Mateo 6:25 - Qullan Arunaca

²⁵ “Sapjjaracsmawa, jan llaquisipjjamti, cuntejj mank'apcäta, umapcaraquïta, isisipcäta ucanacatjja. ¿Janiti jacañajj mank'at sipansa juc'ampi sumäqui, janchisti isitsa juc'ampïcaraquejja?

Aymar Bibliia 1986

²⁵ “Sapjjaracsmawa, jan llaquisipjjamti, cuntejj mank'apcäta, umapcaraquïta, isisipcäta ucanacatjja. ¿Janiti jacañajj mank'at sipansa juc'ampi sumäqui, janchisti isitsa juc'ampïcaraquejja?

Qullan Arunaka DC

²⁵ “Sapxaraksmawa: Jan llakisipxamti, kuntix manq'apkäta, umapkäta, isisipkäta ukanakata. ¿Janit jakañax manq'at sipan juk'ampïki, janchis isit sipan juk'ampïkisti?

Mateo 6:25 Jak'a apnaqawi uñst'ayäwi

Salmos 55:22

Diosar llaquinacam catuyam, jupasti ch'aman tucuyätam, Diosar jaysirin aynacht'añapjja, janipuniw jupajj muncaniti.

Jeremías 45:5

¿Cuncha jumataqui mayisiñ munta? ¡Jan cunsa mayimti! Nayasti take jakenacjjarojj jach'a t'akhesiñanacwa apayanëjja, ucampisa jumarojj jacayascaraquïmawa cawquirutejj sarcät ucana. Naya Tatituw ucjja arsta’ ” sasa.

Mateo 10:19

Ucampis cunapachatejj uca jilïrinacar catuntayapcätam ucqhajja, jan llaquisipjjamti cunanactejj sapcäta ucanacatjja; cunapachatejj parlañäcani ucqhajja Diosaw jumanacarojj arsuyapjjätam.

Mateo 13:22

Ch'aphi taypinacar jalantat jatha misturisti acamp sasiwa: Suma arunac ist'casinsa, sintwa llaquisipjje acapach yänacatsa, kollketsa. Take ucanacasti juparojj atipjiwa, suma arunacasti janiraquiw jupan chuymapanjja jiltcaspati.

Mateo 6:31

Ucatsti jumanacajj jan llaquisipjjamti aqham sasa: ‘¿Cunsa mank'añäni? ¿Cunsa umañäni, cunampiraquis isisiñäni?’ sasa.

Mateo 6:34

Jan llaquisipjjamti cunatï kharürojj pascani ucatjja, kharürusti take uca llaquisiñanacapampi phokt'ataraquïniwa, sapüruraquiw uqham llaquinacan phokhantatäsqui.

Marcos 13:11

Cunapachatejj jilïrinacar catuyañatac irpapjjätamjja, janiw ajjsarapjjätati ni lup'ipjjätasa: ‘¿Camsaraquiñäni?’ sasa. Cuntï Diosajj sapcätam uca horasan arsuñataquejja uca sapjjäta, janiw jumanacat parlapcätajja, jan ucasti Kollan Ajayuw parlascani.

Marcos 4:19

jupanacajj acapach yänacaruw sinti munapjje. Kamiriptañ munañaw mayjt'ayi, ucatsti cunayman munañaruw puripjje. Take ucanacaw chuymanacapar mantasinjja, Diosan arunacapjja chhaktayi aca jakenacan jan achuñapataqui.

Lucas 12:11

“Cunapachatï sinagoganacar apapjjätam, jan ucajj juezanac nayrakatarusa, uqhamarac autoridadanac nayrakatarusa ucqhajja, jan llaquisipjjamti ucan cunjäm arsuñanacamatsa;

Lucas 8:14

Ch'aphinac taypir jalantirïqui ucasti acawa: qhitinacatejj aru ist'apjje ucampis sarnakäwinacaparjamajj sarasipcaqui ucawa. Ucatsti cunayman llaquisiñanacampi, kamir cancañampi, acapach cusist'añanacampiw chhaktayjje uqhamatwa jan sum achcjjapjjeti.

Romanos 8:32

Diosajj janiw Wawaparus perdonquiti, ucatpï Wawaparojj jiwañaru catuyejja jiwasanacan juchanacas laycu. Uqhamasti ¿janiquit take cuns churquistani Wawapamp chicjja?

1 Corintios 7:32

Janiw cunat llact'at sarnakapjjañamsa muncti. Cunapachatejj maynejj solterösqui ucajj Tatitun yänacapatwa llaquisi uqhamaraqui jupar sum sirviñampita.

Filipenses 4:6

Jan jumanacajj cunats llaquisipjjamti, take cunsa Diosar sapjjam oracionana, mayipjjam yuspagarapjjaraquim.

2 Timoteo 2:4

Janiw qhiti soldados cuartelanccasinjja yakha luräwinacar uchasquiti, jan ucasti comandantepan arsutaparjamaw sarnakañapa.

1 Pedro 5:7

Take llaquisiñanacamsti Diosar jaytapjjaraquim, jupasti jumanacatjja llaquisiraquiwa.