Mateo 23:15 - Qullan Arunaca

¹⁵ “¡Ay, camachapcaquïta jumanacajj ley yatichirinaca, fariseonaca, c'ari chuymaninaca! Jumanacajj wañanjama, kotanjama take cheka muytapjjtajja maynicsa jicjjatañataqui. Jumanacan saräwinacamar cutiquipstjje ucqhajja, uca jakerojj jumanacat sipansa juc'ampi infiernor sarirwa tucuyapjjtajja.

Aymar Bibliia 1986

¹⁵ “¡Ay, camachapcaquïta jumanacajj ley yatichirinaca, fariseonaca, c'ari chuymaninaca! Jumanacajj wañanjama, kotanjama take cheka muytapjjtajja maynicsa jicjjatañataqui. Jumanacan saräwinacamar cutiquipstjje ucqhajja, uca jakerojj jumanacat sipansa juc'ampi infiernor sarirwa tucuyapjjtajja.

Qullan Arunaka DC

¹⁵ “¡Kamachi yatichirinaka, fariseonaka, k'ari chuymaninaka; kamacht'apkakïta!, jumanakax mä arkir jikxatañatakix qutanjama, wañanjam muytapxtaxa, jikxatasinsti, uka jaqirux jumanakat sipan juk'ampi infiernor sarir tukuyapxtaxa.

Mateo 23:15 Jak'a apnaqawi uñst'ayäwi

Ester (hebreo) 8:17

Take provincianacana, jach'a marcanacana, uqhamarac cawqha orakenacarutejj reyin arsutapajj purqui ucanjja judionacajja wali cusisiñaru c'uchiquïñaruw puripjjäna, ucatsti mank'añ fiestanacwa lurapjjäna. Ucampis marcanquir jakenacajj waljaninacaraquiw judiöcaspas uqhama tucupjjaraquïna, judionacatjja jupanacjjaru wali ajjsarañajj jutatap laycu.

Mateo 23:13

“¡Ay, camachapcaquïta jumanacajj ley yatichirinaca, fariseonaca, c'ari chuymaninaca! Jumanacasti alajjpacha puncjja jist'antapjjtawa yakhanacan jan mantapjjañapataqui; ni jumanacas mantapcaractati ni yakhanacarus mantayapcaractati.

Mateo 3:7

Cunapachatejj Bautisiri Juanajj uñjcäna fariseonacaru, uqhamarac saduceonacarusa ucqhajj sänwa: “¡Jumanacajj catari casta jakenacäpjjtawa! ¿Qhitiraqui jumanacarusti yatichapjjtamsti Diosan jach'a colerasiñapat jaltañsti?

Mateo 5:22

Ucampis nayajj sapjjsmawa, qhititejj jilapampi colerasinejja, jilïrinacan tantachasïwipanjja juchañchatäniwa, uqhamarac qhititejj jilapar tokjjani ucasti jach'a jilïrinacan tantachasïwipan juchañchatäniwa. Uca quicparaqui ñankha arunacampi ñankhachani, jilapar jan walinac sirejja infierno ninataquïñapawa.

Mateo 5:29

“Uca laycu, cupi nayramatejj juchar puriyirjamästam ucqhajja, apsusina jayar liwtam. Walïspawa mä nayrama janchiman chhakhañapaqui takpacha jañchima infiernor jakontatäñat sipansa.

Juan 8:44

Jumanacan awquimajj Supayawa, jumanacajj Supayancapjjtawa. Cuntejj jupajj munqui ucwa lurapjjaractajja. Supayajj kalltatpacha jake jiwayiriwa. Janiw cunapachas jupajj chek parlquiti, jupajj c'arïtap laycu. Cunapachatejj c'arinac parlqui ucqhajja jupatacwa parlasqui, c'arïtap laycu, uqhamarac c'arin awquipätap laycuraqui.

Hechos 13:10

Ucatsti saraquïnwa: —¡Take sallkjañampi, jan walimpi, phokhantat supayan wawapa, cheka cancañ uñisiriraqui! ¿Cunats jumajj Tatitun suma cheka thaquip k'ewinucuñ munta?

Hechos 13:43

Sinagoga tantachasïwi tucuyjjatatsti, judionacat waljaniw Pablompi Bernabeampirojj arcapjjäna. Judionacan sarnakäwinacaparjam suma judío tucurinacasa arcapjjaraquïnwa. Pablompi Bernabeampisti jupanacarojj ewjjt'apjjaraquïnwa Diosan munasiñapan ch'aman sayt'apjjañapataqui.

Hechos 14:19

Ucapachasti mä kawkha judionacaw purinipjjäna, Antioquiampita Iconiompita. Jakenacar amtayasinsti Pablorojj kalampiw c'upjayapjjäna, ucatsti: “Jiwatäjjew” sasaw marca ankäjjarojj katatnucunipjjäna.

Hechos 14:2

Ucampis jan iyawsir judionacajja, jan judiöpquis ucanacaruw amtayapjje jilatanac toke jan walinac amtapjjañapataqui.

Hechos 17:13

Ucampis Tesalonicanquir judionacajja, Pablon Berean Tatitun arunacap parlataparaquiqui yatisinjja, ucarojj sarapjjaraquiquïnwa. Ucatsti jakenacarojj ucanjj uqhamaraquiw ojjtayapjjäna.

Hechos 2:10

Frigia, Pamfilia, Egipto, uqhamarac Cirenet juc'amp qhursa Africa tokenacatsa. Uqhamaraquiw acan utjir romanonacas acancapjje. Jupanacatjja mayninacajj nacïwipatpach judionacäpjjewa. Yakhepanacasti jan judiöcasin, judionacan arcatanacapar cutiquipstirinacaraquiwa.

Hechos 6:5

Aca arunacarusti takeniw: “Waliquiw” sapjjäna. Ucatsti Estebanaruw ajllipjjäna, qhititejj iyawsañampi, Kollan Ajayumpi phokt'atäcänsa ucaru. Uqhamaraquiw Feliperu, Prócoro, Nicanor, Timón, Parmenas, Antioquianquir Nicolasampiru. Uca Nicolás chachajj jan judiöcasin, judionacan saräwipar cutiquipstanitänwa.

Gálatas 4:17

Uca jakenacajja jumanacat wali amtapjjejja, ucampis jan wali amtäwinïpjjewa. Jupanacajj nanacat t'akactañanacamwa munapjje, uqhamat jupanacar arcapjjañamataqui.

Gálatas 6:12

Cawquïrinacatejj: “Circuncidasipjjapunim” sapctam ucanacajja, jakenacampi asquit uñt'ayasiñ laycuquiw sapjje, uqhamarac Criston crusap laycu jan arcnakayasiñataqui.

Efesios 2:3

Take jiwasanacaw uqham nayrapachajj jacayätan, munañanacasarjama sarnakasa, janchin munañanacaparjama phokhasina, amtäwinacasarjama sarnakasina. Ucatpï Diosan ajjsarcañ mutuyäwip mayninacjama catokañasajj waquisïnjja.