Mateo 7:1 - Qullan Arunaca

¹ “Jake masimarojj jan juchañchapjjamti, Diosajj jan jumanacar juchañchañapataqui.

Aymar Bibliia 1986

¹ “Jake masimarojj jan juchañchapjjamti, Diosajj jan jumanacar juchañchañapataqui.

Qullan Arunaka DC

¹ “Jaqi masimarux jan juchañchapxamti, jumanakar Diosan jan juchañchañapataki.

Mateo 7:1 Jak'a apnaqawi uñst'ayäwi

Isaías 66:5

Tatitun arunacap ist'apjjam, jumanaca qhitinacatejj arunacapa phokhapcta ucanaca: “Jumanacan yakhepa marca masinacamajja qhitinacatejj jumanacar uñisipctam, arcnakapjjaractam nayan sutejja aytasipjjatam laycu, ucanacasti sapjjewa: ‘Tatitojj jach'a cancañap uñacht'aypanaya, jumanacarusti c'uchicwa uñjañ munapjjsma’ sasa. Ucampis jupanacajj mä p'enka jisc'achjataw uñjasipjjani.

Mateo 7:2

Cunjämtï jumanacajj jake masimarojj juchañchapctas uqhamaracwa Diosajj jumanacarojj juchañchapjjätam; cunjämtejj jumanacajj jakenacar lurapcäta uqhamaracwa jumanacarojj Diosajj lurapjjätam.

Mateo 7:5

¡C'ari chuyman jake!, nayrakat uca thuru lawa nayramancquis uc apsusim, ucatwa jumajj sum uñjasma uca jisc'a k'añojj jilaman nayrapan utjquis uc apsuñataquejja.

Lucas 6:37

“Jan yakhanacarojj juchañchapjjamti, Diosasti janiraquiw jumanacarojj juchañchapcätamti. Perdonapjjam, Diosasti perdonapjjaraquïtamwa.

Lucas 6:41

“¿Cunatsa jilaman nayrapan jisc'a k'añojj utjqui ucjj uñch'uctajja, nayraman jach'a lawa utjqui uca janïr apscasinjja?

Juan 8:7

Jisqhisipcaquïnwa, ucatwa Jesusajj jupanacar uñcatasinjja säna: —Jumanacat cawquïritejj jan juchanïqui ucajja, aca warmirojj kalampi jakt'añjja kalltascacpan —sasa.

Santiago 3:1

Jilatanacajja, jumanaca taypinjja janiw waljani yatichirinaca tucuñapäquiti, yatipjjtawa qhitinacatejj yatichapjjtan ucanacajj jan qhuyapt'ayasiñampi taripatäñäniwa.