Mateo 4:2 - Qullan Arunaca

² Jesusasti ucapachajj jan mank'ataw sarnakäna pusi tunca urumpi pusi tunca arumampi, ucatsti mank'at awtjayasiraquïna.

Aymar Bibliia 1986

² Jesusasti ucapachajj jan mank'ataw sarnakäna pusi tunca urumpi pusi tunca arumampi, ucatsti mank'at awtjayasiraquïna.

Qullan Arunaka DC

² Jesusasti pusi tunka urumpi, pusi tunka arumampiw jan manq'at sarnaqäna, ukatsti manq'at awtjayasïna.

Mateo 4:2 Jak'a apnaqawi uñst'ayäwi

1 Reyes 19:8

Eliasasti sartasisinjja mank'äsinwa, umt'asiraquïnwa. Ucatjja uca mank'ajja ch'amwa churäna pusi tunca uru, pusi tunca arumampi sarañataqui, Diosan Horeb sat kolluparu puriñcama.

Éxodo 24:18

Moisesasti kenay taypinjamwa kollurojj maqhatäna, kollunjja pusi tunca urumpi, pusi tunca arumampiwa ucancäna.

Éxodo 34:28

Moisesasti Tatitumpi chicänwa pusi tunca uru, pusi tunca aruma jan mank'ata, uqhamarac jan umas umt'ata uqhama; jupasti kala tablanacaruw kellkascäna Diosan tunca camachi arunacapjja.

Mateo 21:18

Khepärmanthisti Jerusalenar cutinjjasinjja, Jesusajj mank'at awtjayasïna.

Mateo 25:35

Cunapachatejj mank'at awtjayascäyäta ucapachaw jumanacajj mank'añ churapjjesta; uqhamarac cunapachatejj umat pharjayascäyät ucqhajj umsa churapjjaraquistawa; korpachasiñ thakhascäyät ucapachajja korpachapjjestawa.

Mateo 25:42

Cunapachatejj mank'at awtjatäscäyäta ucapachasti janiw churapquistati. Umat pharjatäscäyäta ucqhasti janiw umsa churapcaraquistati.

Marcos 11:12

Khepürusti, Jesusajj Betaniat mistusajja, mank'at awtjayasïna.

Lucas 4:2

Ucansti Jesusajj pusi tunc uruw ucancäna, Supayasti yant'araquïnwa. Ucürunacanjja janiw cuns mank'cataynati, ucat jupajj mank'at awtjayasïna.

Juan 4:6

Ucawjanwa utjäna uma phuju, Jacobon phujupa sata. Jesusajj thac jutcäwin karjatänwa, ucatsti Jacobon phujupjjaruw kont'asi. Ucqhasti niya chica uru horasänwa.

Deuteronomio 18:18

Nayaw jupanac taypitjja mä jumjam profeta sartayä, jupanacan marca masipata, ucatsti cuntejj nayajj parlam siscä ucwa sapjjätam uqhamaraquiwa parlapjjätam cuntejj nayajj ewjjancä ucanaca.

Deuteronomio 9:18

Ucatsti Tatitu Diosan nayräjjaparuw quillt'asta, cunjämatï nayrïrejja lurcäyäta uqhamaw pusi tunca urumpi pusi tunca arumampi ucancäyäta jan cuns mank'asa ni umasa, jumanacan jucha luratanacam laycu, cunampitejj Diosarojj ñankhachapjjta uqhamarac colerayapjjaracta.

Deuteronomio 9:25

Cunjämatï Tatitu Diosajj jumanacaru t'unjañampi ajjsarayapjjäyätamjja, nayasti Tatitu Dios nayrakatanwa quillt'asïyäta pusi tunca urumpi, pusi tunca arumampi.

Deuteronomio 9:9

Cunapachatï nayajj uca Horeb kolluru maqhatäyäta uca kalat lurat tablanac aptiri, Diosampi jumanacampi suma arust'äwi lurat khanañchir tablanaca ucqhajj, pusi tunca urumpi pusi tunca arumampiw ucancäyäta jan mank'asa ni umasa.