Mateo 2:8 - Qullan Arunaca

⁸ Ucatwa jupanacarojj Belenar qhitäna, saraquïnwa: —Sarapjjam, jisct'apjjaraquim cawqhantï uca wawajj nasqui uca. Jicjjatasinsti nayar yatiyapjjaraquita, ucat nayan yupaychir sarañajjataqui —sasa.

Aymar Bibliia 1986

⁸ Ucatwa jupanacarojj Belenar qhitäna, saraquïnwa: —Sarapjjam, jisct'apjjaraquim cawqhantï uca wawajj nasqui uca. Jicjjatasinsti nayar yatiyapjjaraquita, ucat nayan yupaychir sarañajjataqui —sasa.

Qullan Arunaka DC

⁸ Jupanakarusti Belén markaruw khithäna, akham sasa: —Sarapxam, uka wawat sum yatxatanipxam; jikxatasinsti nayar yatiyapxita, ukat nayan yupaychir sarañaxatakiraki —sasa.

Mateo 2:8 Jak'a apnaqawi uñst'ayäwi

2 Samuel 17:14

Absalonampi take israelitanacampisti, Husai chachan arunacaparojj: “Waliquiw” sapjjaraquïnwa, Ahitofel jaken amtäwipatsa juc'ampi sumaraquïnwa. (Tatitusti Ahitofel jaken amtäwinacapjja t'unjaraquitaynawa uqhamat Absalonarojj jan walt'añaru uscuñataqui.)

1 Reyes 19:2

Ucatsti Jezabel warmejj mä yatiyirwa Eliasan ucaru qhitäna yatiyaniñapataqui, aqham sasa: “¡Jumatejj Eliasästajja, nayajj Jezabelaraquïtwa! Ucatsti diosanacajj nayarojj walipuni mutuyitpan, kharürojj janitejj aca pachpa horasaru jumar lurcaraquïma, cunjämtï uca profetanacampi lurctajja uqhama ucqhajja” sasa.

Proverbios 21:30

Tatitun nayrakatapanjja janiw yatiñasa, ch'iqhi cancañasa, suma amuyt'anacasa cunäcjjeti.

Lamentaciones 3:37

Cunapachatejj mä cunasa lurasi, jan ucajj parlasisa ucanacajj Tatitun munañapatwa uqham lurasi.

Mateo 2:1

Jesusasti Belén marcanwa nacïna Judea orakena, ucapachasti Herodesaw reyïscaraquïna. Jerusalén marcarusti mä jakenacaw inti jalsu toketa purinipjjäna, jupanacasti magonacäpjjänwa.

Mateo 2:7

Ucapachaw rey Herodesajj jamasat uca magonacarojj jawsasin jisct'äna cunapachapunisa uca warawararojj uñjapcatayna uca.

Mateo 2:9

Take uca ewjjanac ist'asinjja magonacajj sarawayjjapjjänwa reyin ucatjja. Inti jalsu token wali c'ajquir warawarasti jupanacan nayrakatap sarascaquïnwa, ucampis warawarajj cawqhantejj wawajj nascatayna ucqharuw sayt'äna.