Mateo 7:15 - Qullan Arunaca

¹⁵ “Amuyasipjjam qhitinacatejj: ‘Diosatwa parlta’ sasa c'arisisa sarnakapqui ucanacatjja. Jupanacasti ovejanacar uñtataw jumanacan ucarojj jutapjje, ucampis chuymapanjja ñankha lunthat kamakenacawa.

Aymar Bibliia 1986

¹⁵ “Amuyasipjjam qhitinacatejj: “Diosatwa parlta” sasa c'arisisa sarnakapqui ucanacatjja. Jupanacasti ovejanacar uñtataw jumanacan ucarojj jutapjje, ucampis chuymapanjja ñankha lunthat kamakenacawa.

Qullan Arunaka DC

¹⁵ “K'ari profetanakat amuyasipxam, jupanakasti ‘Diosat nanakax parlaxpta’ sasaw sarnaqapxi. Jupanakasti ovejanakat isthapitaw jumanakan ukar jutapxi, ukampis chuymapanxa ñanqha lunthat qamaqinakawa.

Mateo 7:15 Jak'a apnaqawi uñst'ayäwi

1 Reyes 13:18

Ucampis awqui profetajj sascaquïnwa: —Nayajj jumjama profetaraquïtwa, ucatsti Tatit toketa mä angelawa parlitu nayajja utajjaru irpasina mank'a, uma churañajjataqui —sasa. Uca awqui profetajj c'ariscchïna ucasa,

Jeremías 29:21

“Colaías jaken yokapa Acab toketjja, Maasías jaken Sedequías yokapampitjja, Israelan Diosapa take ch'amani Tatitojj aqham siwa: ‘Qhitinacatejj jumanacaru, Tatitun sutipjjaru c'ari arunaca parljjayapjjtam, jupanacarojj Babilonia orakenquiri Nabucodonosor reyin amparaparuw catuyaraquï; uca reyisti jumanacan uñjcataraquiw pachpa jumanac nayrakatan jupanacarojj jiwarayani.

Jeremías 29:32

Naya, Tatituw, arsta, Semaiasaru wawanacaparusa mutuyaraquïwa. Aca marcanjja jan wawaniw sarnakapjjani. Cuna asquinactejj marcajjaru apayancä ucanacjja janiw jupanacajj catokapcaniti, parlatanacapampi jakenacaru naya toke sayt'asiyatap laycu. Naya Tatituw ucjja arsta.”

Ezequiel 13:16

uqhamaraqui Israel marcanquiri uca c'ari unañchäwi uñjiri profetanacasa, cawquïrinacatejj Jerusalén marcarojj: Take cunas waliquïsquiwa, sasa yatiyapjjäna ucanacasa janiw kheparcjjapjjaniti.’ Naya Tatituw ucjja arsta.

Ezequiel 13:22

Jumanacajj c'arisiñanacamampejj asqui jakenacarojj llajlla tucuyapjjtajja, uca lurañsti janiw nayajj muncäyätti, ucampisa ñankha lurir jakenacarojj juc'ampi ch'amañcht'apjjaractajja juc'ampi jan wali luräwinaca lurapjjañanacapataqui, uqhamat nayajj jan jupanacaru jacañ churañajjataqui.

Ezequiel 22:25

marca apnakerinacamasa leonanacjama catutanacaparus wararisin wicanukapquejja uqhamäpjjewa, orakepansti jakenacaruw mank'antapjje, take imasitanacapsa, kamir cancañapsa lunthatanipjjaraquiwa, walja warminacaruw ijma uñjasiyapjjaraqui.

Ezequiel 22:27

Aca marcan jilïrinacapasti, cunjämatejj kamakenacajj catutanacapjja jisc'a jisc'a wicanokapjjejja uqhamäpjjaraquiwa, wila wartañataquisa, jakenaca jiwarayañataquisa janc'aquïpjjaraquiwa, kamiriptañacwa munasipcaraqui.

Daniel (hebreo) 11:34

Cunapachatejj uñisitäña horasajj purincani ucapachasti mä juc'a yanapwa catokapjjaraquini, ucampisa waljaniraquiw jupanacarojj jakcattapjjani jan uñisitäña laycuqui.

Miqueas 3:11

Marcanquir juesanacasti kollke chilltayasipjjaraquejja, sacerdotenacasti kollke laycuquiraquiw yatichapjje, profetanacasti profecía arunacapjja aljapjjaraquiwa; ucatsti parlapjjaraquiwa Tatitojj jupanacampïcaspa uqhama, sapjjaraquiwa: ‘Tatituw jiwasampïsqui, janiw cuna jan walis pasquistaspati’ sasa.

Zacarías 13:4

Qhä urunwa profetanacajj p'enkasipjjanejja unañchäwinacapat parlapcani ucqhajja. Janiw qhitis uchascaniti profetanacan lip'ichinacat lurat isipjja sallkjañataquejja,

Mateo 10:17

Amuyasipjjaraquim, jakenacajj jilïr autoridadanacaruw catuyapjjätam, ucatsti sinagoganacanracwa jawk'jayapjjätam.

Mateo 16:11

¿Cunjämatsa jumanacajj jan amuyapcta nayan parlatajj-jja? Janiw t'ant'at parlcti. Fariseonacanpin, saduceonacanpin levadurapat amuyasipjjam —sasa.

Mateo 16:6

Jesusasti jupanacarojj sänwa: —Amuyasipjjañamawa fariseonacan levadurapatjja uqhamarac saduceonacatsa —sasa.

Mateo 24:11

Walja c'ari parlirinacaraquiw sartani, Diosatsa parlapcaspa uqhama, ucanacasti waljaniruraquiw sallkjapjjani.

Mateo 7:14

Jacañaru irpiri thaquisti wali c'ullc'uwa, puncupas uca quicpa c'ullc'uraquiwa, juc'aniquiraquiw ucarojj mantapjje.

Lucas 12:15

Uqhamaraquiw säna: —Amuyasipjjam jumanacataquic take cuns munañjjata; jaken jacañapasti janiw cunatejj utjarapqui uca walja yänacapancquiti —sasa.

Lucas 6:26

“¡Ay, camachapcaquïta jumanaca, cunapachatï takenis jumanacata ‘Waliquiw’ sapcani ucapacha! Uqhamaracwa awquinacapajj c'ari profetanacarojj lurapjjerïna.

Juan 10:12

Ucampis qhititejj pago laycuqui awatqui uquïrejj kamaker jutir uñjasinjja ovejanacjja anarpäwayasina jaltawayjjaquiwa, jan cheka awatirïtap laycu ni ovejanacas jupanccaraquiti. Ucatsti kamakejj munañaparuw ovejanacjj caturi uqhamarac anatati.

Hechos 13:40

Amuyasipjjam, ucataraqui profetanacan aqham sas arsutanacapasti jumanacjjar phokhasiscaspan:

Hechos 13:6

Take islpacha cayut sarasa muytasinsti, Pafos sat puertoruw puripjjäna. Ucanwa mä Barjesús sat judío layka jaker jicjjatapjjäna. Jupasti: “Diosatwa parlta” sasaw c'arisis sarnakerïtayna.

Gálatas 2:4

Ucampisa mayni c'ari jilatanacaw nanac taypiru mantanitayna, Jesucristo toke khespiyatäpctsa uc uñakeri, uqhamat wasitampi leyin luräwinacaparu jaysapjjañanacajjataqui.

Efesios 4:14

Janiw wawanacjamäcjjañäniti, cawcsarus janc'aqui irpataqui, cawquïri machak yatichäwin thayapampis apataqui, uqhamarac sallka jakenacan luräwinacapar jalantasa, jupanacasti jan wali sarnakäwinacaparuw irpañ munistu.

Efesios 5:6

Jan qhitis lokhe arunacapampejj jumanacar sallkjpati, uca arunac utjatap laycuw Diosan ajjsarcañ mutuyäwipajj juti cawquïrinacatejj Diosar jan ist'apqui ucanacataqui.

Filipenses 3:2

Amuyasipjjam qhitinacatejj anunacjam sarnakapqui ucanacata, jan walinac lurapquis ucanacatsa; amuyasipjjam circuncisionan janchi qharekapqui ucanacata.

Colosenses 2:8

Wal amuyasipjjam, janiraqui sallkjayasipjjamti qhitinacatejj c'ari amuyt'anacapampi sallkjañ munapjjtam ucanacampejja. Jupanacasti janiw Tatitur iyawsapquiti, jan ucasti jakenacan sarnakäwinacaparu, amtatanacaparuquiw phokhapjje cuna tokensa.

2 Timoteo 3:13

Ucampis jan wali jakenacajj uqhamarac sallkjerinacasa jan walit juc'amp jan waliruw sarapjjani, sallkjasina, uqhamarac sallkjayasisina.

2 Timoteo 4:3

Niya purininiwa cunapachatejj jakenacajj jan asqui yatichäwinac catokañ munapcani uca urunacajja; ucampis jupanacan munañanacaparjamaquiw walja yatichirinac thakapjjani, cunjämtejj jupanacajj yatichayasiñ munapjje uc ist'añataquiqui.

2 Pedro 3:17

Ucatpï munat jilatanaca, niyaquitejj jumanacajj acanacjja jichhatpach yatjjapjjstajja, ucatsti amuyasipjjam jan uca sallkjirinacampi apayasiñataqui, uqhamata walïcasin jan aynacht'añataqui.

1 Juan 4:1

Munat jilatanaca, jan cuna casta yatichäwirus Diosan yatichäwipäcaspas uqham arcapjjamti, jan ucasti yant'apjjam chekpachapunit Diosan Ajayupani janicha. Walja c'ari yatichirinacaw acapacharojj phokhantasqui. Jupanacasti sapjjewa: “Diosanquirïpjjtwa” sasa.

Judas 1:4

Yakhepanacajj sallkjañanac toke mantanipjje, ucanacarusti Kellkatanacajj nayra pachanacatpachwa uñacht'ayäna cuna juchañchäwtejj catokañanacapäqui ucjja, jan wali jakenacäpjjatap laycu. Uca ñankha lurir jakenacajj Diosan qhuyapayasiñapjja maysaruw uñtayapjje jan wali luräwinacapan jacañataqui, ucatsti apanucupjjewa jiwasan mä sapa Uywirisaru Tatit Jesucristorusti jan uñt'ir tucupjje.

Apocalipsis 16:13

Ucatsti uñjaractwa dragonan lacapatsa, uca jach'a ajjsarcañ animalan lacapatsa, uqhamarac c'ari profetan lacapatsa, quimsa ñankha ajayunaca mistusinquiri, ucanacasti jamp'atur uñtataraquïnwa.

Apocalipsis 17:6

Ucatsti mäquiw amuyasta uca warmejja Diosan wawanacapana, Jesucristot khanañchirinacana wilapampi machjatätapa. Uc uñjasinsti wali musphataw uñjasta.

Apocalipsis 19:20

Uca jach'a ajjsarcañ animalasti c'ari profetamp chica preso catutäjjänwa. Uca c'ari profetasti milagronaca lurirïtaynawa uca ajjsarcañ animal nayrakatanjja. Jupasti uca milagronacampiraquiw qhitinacatejj uca jach'a ajjsarcañ animalan chimpupampi uscuyascatayn ucanacarojj sallkjatayna. Ucatsti c'ari profetasa, uqhamarac uca ajjsarcañ animalasa asufrempi akasquiri nina kotar jacquirpacha jakontatäpjjänwa.

Apocalipsis 20:10

Sallkjir Supayasti nina asufre kotaru jakontatänwa, cawqhanccäntï c'ari profetampi uca jach'a ajjsarcañ animalampejj ucaru. Ucanwa uruy aruma t'akhesipjjani wiñayan wiñayapataqui.