Números 10:12 - Qullan Arunaca

¹² Israelitanacasti Sinaí wasaratjja sartawayjjapjjaraquïnwa. Kenayasti Parán sat wasararuw sayt'araquïna.

Aymar Bibliia 1986

¹² Israelitanacasti Sinaí wasaratjja sartawayjjapjjaraquïnwa. Kenayasti Parán sat wasararuw sayt'araquïna.

Qullan Arunaka DC

^12-13 Ukürusti, israelitanakax kunjämtix Tatitux jupanakar Moisés tuqi arsuwaykatayna ukhamarjamaw sartasin uka qinayar arkapxäna, Sinaí wasarata, Parán wasarkama.

Números 10:12 Jak'a apnaqawi uñst'ayäwi

Génesis 14:6

Seir kollunac tokensti horeonacaruraquiw atipjapjjäna, ucatsti Parán sisqui uca pampa tokenacaruw arct'anipjjaraquïna, ucasti wasara tokenquiwa.

1 Reyes 11:18

Madián chekat mistusinjja Parán ucaruwa puripjjäna, ucansti sirviyasipjjänwa uca chekanquir yakhep jakenacampi. Ucatjja Egiptoru purisinjja faraón reyin nayrakataparuwa uñstapjjäna, faraonasti jupanacarojj churänwa uta, mank'a, uqhamarac orakenacsa wajjt'araquïna.

Éxodo 13:20

Israelitanacajj Sucot sat chekat mistuwayasinsti Etam sat chekaruw puripjjäna, ucqhatwa wasarajj kalltawayjje.

Habacuc 3:3

Temán oraketa Dios Tatitojja juti; Parán kollutaracwa kollan Diosajj sarakani. “Jach'a cancañapasti take alajjpachwa phokt'i, take acapacharaquiw cusisiñapan phokt'araquejja.

Números 1:1

Payïri phajjsita mä uru sarakataru, pä mara pasjjän ucqhajja, cunapachatejj israelitanacan Egipto marcat mistunitanacapajj niya mä marat pasascäna, ucapachaw Tatitojj Moisesarojj parläna Sinaí sat wasara kolluna, Diosampi jiquisiñatac lurat carpäquis ucqhana, ucatsti aqham sänwa:

Números 10:33

Uqhamaw Tatitun kollupat sarjjapjjäna. Tatitu Diosan suma Arust'äwiru Mantayir Arcapajj jupanacan nayrap saräna, quimsüru sararusti mä cheka thakapjjäna samart'añataqui.

Números 12:16

Cunapachatejj Mariajj jupanacaru cuttanjjän ucqhajj Hazerot chekatjja sartawayapjjänwa Parán sat wasarar puriñcama.

Números 13:26

Cades sat chekaru, Parán wasararu. Ucanwa Moisesas, Aaronas uqhamarac take israelitanacas jicjjatasipjjäna, ucatsti yatiyapjjänwa cuntejj jupanacajj yatjjatanipcän take ucanaca, uqhamaraquiw uca oraken achunacapsa uñacht'ayapjjäna.

Números 13:3

Cunjämtejj Tatitu Diosajj Moisesar siscäna uqhamaruw Moisesajj qhitäna Parán sat wasarata. Take jakenacaw israelitanac taypinjja jilïrinacäpjjaraquïna.

Números 2:34

Israelit jakenacajj lurapjjänwa cunjamtï Tatitojj Moisesaru ewjjawaycäna uqhama: Sapakat mayniw quipca wiphalanacapamp chica purïna, uqhamarac quipca jach'a familiapampi, pachpa jisc'a familiapampi cuna.

Números 9:1

Israelitanacan Egipto marcat mistunipjjatapatsti, pä mara sarakatarusti, nayrïri phajjsinjja, Tatitu Diosajj Moisesaruw parläna, Sinaí wasarana, aqham sasa:

Números 9:17

Cunapachatejj kenayajj carpa patjjat sartawaycän ucqhajj, israelitanacajj sarjjarupjjaraquïnwa, ucatsti cawqharutejj kenayajj sayt'cäna ucqharuraquiw jupanacajj puripjjäna.

Números 9:5

Uqhamaw jupanacajj lurapjjäna, phajjsit tunca pusini uru jayp'thapqui uca uruna, Sinaí wasarana, cunjämatejj Tatitu Diosajj Moisesaru siscäna uqhamarjama.

Deuteronomio 1:1

Aca arunacwa Moisesajj parläna take Israel marcaru cunapachatejj jupanacajj wasarancasipcäna Jordán jawirat inti jalsu tokena, uqhamaraqui Arabá sat chekana, Suf sat uñcatasina, Parán, Tofel, Labán, Hazerot, uqhamarac Dizahab orakenac taypincquis uca chekana.

Deuteronomio 1:19

“Horeb chekat mistuntan ucqhatsti, amorreonacan kollup tokeruw sarapjjayätan, uqhamat Tatitun ewjjanacapar ist'asina. Ucatsti muytapjjaractanwa uca jach'a ajjsarcañ wasara uñjapctas uca, Cades-barnea chekar puriñcama.

Deuteronomio 1:7

Jichhasti take yänacam apthapisipjjam; sarapjjam amorreonacan kollunacaparu, uqhamaraqui take jupanacancquis uca orakenacarusa: Arabá sat chekaru, kollu orakenacaru, pampanacaru, Néguev sat chekaru, jach'a kota thiyan orakenacaru, cananeonacan orakeparu, Eufrates sat jach'a jawircama.

Deuteronomio 33:2

aqham sasa: “Tatitu Diosaw Sinaí kolluta juti; Seir kollutwa khant'aniraquistu; Parán kollunacat khantaniraqui, uqhamaraquiwa jutani Meriba-cades chekata; cupi amparaparu akquir leyinac apt'asita.

1 Samuel 25:1

Samuelosti jiwjjänwa. Take israelita jakenacaw tantacht'asisina jachapjjäna jiwatapata. Ucatsti Ramá cheka utaparuw imjjapjjaraquïna. Uca khepatsti Davidajj Parán sata wasararuw sarjjaraquïna.