Números 13:22 - Qullan Arunaca

²² Néguev sat chekanjam mantasinjja Hebrón sat chekacamaw puripjjäna. Ucanwa jacapjjäna Ahimán, Sesai, Talmai, Anac chachanacan wawanacapajja. Hebronasti luratänwa pakallko mara nayräjja Egiptonquir Zoán marcat sipansa.

Aymar Bibliia 1986

²² Néguev sat chekanjam mantasinjja Hebrón sat chekacamaw puripjjäna. Ucanwa jacapjjäna Ahimán, Sesai, Talmai, Anac chachanacan wawanacapajja. Hebronasti luratänwa pakallko mara nayräjja Egiptonquir Zoán marcat sipansa.

Qullan Arunaka DC

²² Négueb wasaranjam mantasin Hebrón chiqakamaw puripxäna. Hebrón markax Soan sat egipcio marka utt'ayaskän ukat paqallq mara nayraw utt'ayasitayna. Uka markan Ahimán, Sesai, Talmai chachanakax jakapxäna, jupanakasti Anac sat jach'a tansa jaqin wawanakapänwa.

Números 13:22 Jak'a apnaqawi uñst'ayäwi

Génesis 13:18

Uqhamwa Abramajj carpapa apthapisiwayjjäna, ucatsti Mamre sat sutini mä jaken encinas kokanacani ch'umiparu jaquiriw sarjjäna, Hebrón marca jac'aru. Ucanwa Tatitun sutiparu mä altar sayt'ayaraquïna.

Génesis 23:2

Quiriat-arba sisqui uca chekanwa jiwawayjjaraquïna, Hebrón marcana, Canaán orakena. Abrahamasti warmipan jiwatapatjja wal jacharaquïna, lutt'asiraquïnwa.

2 Samuel 2:1

Uca khepatsti Davidajj Tatituruw jisct'asiraquïna, saraquïnwa: —¿Cawquïri marcanacatejj Judá tokencqui ucanacar sarañajj waquisispati? —sasa. Tatitusti saraquïnwa: —Jïsa, sarañamajj waquisiwa —sasa. —¿Cawquirus sarañajjajja? —sasaw Davidajj jisct'asiraquïna. Tatitusti ucjjarojj saraquïnwa: —Hebrón marcar sarañamaw —sasa.

2 Samuel 2:11

Uqhamasti Davidajj Judá triburojj apnakaraquïnwa pakallko mara, sojjta phajjsini, jupasti Hebrón jach'a marcatwa apnakaraquïna.

2 Samuel 21:16

ucatsti mä jach'a jakew juparojj jiwayañ munaraquïna, uca jach'a jaken sutipasti Isbi-benob sataraquïnwa. Lanzapasti quimsa tunca jila kilonacaw pesaraquïna, cinturaparusti mä machak espadampi warccatataraquïnwa.

Salmos 78:12

Diosajj Egiptonquir Zoán orakenjja, awquinacapan uñjcañaw muspharcañanac luräna,

Salmos 78:43

Egipto oraken muspharcañanac lurcän ucanacata, Zoán oraken jach'a luräwinac uñachaycän ucanacata,

Isaías 19:11

¡Zoanan jilïrinacapa, cunja lokhëpjjtasa jumanacajja, Egipton suma amuyt'ayirinacapasa, ucampisa uca amuyt'ayirinacajj lokhe amuyt'irinacawa! ¿Cunjämrac faraonarusti sapjjesti: “Nanacajj wali yatiñan jakenacan wawanacapäpjjtwa, nayra reyinacan wawanacapäpjjtwa” sasasti?

Isaías 19:13

Zoananquir jilïrinacajj wali lokhenacawa, Menfisanquir jilïrinacas sallkjayasipjjaraquiwa, provincianacan jilïrinacapasti Egiptorojj pantat thaquinjamwa irpapjje.

Isaías 30:4

Jumanacajj qhitanacsa qhitasipcsta Zoán, uqhamaraqui Hanes marccama,

Números 13:17

Moisesasti Canaán oraker qhitasinjja jupanacarojj sänwa: —Sarapjjam Néguev sat chekanjama, maqhatapjjam kollu tokenacaru.

Números 13:28

ucampisa ucan jaquir jakenacajj wali ch'amanïpjjewa, marcanacapasa wali jach'anacawa sumawjana sayt'atäpjjaraquiwa. Ucat sipansa uñjanipjjaractwa Anac sat jach'a jaken wawanacapa.

Números 13:33

Uqhamaraquiw uñjapjjta wali jach'a tansa jakenaca, Anac chachan wawanacapa, jupanac thiyansti nanacajj t'ijut'ijunacjamaquiw uñjasipjjta, uqhamaracwa jupanacas uñjapjjaraquitu —sasa.

Deuteronomio 9:2

uca marcanacan jakenacapasti jach'a tansa jakenacawa, anaquitas sat jakenacjama, jumanacasti yatipjjaractaw aca säwi: ‘¿Qhitis uca anaquita sat jakenacampi nuwasispa?’ sasa.

Josué 10:36

Eglón sat marcatjja, Hebrón marcaruw pasapjjäna, uca marcarusti nuwantapjjaraquiquïnwa.

Josué 21:13

Uca Hebrón marcat juc'ampejja, cawquïri marcatï jake jiwayirinacan imantasiñataquïcän ucat sipanjja, acnïri marcanacampiw wact'äna. Aarón chachan wawanacaparojja: Libna,

Jueces 1:10

Ucat sarapjjaraquïnwa Hebrón marcan jaquir cananeonacar catuntañataqui. Nayrasti aca marcajja Quiriat-arba satänwa. Ucjjarusti atipjasinjja catuntasipjjaraquïnwa Sesai, Ahimán Talmai sat marcanacaru.

1 Samuel 30:31

Hebrón, uqhamarac cawqhanacantejj jupasa, uqhamarac jakenacapasa sarnakcatayna take ucsanquirinacaruw apayataraquïnjja.