Números 10:2 - Qullan Arunaca

² “Pä kollke trompetanac lurasim martillompi lek'suta, ucasti jakenacar tantachañataqui, uqhamarac sarjjaruñataquiraquïniwa.

Aymar Bibliia 1986

² “Pä kollke trompetanac lurasim martillompi lek'suta, ucasti jakenacar tantachañataqui, uqhamarac sarjjaruñataquiraquïniwa.

Qullan Arunaka DC

² “Qullqit pä trompetanak luram, martillomp liq'suta, ukampiw jaqinakar tantachthapïta, ukampiw sarxaruñatakis yatiyäta.

Números 10:2 Jak'a apnaqawi uñst'ayäwi

2 Reyes 12:13

Ucampis cawquïr kollketejj Tatitun temploparu apanitäcäna ucatjja, janiw uca pachpata kollke copajj lurascänti, naqhat pabilonaca apakañataquisa, tazonanacsa, trompetanacsa, ni cuna yänacsa korita, kollketsa,

2 Crónicas 5:12

Take k'ochuri levitanacasa, Asaf, Hemán, uqhamarac Jedutún ucanacajja wawanacapamppacha, familianacapampisa ucan sayt'atäpjjänwa lino isimpi isthapita, altarata inti jalanta tokena. Jupanacanjja utjänwa platillonaca, salterionaca, uqhamarac arpanaca. Jupanacamp chicasti pataca pä tuncani sacerdotenacaw trompetanaca phusiri utjapjjäna.

Salmos 81:3

Machak phajjsi uñstipan trompet phust'apjjam, urt'a puripansti, phust'apjjaraquim ucürojj jiwasanacan jach'a urusawa.

Salmos 89:15

Tatay, jumar cusisiñamp yupaychir marcajj cusisiñaniwa: khanamamp khant'ayat sarnaker marcajj cusisiñaniwa,

Éxodo 25:18

Ucatsti pani querubines sat angelanac koritcamaqui luraraquïta martillompi lek'suta, ucatjja arcarojj purap thiyaruw uchäta.

Éxodo 25:31

“Ucjjarusti koritcamaqui mä candelero martillompi lek'susa luraraquïta. Ucampis uca candeleron cayupasa, sayiripasa, copanacapasa, mokonacapasa, pankaranacapasa mayaqui lurataraquïñapawa.

Isaías 1:13

Jan juc'ampi uca jan wali churäwinac apanjjapjjestati, janiw ucanacan jek'enacapjja uñjan muncti. Jumanacajj take jakenacaruw machak phajjsi, uqhamaraqui samarañ uru fiestachañataquejj jawsapjjtajja, ucampis janiw nayajj uca fiestanacamjja uñjañ muncti, uca pachpa fiestanacan ñankha luratanacamsa.

Jeremías 4:5

“Aca arunacsti Jerusalenana, uqhamaraqui Judá oraken yatiyapjjam; trompetanacampi phust'asa take marcpacharu yatiyapjjam, wali jach'at art'apjjam: ‘¡Jina! ¡Tantacht'asipjjañäni! ¡Jach'a perkani marcanacaru!’ sasa.

Oseas 8:1

“Trompetam phust'am uñjir centinelajj phust'qui uqhama, Tatitun marcapjjaru. Jupanacajj arust'äwejjarojj p'aquintapjjewa, ucatsti yatichäwejj contraraquiw sayt'asipjje.

Joel 1:14

“Marcarusti tantacht'apjjam ucatsti ayunapjjaraquim; jilïri jakenacarusti, uqhamarac aca marcan jaquir take jakenacarusa Tatit Diosapan templopar tantacht'apjjam, ucatsti Tatitut mayisipjjaraquim.

Joel 2:1

“Sión kollunsti trompet phust'apjjam; Tatitun kollan kollupansti toct'asin jawsthapipjjam jakenacarojja. Take jumanacasti Judá marcan utjirinaca qhathatipjjam, Tatitun urupajj jac'ancjjatap laycu;

Números 10:1

Tatitu Diosajj Moisesarojj sänwa:

Números 10:7

Ucampisa trompetatejj alekaqui phust'asini ucajj marcan tantacht'asiñataquiquïniwa.

Efesios 4:5

Mä sapa Tatituquiw utji, mä sapa iyawsaña, mä bautismoquiraqui.