Mateo 3:4 - Qullan Arunaca

⁴ Uca Juanan isipasti camello t'awrat luratänwa, cinturonapasti mä lip'ichit lurataraquïnwa, t'ijut'ijunacwa mank'erïna, uqhamarac montenquir misq'inacampi.

Aymar Bibliia 1986

⁴ Uca Juanan isipasti camello t'awrat luratänwa, cinturonapasti mä lip'ichit lurataraquïnwa, t'ijut'ijunacwa mank'erïna, uqhamarac montenquir misq'inacampi.

Qullan Arunaka DC

⁴ Juanan isipasti camello t'awrat luratänwa, lip'ichit lurat wak'ampiw wak'asirïna; jupax t'iju t'ijunakampi, wasaran utjir misk'impi manq'irïna.

Mateo 3:4 Jak'a apnaqawi uñst'ayäwi

2 Reyes 1:8

Jupanacasti ucjjarojj sapjjänwa: —Uca chachajj t'awrarara isinïnwa, uqhamarac cinturapana lip'ichita lurat cinturonanïnwa —sasa. Reyisti ucjjarojj jach'atwa arsüna: —¡Tisbe chekanquir Eliasaraquisä! —sasa.

Isaías 20:2

Ucapacharaquiw Tatitojj Amoz chachan Isaías yokaparu parlaraquïna, aqham sasa: “Apsusim uca chhanqha isi, cunampitejj ist'atäcta uca, uqhamaraqui sapatonacamsa thatsusiraquim.” Isaíasasti uqhamwa luri, k'alalsusiwa ucatsti sapatsusiraquiwa.

Levítico 11:22

Ucanacatsti acnïrinacwa mank'apjjäta: Langosta sata lak'onaca, ucjjarusti langostino sata lak'onaca, thoknakeri grillo sat lak'onaca, t'ijut'ijunaca ucanacwa mank'apjjäta,

Zacarías 13:4

Qhä urunwa profetanacajj p'enkasipjjanejja unañchäwinacapat parlapcani ucqhajja. Janiw qhitis uchascaniti profetanacan lip'ichinacat lurat isipjja sallkjañataquejja,

Malaquías 4:5

“Jumanacasti uñjapjjam, nayasti Elías profetaruw qhitanipjjäma janïra Diosan urupa jutquipana, cawquïri urutï wali jach'äni, uqhamarac wali ajjsarcayäni.

Mateo 11:18

Ucatsti Juanaw juti. Jupasti janiw mank'cänsa ni umcänsa, ucatsti jumanacajj juparojj sapjjtawa: ‘ñankha ajayuniw’ sasa.

Mateo 11:8

Jan ucajj ¿cun uñjirich sarapjjtajja? ¿Mä suma isin isintata jakerucha? Jumanacajj yatipjjtawa, suma isin jakenacajj reyinacan utapancapjjewa.

Marcos 1:6

Juanan isipajj camello t'awrat luratänwa; cinturonapasti lip'ichit lurataraquïnwa; mank'apasti langostanacampi wasaran utjquis uca misq'inacampiraquïnwa.

Lucas 1:17

Aca Juanasti Tatitun nayrakatap sarani, Elías profetan ajayupat ajayuni, uqhamarac ch'amapat ch'amani, awquinacaru wawanacapampi sumancthapiyañataqui, jan jaysasirinacarusti jaysañ yatekapjjañapataqui. Uqhamatwa jakenacarojj waquichani Tatitur catokapjjañapataqui —sasa.

Deuteronomio 32:13

Atipirinacarjamaw irpäna, uca oraken kollu patanacanjama, pampanquir achunacwa mank'ayaraquïna, karkatwa misq'i umañ churäna, ch'ollkhe kalatwa aceite churaraquïna;

Apocalipsis 11:3

Nayasti pani testigojj qhitasinï nayjjat parlapjjañapataqui. Jupanacasti waranka pä pataca sojjta tuncani uruw parlapjjani, luto isimpi isthapita.”