Números 11:20 - Qullan Arunaca

²⁰ jan ucasti phajjspachaw aycha mank'apjjäta, nasanacamatsa jaksuñcama, uqhamarac cunapachatejj ajjtasjjapjjäta ucqhacama, naya Diosaru jisc'achapjjesta, uqhamarac naya nayräjjan jachapjjta uca laycu, ‘¿Cunatsa Egiptot mistunpachätan?’ sasa.

Aymar Bibliia 1986

²⁰ jan ucasti phajjspachaw aycha mank'apjjäta, nasanacamatsa jaksuñcama, uqhamarac cunapachatejj ajjtasjjapjjäta ucqhacama, naya Diosaru jisc'achapjjesta, uqhamarac naya nayräjjan jachapjjta uca laycu, “¿Cunatsa Egiptot mistunpachätan?” sasa.

Qullan Arunaka DC

²⁰ jan ukasti phaxspachaw aycha manq'apxani, axtasiñkama, nasanakapat mistuyañkama, jupanak taypin jikxataskasasa, naya, Tatitur jisk'achapxatapata, naya nayräxan jachapxatapata: ‘¿Kunatakirak Egiptot mistunpachätansti?’ sapxatap layku.

Números 11:20 Jak'a apnaqawi uñst'ayäwi

2 Samuel 12:10

Jichhajj jumajj nayarojj jisc'achistawa, Urías hitita jaken warmipa catuntasisajja, ucatsti warmt'asiractawa, ucatpï jichhajj utamatjja janipuniw jayarst'caniti jan walt'añanacajja.

Salmos 106:15

Ucat Diosajj jupanacan mayitaparjam churäna, jiwarayir usunac jupanacar apayanïna.

Éxodo 16:13

Uca jayp'pachaw qhullunacajja phokhantäna carpanacap sayt'ayasis utjantäpcän uca campamentorojja, uqhamarac arumanthi alwatasti sullaraquiw qhunjam purintaraquïna campamento thiyanacarojja.

Éxodo 16:3

Jupanacasti sapjjänwa: —¡Waliquisapänwa Tatitojj Egipton jiwarayistasapän ucajja! Qhayansti jiwasanacajj aycha phuqhu jac'aru kont'ata, uqhamarac t'ant'sa sist'asiñcamaw mank'asiyätanjja. Ucampis jumanacajja aca wasararojj takeniru mank'at jiwarayañataquiw irpanipjjestajja —sasa.

Éxodo 16:8

Moisesasti sascaquïnwa: —Jayp'urusti Tatitojj churapjjätamwa aycha mank'apjjañamataqui, uqhamarac alwatarusti churapjjaraquïtamwa walja t'ant'a sist'asiñcam mank'apjjañamataqui. Ucampis jupajj ist'iwa jumanacajj jupa contra jan wali parlapjjatamjja, ¿nanacajj qhitïpjjtsa? Jumanacasti janiw nanac contra parlapctati jan ucasti Tatitu contraw parlapjjtajja.

Proverbios 27:7

Mank'at jan awtjatäqui ucataquejj, misq'isa janiw sumäcjjeti, ucampis qhititï mank'at awtjatäqui ucataquisti, cuna jarusa mojjsaquiwa.

Malaquías 1:6

Take ch'aman Diosasti sacerdotenacarojj aqham siwa: “Wawanacasti awquinacaparojj munapjjewa, uqhamaraqui uywatanacas uywirinacaparojj munapjjaraquiwa. Ucampisa nayatejj jumanacan awquinacamästa, ucapachasti ¿cunatarac jan nayarusti munapjjesta? Nayatejj jumanacan uywirimästa ucqhasti, ¿cunatarac jan nayarusti ajjsarañampi uñjapjjesta? Jumanacasti jisc'achapjjestawa, ucatsti sasipcactawa: ‘¿Cunanarac nanacasti jumarojj jisc'achapjjsma?’ sasa.

Números 11:13

¿Cawqhatsa nayajj aycha apsü take aca jakenacar mank'ayañataquejja? Jacht'asisaw nayar jutapjjetu: ‘Aycha churapjjet mank'añataqui’ sasa.

Números 11:19

Janiw mä uruquiti ni pä uruquicha, ni pheska, ni tunca, ni pä tunca uruquicha,

Números 11:21

Ucatsti Moisesajj sänwa: —Aca jakenacasti nayampi chica jutirinacäqui ucanacajj sojjta patac waranka jakenacawa, ucat jumajj sapjjesta: ‘Aycha churapjjäm mank'añataqui’ sasa.

Números 14:3

Cunataquis Diosajj aca marcar irpanistu. ¿Jiwasan guerran jiwarañasataqui, uqhamarac warminacasasa, wawanacasasa uñisirisan amparapar catuyatäñapataqui? ¡Walïspawa Egipto marcar cuttjjañasajja!” sasa.

Números 14:4

Ucatsti maynit maynicamaw parlarasipjjäna: “Mä jilïri utt'ayasiñäni, Egiptor cuttjjañäni” sasa.

Números 16:13

¿Amuyatamatsti juc'aquiti irpsunitamasti, cawqha orakentejj lechesa, misq'isa umjam jalasqui ucatjja, wasaran nanacaru jiwarayañataqui, ucampisa jumajj jach'a jilïrinacajjäñ munatamasti?

Números 20:4

¿Cunataquis jumanacajj Tatitun marcapar aca wasarar irpanipjjta? ¿Munapjjtati nanacana, uywanacajjansa aca wasaran jiwarapjjañanacajja?

Números 21:5

Ucatsti Dios contra, uqhamarac Moisés contraw parlañ kalltapjjäna aqham sasa: —¿Cunatsa jumanacajj Egiptot irpsunipjjesta? ¿Wasaran jiwarañataquiti irpsunipjjesta? Janiw umasa, mank'as utjapquituti. Nanacasti aca mank'ampejj amjayasjjapjjaractwa —sasa.

Hechos 13:41

‘Yatipjjam, larusirinaca, muspharapjjam, ina ch'usar tucupjjaraquim. Naya Diosaw jumanacan urunacamanjja jach'a luräwinac lurta. Ucanacarusti janiw jumanacajj: ‘Chekaw’ sapcätati, ni qhiti jumanacar ucanac yatiyquïpansa.’ ”

1 Tesalonicenses 4:8

Uqhamajj qhititejj aca yatichäwir jisc'achqui ucajja janiw qhiti jakerus jisc'achquiti, jan ucasti Diosaruw jisc'achasqui, qhititejj Ajayup churquistu ucaru.

Josué 24:27

Ucat Israel marcarojj saraquïna: —Aca kalasti mä arsurit utt'ayatäniwa, jupaw ist'araqui take cunanactï Diosajj sisquistu ucanacjja. Uqhamaraquiw jumanacatsa mä arsurini, jan jumanacan Diosaru c'arintapjjañamataqui —sasa.

1 Samuel 10:19

Ucampis jichhajj jumanacajj Diosamarojj jisc'achapjjtawa, jupaw take jan walt'añanacatsa, llaquisiñanacatsa khespiyanipjjtam, mä rey jumanacar apnakañapataqui mayisasti jumanacajj Diosaruw jisc'achasipctajja. Uca laycu jichhajj Tatitun nayrakataparu uñstapjjam, sapakat tribunacata, uqhamarac jach'a familianacatsa” sasa.

1 Samuel 2:30

Uca laycu Israelan Tatitu Diosapajj sänwa jumampi takpacha familiamampi juparu sirvipjjañama wiñayataqui, ucampis jichhajj aqham saraquiwa: ‘Janipuniw jichhajj uqhamjja lurcäti, jan ucasti qhitinacatejj nayaru yäkapjjetani ucanacarusti suma yäkaraquëjja, qhitinacatejj nayaru jisc'achapquitu ucanacarusti mä p'enka uñjaraquëjja. Naya Tatituw ucjja arsta.’