Mateo 21:1 - Qullan Arunaca

¹ Cunapachatejj Jerusalén marca jac'ancjjän ucqhajja, Betfagé sat marcaruw puripjjäna, ucasti Olivos sat kollu jac'anquiwa. Ucapachaw Jesusajj pani discipulonacapar qhitäna,

Aymar Bibliia 1986

¹ Cunapachatejj Jerusalén marca jac'ancjjän ucqhajja, Betfagé sat marcaruw puripjjäna, ucasti Olivos sat kollu jac'anquiwa. Ucapachaw Jesusajj pani discipulonacapar qhitäna,

Qullan Arunaka DC

¹ Kunapachatix Jerusalén marka jak'ankxapxän ukkhasti, Olivos qullu jak'ankki uka Betfagé sat markaruw puripxäna. Jesusasti ukawjat pani yatiqiriparuw khithäna,

Mateo 21:1 Jak'a apnaqawi uñst'ayäwi

Zacarías 14:4

Uca uruw Tatitojj cayup tact'asinejja Olivos kollu patjjarojja, ucasti Jerusalén uñcatasinquiwa, inti jalsu tokena. Mä jach'a valleraquiw jist'artaraquini inti jalsut jalanta tokeru, payaruraquiw jaljtayanejja Olivos kollurojja. Chicat kollusti jitt'araquiniwa amsta tokeru, maynïr chicatasti aynacha tokeruraqui.

Mateo 20:34

Jesusasti jupanac uñjasinjja qhuyapt'ayasïnwa, ucat nayranacap llamct'äna. Juyqhunacasti ucspacharaquiw uñj-jjapjjäna, ucat Jesusaruw arcjjapjjäna.

Mateo 21:2

jupanacarusti saraquïnwa: “Sarapjjam qhurcataru, ucan jicjjatapjjäta mä asno chint'ata, mä jisc'a asno kallumpi cuna. Jararasinsti nayatac irpanirapipjjeta.

Mateo 24:3

Jupanacasti Olivos sat kolluruw mistjjapjjäna. Ucan Jesusajj kont'atäsquipanwa discipulonacapajj mä jisct'a jamasat jisct'apjjäna: —Nanacajj munapjjtwa yatiña cunapachatï take acanacajj pascani ucanaca. ¿Cawquïrïnis chimpojja jumajj cutt'ancät ucqhajja, uqhamarac acapach tucuscan uca urutsa? —sasa.

Mateo 26:30

Mä k'ochu k'ocht'atatsti Olivos sat kolluruw sarjjapjjäna.

Marcos 13:3

Ucatsti templo uñcatas Olivos kolluruw sarapjjäna. Jesusar ucan kont'atäsquir uñjasinsti, jupa saparuquiw jamasat Pedrompi, Jacobompi, Juanampi, Andresampejj jisct'apjjäna:

Marcos 14:26

Mä k'ochu k'ocht'asinsti, Olivos kolluruw sarjjapjjäna.

Lucas 21:37

Jesusajj sapa uruw templon yatichirïna, arumasti Olivos sat kolluruw sarjjerïna ucan khantatiñataqui.

Lucas 22:39

Ucapachaw Jesusajj mistuwayjjäna, cunjämtejj lurapjjerïcän uqhamaru, Olivos sat kolluruw sarjjäna, discipulonacapasti arcapjjaraquïnwa.

Juan 8:1

Jesusasti Olivos sat kolluruw sarawayjjaraquïna.

Hechos 1:12

Ucanac pasjjepansti, Olivos sat kollutjja Jerusalenaruw cutt'jjapjjäna. Uca kollusti Jerusalenatjj jac'ancaquiwa, mä chica tupun chicataparjama.