Mateo 23:13 - Qullan Arunaca

¹³ “¡Ay, camachapcaquïta jumanacajj ley yatichirinaca, fariseonaca, c'ari chuymaninaca! Jumanacasti alajjpacha puncjja jist'antapjjtawa yakhanacan jan mantapjjañapataqui; ni jumanacas mantapcaractati ni yakhanacarus mantayapcaractati.

Aymar Bibliia 1986

¹³ “¡Ay, camachapcaquïta jumanacajj ley yatichirinaca, fariseonaca, c'ari chuymaninaca! Jumanacasti alajjpacha puncjja jist'antapjjtawa yakhanacan jan mantapjjañapataqui; ni jumanacas mantapcaractati ni yakhanacarus mantayapcaractati.

Qullan Arunaka DC

¹³ “¡Kamachi yatichirinaka, fariseonaka, k'ari chuymaninaka; kamacht'apkakïta!, jumanakasti yaqhanakan jan mantañapatak alaxpach punku jist'antapxtaxa; janiw jumanakas mantapktati, janirakiw yaqhanakarus mantayapktati.

Mateo 23:13 Jak'a apnaqawi uñst'ayäwi

Isaías 33:14

Sionanjja juchararanacajj qhathatipjjewa, nankha juchani jakenacasti ajjsarañampi phokhantatäjjewa, sapjjaraquiwa: “¿Qhitirac jiwasatsti jacaspa, tucjiri ninansti, wiñayatac naqhir ninansti?” sasa.

Zacarías 11:17

¡Ay cunänis ovej tama jaytanucuri jan wali awatiritjja! ¡Espadasti amparapa t'unjpan, cupi nayrapampiru! ¡Amparapasti pharsuta kheparpan, nayrapasti k'ala juyqhuraqui!”

Mateo 23:16

“¡Ay, camachapcaquïta jumanacajj juyqhu irpirinaca! Jumanacajj sapjjtawa: ‘Maynitejj juramento lurchejja templon sutiparojj janiw ucajj cunäquisa, ucampis temploncquis uca kori laycu jurapjjsta ucajja manuwa’ sasa.

Mateo 23:23

“¡Ay, camachapcaquïta jumanacajj ley yatichirinaca, fariseonaca, c'ari chuymaninaca! Jumanacajj jisc'a achunacatwa diezmo churapjjtajja, menta, anís, comino ucanacata, ucampis janiw jaysapctati cunatejj leyinjja wali asquïqui ucjja. Cawquïritejj chekäqui, qhuyapayasiñäqui, iyawsañäcaraqui ucjja apanucupjjtawa. Acanacawa lurapjjañamänjja, maya lurañanacjja jan jaytanucusa.

Mateo 23:25

“¡Ay, camachapcaquït jumanacajja ley yatichirinaca, fariseonaca, c'ari chuymaninaca! Jumanacajja ankäjjacwa phisqhuraptajja vasonacsa, platonacsa; ucampis chuymanacamajja wali k'añuwa, jumanacasti lunthatasiñampi mich'asiñampi phokhantatäsipctawa.

Mateo 23:27

“¡Ay, camachapcaquït jumanacajj ley yatichirinaca, fariseonaca, c'ari chuymaninaca! Jumanacajja ankäjjatjja suma jank'o pintat amaya imäwjamäpjjtawa, ucampis mankhajja cunayman k'añu jiwat ch'aqhanacampi phokhantatäpjjtawa.

Mateo 23:29

“¡Ay, camachapcaquït jumanacajja ley yatichirinaca, fariseonaca, c'ari chuymaninaca! Jumanacajj profetanacan imäwipjja lurapjjtawa, uqhamarac asqui jakenacan imäwinacapjja c'achachapjjaractawa.

Mateo 3:7

Cunapachatejj Bautisiri Juanajj uñjcäna fariseonacaru, uqhamarac saduceonacarusa ucqhajj sänwa: “¡Jumanacajj catari casta jakenacäpjjtawa! ¿Qhitiraqui jumanacarusti yatichapjjtamsti Diosan jach'a colerasiñapat jaltañsti?

Lucas 11:52

“¡Ay, camachapcaquïta, ley yatichirinaca! Jumanacasti yatiñ puncun llavepjja catuntasipjjtawa, janiraquiw jumanacas mantapctati, ni mantañ munirinacarus mantayapctati.

Juan 9:22

Acjj awquinacapajj sapjjänwa judionacar ajjsarasina, jupanacan qhititejj “Jesusajj Cristowa” sisqui ucaru sinagogat jaksuña amtapjjatap laycu.

Juan 9:24

Ucatsti judionacajj wasitampiw juyqhücän uca jakerojj jawsapjje, ucatsti sapjjaraquiwa: —Diosan nayrakatapan chek arsum, nanacajj yatipjjtwa uca jakejj juchararätapa —sasa.

Juan 9:34

Ucatsti sapjjaraquïnwa: —Jumajj juchan phokt'ataw naciwayta, ¿ucattï yatichañ munapjjesta? —sasa. Uc sasinsti sinagogatjja jaksupjjänwa.

Hechos 13:8

Uca layka jaken yakha sutipasti Elimas sataraquïnwa. Jupasti jarc'añwa munäna jach'a jilïrin jan iyawsañapataqui.

Hechos 5:28

—Nanacasti jumanacarojj sapjjäyäsmawa: Janipuniw cunäquipansa uca Jesusjjat yatichapjjätati, sasa. Jichhasti, ¿cunrac lurapjjtasti? Jumanacajj yatichäwinacamampejj Jerusalén marcpacharuw phokt'ayapjjtajja. Ucatsti nanacaruquiw uca jaken jiwatapatjja juchañchañ munapjjestajja —sasa.

Hechos 5:40

Uca arunacarusti takeniw jaysapjje. Ucatsti apostolonacar jawsayasinjja ewjjt'apjjewa, jan juc'amp Jesusjjat parlapjjañapataqui. Jawk'jayasinsti, antutnucjjapjjaraquïnwa.

Hechos 8:1

Saulojj: “Walic jiwayapjjtajj” sänwa. Uca urutpachaw Jerusalenanquir iglesiajj wali uñisita uñjasïna. Takeniraquiw Judea tokenacaru, Samaria tokenacampirus alisnucutäjjapjjäna. Apostolonacaquiw Jerusalenan kheparjjapjjäna.

2 Timoteo 3:8

Cunjämatejj Janes, uqhamarac Jambres jan wali jakenacajj Moisés contra sayt'apjjäna, uca pachparaquiw uca jakenacajj Tatitun arunacapataqui sayt'apjje. Aca jakenacajj chuymatpach jan wali amtani jakenacäpjjewa, iyawsäwi toketjja apanucutäpjjewa.

2 Timoteo 4:15

Uca jaketjja jumajj amuyasim, jupasti jiwasan yatichäwinacas contraw sarti.