Mateo 9:15 - Qullan Arunaca

¹⁵ Jesusasti ucjjarojj saraquïnwa: —¿Waliquïspati mä casarasïwiru jawsayata jakenacan luto isin ist'at ucancañapajja, niyaquitejj casarasirejj ucancascchi ucajja? Ucampis jutaniwa mä urojj cunapachatï casarasiri waynajj irparatäcani, ucqhawa waquisini ayunañajja.

Aymar Bibliia 1986

¹⁵ Jesusasti ucjjarojj saraquïnwa: —¿Waliquïspati mä casarasïwiru jawsayata jakenacan luto isin ist'at ucancañapajja, niyaquitejj casarasirejj ucancascchi ucajja? Ucampis jutaniwa mä urojj cunapachatï casarasiri waynajj irparatäcani, ucqhawa waquisini ayunañajja.

Qullan Arunaka DC

¹⁵ Jesusasti sarakïnwa: —¿Jaqichasïwir jawsayat jaqinakax jaqichasir waynan ukankaskatapat llakitakïpxaspati? Ukampis jaqichasir waynar irpasxañ urux purininiwa; ukkhaw ayuno lurañax wakisini.

Mateo 9:15 Jak'a apnaqawi uñst'ayäwi

Isaías 22:12

Uca urojj take ch'amani Tatitojj jumanacaruw jawsapjjtam, jachapjjañamataqui, wararipjjañamataqui, ñic'utanacamsa k'ararasipjjañamataqui, aykoña uñacht'ayañataquisti chhanqha isinaca uscusipjjam.

Mateo 9:14

Ucapachajj Bautisiri Juanan arquirinacapajj Jesusaruw jac'achasisina jisct'apjje: —¿Cunatsa nanacamp fariseonacampejj wal ayunapjjtjja, juman discipulonacamasti janiraquis ayunquitejja? —sasa.

Mateo 9:16

Janiraquiw qhitis mä thantha isirojj machak pañompejj remjjatquiti, machak pañosti jisc'aruw t'ajjsutajj jalthapi ucatsti merk'e isirojj ch'iyjiwa, uqhamatwa juc'amp jach'a ch'iyjtawayjje.

Marcos 2:19

Jesusasti jupanacarojj sänwa: —¿Cunjämarac casarasïwir jawsayat jakenacasti ayunaspasti, casarasir wayna ucancasquipanjja? Casarasir waynatejj jupanacampïscchejja, janiw ayunañajj waquisquiti.

Marcos 2:20

Ucampis mä uruw casarasir waynajj jan jupanacampïcjjaniti. Ucapachapï ayunapjjanejja.

Lucas 17:22

Ucatwa discipulonacaparu saraquïna: —Purininiw urunacajj cunapachatï jumanacajj uñjañ munapjjäta jaken Yokapan mä urupacsa, ucampis janiw uñjapcätati.

Lucas 5:34

Jesusasti jupanacarojj saraquïnwa: —¿Jumanacasti casarasïwiru jawsatanacarusti ayunayapjjasmatisti, casarasir waynajj ucancquipanjja?

Lucas 5:35

Ucampis purininiw mä urojja, cunapachatï casarasir waynajj jan jupanacampïcjjani; ucqhaw ayunapjjani —sasa.

Juan 16:6

Acanac arsutajjatjja jumanacajj llaquitaquëjjapjjtawa.

Juan 3:29

Mä casarasïwinjja casarasiri warmin chachapäcani, ucapï casarasir waynajja, jupan parlatap ist'asinjja amigopajj wal cusisi. Nayajj uca pachparaquiw cusista.

Hechos 14:23

Sapa iglesianracwa jilïri jakenac utt'ayawayapjjäna. Ucatsti oracionampi ayunompi lurasinjja, cawquïr Tatiturutï iyawsapcäna ucaruw catuyawayapjjaraquïna.

1 Corintios 7:5

Jan maynis maynis “janiw” sasipjjamti, jan ucasti oración lurañ laycu, jumanac pura arust'asipjjasma mä tiempo jan jac'asiñataqui ucqhaquiw “janiw” sasipjjasmajja. Uca pasatatsti wasitatwa jumanacajj juntasjjapjjañama, inampis maynejj janchipar jan atipirjamäsajj Supayampi yant'atajja juchar purispa.

2 Corintios 11:27

Walja cutiw irnakäwinacan uqhamaraqui jan walt'añanacan uñjasta; walja cutiraquiw jan iquin cuna sarnakta; mank'ats awtjata umats pharjataw sarnakta; walja cutiwa ayunas sarnakta; thayansa thayjata, jan isin cuna.

Apocalipsis 19:9

Ucatsti angelajj saraquituwa: “Kellkam: ‘Cusisiñanïpjjewa qhitinacatejj Corderon casarasïwi fiestaparu jawsayatäpqui ucanacajja.’ Ucatsti saraquituwa: “Acanacasti Diosan cheka arunacapawa” sasa.

Apocalipsis 21:2

Ucatsti kollan marca uñjta, machak Jerusalén. Uca marcasti Diosan nayrakatapatwa sarakasincäna, mä casarasir tawakor uñtata suma isthapt'ataraqui casarasir waynar catokañatacjama.