Nahúm 1:10 - Qullan Arunaca

¹⁰ Q'ithuntat ch'aphinacjama, uqhamarac waña jichhur uñtata k'ala naqhantatäpjjätawa.

Aymar Bibliia 1986

¹⁰ Q'ithuntat ch'aphinacjama, uqhamarac waña jichhur uñtata k'ala naqhantatäpjjätawa.

Qullan Arunaka DC

¹⁰ K'ithuntat ch'aphinakjama, waña jichhur uñtataw nakhantatäpxäta.

Nahúm 1:10 Jak'a apnaqawi uñst'ayäwi

2 Samuel 13:28

uywatanacaparusti saraquitaynawa: “Walpun amuyapjjäta, cunapachatejj Amnonajj vinompi niya machantasjjani, ucapachasti nayaw sapjjäma: ‘Jiwayapjjam’ sasa, ucatsti jumanacajj jiwayapjjätawa. Jan jupar jiwayañjja ajjsarapjjamti, nayan arunacajjawa. Uqhamasti ch'amañcht'asipjjam, jan ajjsarapjjamti” sasaw Absalonajj säna.

Salmos 118:12

tamurayanacar uñtataw muyuntapjjetäna, jupanacasti ch'aphinac taypin naqhir ninjamaw tucusipjjäna. Tatitun sutiparuw jupanacarojj atipjta.

Salmos 68:2

jiwk'er uñtataw chhaktapjje, ninamp umatatayat liq'jamaw umatatapjje, ñankha lurir jakenacajj Diosan nayrakatapan tucusipjje.

Éxodo 15:7

Jumasti ch'amamampiwa tucjtajja, juma contra sayt'irinacarojja. Jupanacasti coleramampejja jichhunacjamaw naqhantapjje.

Éxodo 5:12

Ucatsti israelitanacajja Egiptonjja take tokeruw sarapjjäna cebada ch'allpha t'unanaca thakeri, ucanaca jichhu lanti uchañataqui.

Isaías 27:4

Janiw jupataquejj coleratäcti. Ucantejj ch'aphinacas koras utjaspajja, ucanac tokew sayt'irista, k'alracwa naqhantayirista.

Isaías 47:14

Ucampisa jichhajj uñtam, jichhur uñtatäpjjewa, ninaraquiw jupanacarojj k'al naqhanti; janiw uca ninatjja khespipquiti. Janiw alek sanq'ir ninaquïquiti, uca nayrakatar kont'asisin junt'urt'asiñataquejja.

Isaías 5:24

Ucatpï jichhajj, cunjämtï ninajj wichhurojj naqhantejja waña laphinacsa mäqui naqhantejja, uqhamaraquiw jumanacajj tucusipjjäta, saphitpach ñussuri alir uñtata, cunjämtï pankaranacapas lak'ar tucuwayejj uqhama. Take ch'amani Tatitun, Israelan Kollan Diosapan yatichäwinacapa, arsutanacapa jisc'achapjjatam laycu.

Isaías 56:12

Sapjjaraquiwa: “Vinomp, wali umjayasir umañanacamp thakhasir sarapjjañäni ucat machapjjaraquiñäni, kharürusa, jichhürjamaraqui lurapjjañäni, ucat sipansa juc'ampi lurapjjañäni” sasa.

Isaías 9:18

Ñankha lurañasti jupanacarojj jisc'a jisc'wa tucji, cunjämatejj mä ninajj t'unanaca, ch'aphinacsa naqhantquejj uqhama, ucjjarusti kokanaca, ch'uminaca naqhantqui uqhama, ucatsti tutuca thayaw jek'empi chica chhaktayatäpjje.

Jeremías 51:39

Cunapachatejj jupanacaru calorajj khatt'ani ucapachasti nayaw machjayiri umanac churaraquï, ucasti jupanacarojj p'eke muytayaraquini. Uqhamat jupanacajj mä wiñaya samcaru puripjjaraquini, janiraquiw ucatjja mayampsa sartcjjapjjaniti. Naya Tatituw ucjja arsta.

Jeremías 51:57

Reyi, take ch'amani Tatitusti siwa: “Babilonianquiri jilïrinacarojj machjayäwa, yatiñani jakenacaparusa, marca apnakerinacaparusa, jilïrinacaparusa, soldadonacaparusa, wiñayataquiw ict'jjapjjaraquini, janiraquiw mayampsa ucatjja sartcjjapjjaniti.

Miqueas 7:4

Jupanacat walïqui ucasti mä ch'aphir uñtatawa; wali cheka lurirïqui ucasti yakha ch'aphir uñtataraquiwa. Ucampis jutasquiwa jacthapitanac mayiñ urojja, cuntejj uñjirejj yatiycäyätam uca urojja. Ucapachawa jupanac taypinjja mayjt'asiñajj utjani.

Nahúm 3:11

Jumarusti umjayapjjaraquïtamwa; ipiptataw imantasjjaraquïta, uñisirimat jaltañ munasinjja.

Malaquías 4:1

Take ch'aman Diosasti siwa: “Cunürutejj hornjama naccani uca urojj jac'achasinquiwa, uca urusti take jach'a jach'a tucuri jakenacajja, uqhamaraqui ñankha luriri jakenacasa jichhu t'unaru uñtataw naqhantapjjani. Uca uru purincani ucapachasti take jupanacaw saphitpacha nacsutäpjjani, janiraquiw cunas jupanacatjja jilt'caniti.

1 Samuel 25:36

Abigail warmisti utapar cuttanjjän ucqhajj Nabal chachaparojj mä jach'a mank'äwi lurasquiri jicjjatäna. Uca jach'a mank'äwisti mä reyitacjamänwa. Uqhamarus wali c'uchiquiraquïnwa, wali machantataraqui. Ucat jupajj janiw cuns siscaraquïnti khepärmanthi alwacamajja.