ucqhajj, nayasti niyaw jumarojj jiwayiriscasamäna, ucampisa asnorojj janiw jiwayquiriscäyätti.

Números 25:9

Uqhacamajj jiwaratanacajj pä tunca pusin waranka jakenacänwa.

1 Corintios 10:10

Janiraqui jumanacajj jupanacjam Dios contrajj parlapjjamti. Uqham lurapjjatapatsti jupanacarojj jiwayir angelaw jiwarayäna.

1 Corintios 10:5

Ucampis jupanacat waljanipuniw Diosarojj jan cusisiycänti, ucat janchinacapajj wasaran jakonucut uñjasïna.

Hebreos 3:17

¿Qhitinacampiraquis Diosajj pusi tunc mara coleratänjja? Juchachasirinacampi, cawquïrinacatejj wasaranjj jiwarapjje ucanacampiwa.

Hebreos 3:18

¿Qhitinacaruraquis Diosajj juramentompejj arsuraquïnjja: “Janiw mantapcätati nayamp chic samarirejj” sasajja? Qhitinacatejj jan ist'apcäna ucanacaruwa.

Judas 1:5

Jumanacajj yatipcsta ucasa amtayañ munapjjsma, Tatitojj Egiptotsa Israel marcaparojj apsuncchïnsa, ucatsti t'unjaraquiwa qhitinacatejj jupanac taypitjja jan iyawsapcän ucanacarojja.