Mateo 3:7 - Qullan Arunaca

⁷ Cunapachatejj Bautisiri Juanajj uñjcäna fariseonacaru, uqhamarac saduceonacarusa ucqhajj sänwa: “¡Jumanacajj catari casta jakenacäpjjtawa! ¿Qhitiraqui jumanacarusti yatichapjjtamsti Diosan jach'a colerasiñapat jaltañsti?

Aymar Bibliia 1986

⁷ Cunapachatejj Bautisiri Juanajj uñjcäna fariseonacaru, uqhamarac saduceonacarusa ucqhajj sänwa: “¡Jumanacajj catari casta jakenacäpjjtawa! ¿Qhitiraqui jumanacarusti yatichapjjtamsti Diosan jach'a colerasiñapat jaltañsti?

Qullan Arunaka DC

⁷ Kunapachatix Bautisiri Juanax fariseonakaru, saduceonakaru, bautisayasir jutapxatap uñjäna ukkhasti, jupax sänwa: “¡Katari jaqinaka! ¿Khitirak jumanakarusti Diosan jach'a mutuyäwipat jaltañ yatiyapxtamsti?

Mateo 3:7 Jak'a apnaqawi uñst'ayäwi

Génesis 3:15

Warmimpi jumampsti enemigo tucuyapjjäma, uqhamaraqui uca warmin wawanacapampi, wawanacamampisa enemigonïpjjaraquiniwa. Warmin wawapasti p'eket takjjatätam, jumasti cayut achjaraquïta —sasa.

Proverbios 28:4

Leyi contra sayt'irinacajj, jucharar jakeruw jach'achi; ley phokherinacasti, jucharar jake contraraquiwa.

Isaías 59:5

Catari c'awnanacjjaruw wallpar uñtat jipipjje, cusicusir uñtataraquiw simpanacapjja sawupjje; uca c'awnanac mank'eristi jiwaraquiwa, maynitejj uca c'awna phallaychejja, ucatjja venenoni catarinacaw misturaqui.

Jeremías 51:6

“¡Babilonia marcat jaltjjapjjam! ¡Qhitis khespiyaschini ucajj khesppan! ¡Jan jupan juchap laycu jiwapjjamti! Acaw nayan phoksusiña horasajjajja, cunjämarutejj waquisqui uqhamaruw churaraquëjja.

Jeremías 6:10

Nayasti saractwa: “¿Qhitirac ist'itani, nayan parlatajjarusti, uqhamaraqui aca yatiyäwi churatajjarusa? Tata, jinchunacapajj lluphantatawa, janiw ist'apcaraquiniti; arunacamatsti larusipjjaraquiwa, Arunacamsti janiw munapcaraquiti.

Mateo 12:24

Uca fariseonacajj jakenacar uqham parlir ist'apjjatapatsti jupanacajj sapjjänwa: “Aca jakejj ñankha ajayunacacwa alissusqui, Beelzebú sat supayanacan jilïripan ch'amapampi” sasa.

Mateo 12:34

¡Catari casta jan wali jakenaca! ¿Cunjämsa jumanacajj sum parlapjjasmajj niyaquitejj jumanacajj jan walïpcsta ucajja? Jumanacajj arsupjjtawa cunatï chuymanacaman phokhantatäsqui ucanaca.

Mateo 15:12

Discipulonacapasti uca arunac ist'asinjja Jesusajj ucar jac'achasisin sapjjänwa: —Fariseonacajj uca arunacam ist'asinjja colerasipjjewa —sasa.

Mateo 16:1

Fariseonacampi saduceonacampisti Jesusan ucaruw sarapjjäna, ucat mä unañcha mayipjjäna alajjpachata, uqhamatwa Jesusarojj yant'añ munapjjäna.

Mateo 16:6

Jesusasti jupanacarojj sänwa: —Amuyasipjjañamawa fariseonacan levadurapatjja uqhamarac saduceonacatsa —sasa.

Mateo 22:15

Fariseonacasti sarjjasinjja, jupanacpuraw arust'asipjjäna, cunjämata pantjasiyañataquisa, uqhamata juchañchañataqui.

Mateo 22:23

Ucüruraquiw saduceonacajj Jesusan ucarojj jutapjjäna. Jupanacasti janiw jiwatanacan jactañapjja iyawsapcänti, ucatwa Jesusar jisct'apjjäna:

Mateo 22:34

Fariseonacasti Jesusan saduceonacaru amuct'ayatapa yatisinjja tantacht'asipjjänwa.

Mateo 23:33

“¡Jumanacajj catari casta jan wali jakenacäpjjtawa! ¿Cunjämrac jumanacasti uca infierno mutuyäwitsti jaltapjjätasti?

Mateo 5:20

Jumanacarojj sapjjsmawa, sarnakäwinacamatejj jan walïcchejja ley yatichirinacata fariseonacata sipansa ucajja, janipuniw alajjpach wiñay jacañ marcarojj mantapcasmati.

Marcos 12:13

Ucjjarusti Jesusan ucarojj qhitanipjjänwa mä kawkha fariseonacampi Herodesar arquirinacampi, jupar pantjayañataqui, ucatsti juchañchañataquiraqui.

Marcos 12:18

Ucjjarusti Saduceonacaw Jesusan ucarojj sarapjjäna. Jupanacasti: “Janiw qhitis jiwatatjja jactcaspati” sasaw yatichapjjäna. Ucat Jesusarojj jisct'apjjaraquïna:

Marcos 8:15

Jesusasti jupanacarojj ewjjt'änwa: —Amuyasipjjam fariseonacan levadurapampita, Herodesan levadurapampitsa —sasa.

Lucas 16:14

Kollker wali chuyma churat fariseonacasti take acanacjja ist'asipcaraquïnwa, ucat jupanacajj Jesusatjja larusipjjäna.

Lucas 18:11

Fariseojj sayt'asisin Diosat mayisïna, aqham sasa: ‘Oh Dios, yuspagaransmawa nayajj janiw yakhanacjamäcti, lunthata, jan wali jake, wachoka juchan sarnakeri, janiraquiw aca impuesto apthapir jakjamäctsa.

Lucas 7:30

Ucampis Juanan jan bautisata fariseonacampi, ley yatichirinacampisti janiw yäkapcänti cuntejj Diosajj jupanac toke lurañ muncän ucjja.

Juan 1:24

Juanaru jisct'irinacajj fariseonacan qhitatänwa.

Juan 8:44

Jumanacan awquimajj Supayawa, jumanacajj Supayancapjjtawa. Cuntejj jupajj munqui ucwa lurapjjaractajja. Supayajj kalltatpacha jake jiwayiriwa. Janiw cunapachas jupajj chek parlquiti, jupajj c'arïtap laycu. Cunapachatejj c'arinac parlqui ucqhajja jupatacwa parlasqui, c'arïtap laycu, uqhamarac c'arin awquipätap laycuraqui.

Juan 9:40

Jupampïcän uca mayni fariseonacajja, uc ist'asinjja jisct'apjjänwa: —¿Nanacasti juyqhüpjjaractti? —sasa.

Hechos 15:5

Ucampis Tatitur iyawsir yakhep fariseonacajja, sayt'asisina, sapjjänwa: —Waquisiw jan judiöpquis uca iyawsirinacar circuncidañajja, uqhamarac ‘Moisesan leyip phokhapjjam’ sañasa —sasa.

Hechos 20:31

Wal amuyt'asipjjam. Amtasipjjaraquim, cunjämtï nayajj quimsa marpacha uruy aruma take jumanacarojj jan karjasisa jacht'asisaraqui ewjjt'awayapcsma ucjja.

Hechos 26:5

Jupanacasti ucjja sumaracwa yatipjjaraqui, arsuñ munapjjchejja, arsusipcaquispawa. Nayajj waynatpachaw fariseöyäta. Uquïr thaquisti Diosan leyiparjamajj, mä suma phokhañ thaquiraquiwa, maynïr judionacat sipansa.

Hechos 5:17

Uc uñjasinsti sacerdoten jilïripajja uqhamarac jupampïpcäna uca saduceo partidonquirinacajj wal envidiasipjjäna.

Romanos 1:18

Uñjtanwa Diosan ajjsarcañ mutuyäwipajj alajjpachatwa jutasqui take acapachan jan wali jakenacataqui, uqhamarac juchararanacataqui. Jupanacan juchanacap laycuwa cheka cancañajj jan khanstquiti.

Romanos 5:9

Jichhasti catokatätanwa Dios nayrakatanjja Jesucriston jiwatap laycu, ucatpï jichhajj tucusïwi mutuñatjja khespiyatäñänejja Cristo toke.

1 Tesalonicenses 1:10

Uqhamaraquiw parlapjje jumanacatjja cunjämtejj Jesusar alajjpachat cutt'aniñap suyapcta ucsa, cawquïrirutejj Diosajj jiwatanac taypit jactaycänjja ucaru. Jupaw ajjsarcañ mutuña jutqui ucatjja khespiyistu.

Hebreos 11:7

Iyawsäwi laycuw Noé chachajj Diosarojj ist'äna uqhamarac arcsa luräna familiapan khespiyasiñapataqui, cunapachatejj Diosajj jan uñjatäcäns ucanacan pasañap yatiycän ucqhajja. Uca iyawsäwi laycuraquiw Noé chachan acaorakenquirinacarojj juchañchäna, uqham iyawsatap laycuraquiw Diosampejj catokatäna.

Hebreos 6:18

Uqhamasti pä luräwiw jan trocasir utji, ucanacatjja Diosajj janiw c'ariscaspati; ucampejj Diosajj mä jan tucusquir chuymachäwi churistu, qhitinacatejj jupan imantasiñ thakapctan, uqhamarac catuyasiractan uca suyt'äwi churquistu ucana.

1 Juan 3:10

Uqhamatwa yatisi qhitinacas Diosan wawanacapajja, qhitinacaraquis Supayan wawanacapäcaraquis ucajja. Cawquïritejj jan asqui lurquejja, uqhamarac jan jilaparus munasqui ucajja, janiw Diosancquiti.