Números 12:7 - Qullan Arunaca

⁷ Ucampisa Moisés sirvirejjarojj janiw uqham lurcäti, jupasti asqui jakewa take sirvirinacajjat sipansa.

Aymar Bibliia 1986

⁷ Ucampisa Moisés sirvirejjarojj janiw uqham lurcäti, jupasti asqui jakewa take sirvirinacajjat sipansa.

Qullan Arunaka DC

⁷ ukampis Moisés luqtirixampix janiw ukham lurkti. Jupax taqpach luqtirinakaxat sipan aski jaqipuniwa,

Números 12:7 Jak'a apnaqawi uñst'ayäwi

Job 1:8

Ucat Tatitojj Supayarojj saraquïnwa: —¿Job sat sirvirejjaru uñjaniwaytati? Janiw qhitisa orakenjja utjquiti jupjama cheka, asqui jakejja, jupasti janipuniw qhitirus ñankha lurañ munquiti —sasa.

Salmos 105:26

Diosasti Moisés uywataparuw qhitäna, Aarón ajllit loktiriparuw qhitaraquïna,

Éxodo 33:11

Diosasti, Moisesampejj ajanuy ajanuwa parlapjjäna, cunjämatejj qhitisa mä amigopampejj parlasqui uqhama. Ucatsti Moisesajj Diosampi parlaniwayasinjja campamentoruw cutt'anjjäna. Ucampis Nun sat chachan Josué yokapasti Moisesan yanapiripänwa, ucat aca waynasti Tatitumpi Jiquisiñ Carpatjja janipuniw mistuniricänti.

Mateo 11:11

“Khanacwa sapjjsma, janiw maynis acapachanjja utjquiti Juanat sipan juc'amp jach'ajja, ucampisa taket jisc'äquis Diosan reinopana ucajja, jupat sipansa wali jach'awa.

Mateo 11:9

¿Cun uñjiripunis sarapjjtajja? ¿Mä profetaruti? Jïsa, mä profetatsa juc'ampiw jupajja.

Hechos 7:31

Moisesajj uc uñjasinjja, musphatawa uñjasïna. Juc'amp sum uñjañataqui jac'achascasinsti, mä ar ist'i, aqham siri:

1 Corintios 4:2

Uqhamarusa, qhititejj mä luraña catokqui ucajj asquïñapawa take cunana uqhamat sumaru uchatäñapataqui.

Deuteronomio 18:18

Nayaw jupanac taypitjja mä jumjam profeta sartayä, jupanacan marca masipata, ucatsti cuntejj nayajj parlam siscä ucwa sapjjätam uqhamaraquiwa parlapjjätam cuntejj nayajj ewjjancä ucanaca.

Deuteronomio 34:5

Uqhamaw Tatitun sirviripa Moisesajj, Moab orakena jiwjjäna cunjämatejj Tatitojj siscäna uqhamarjama.

1 Timoteo 3:15

inampis jan janc'a jutquirista, jumajj yatiñamawa Diosan familiapjama cunjäma sarnakañamasa Diosan cheka arunacap catjjäsqui arjjatcaraqui uca iglesiana.

Josué 1:1

Diosan sirviripa Moisesan jiwjjatapatjja, Diosajj Josué chacharuw parläna. Jupasti Nun sat jaken yokapänwa, uqhamaraqui Moisesan yanapiripa, ucatsti aqham sänwa:

Josué 1:2

“Moisés sirvirejjajj jiwjjewa, jichhasti jumaruw wact'tam Jordán jawira take israelit jakenacampi maqhatañajja, cawquïri oraktï jumanacar churapcäma ucar sarapjjañamataqui.