Mateo 2:2 - Qullan Arunaca

² Jisct'apjjaraquïnwa: —¿Cawquinquis nasqui uca judionacan reyipajja? Uñjapjjtwa jupan warawarapa inti jalsu tokena, ucatwa jupar yupaychiri jutapjjta —sasa.

Aymar Bibliia 1986

² Jisct'apjjaraquïnwa: —¿Cawquinquis nasqui uca judionacan reyipajja? Uñjapjjtwa jupan warawarapa inti jalsu tokena, ucatwa jupar yupaychiri jutapjjta —sasa.

Qullan Arunaka DC

² ukat jiskt'apxäna: —¿Kawkinkis jichha yurki uka judionakan reyipaxa? Inti jalsu tuqin warawarap uñjapxta, ukat jupar yupaychir jutapxta —sasa.

Mateo 2:2 Jak'a apnaqawi uñst'ayäwi

Salmos 2:6

“Naya pachpaw reyijjarojj ajllista, Sión, kollan kollojj patjjaruw utt'ayta” sasa.

Salmos 45:11

reyejj suma uñnakt'amamp muspharatawa, jupaw uywirimajja, juparojj jaysañamawa.

Isaías 60:3

Marcanacajj uca khanamaruw jutapjjani, reyinacasa khantati khanamaruraquiw jutapjjani.

Jeremías 23:5

Tatitojj siwa: “Mä uruw purinini cunürutejj Davidajj wawanïcani uca urojja, mä reyi, wali amuyt'ampi apnakañapataqui. Aca marcansti chekaparu, asquiruraqui uñjañapataqui.

Jeremías 30:9

Jupanacasti naya Tatitu Diosaparuw sirvipjjetani, uqhamaraqui Davidaru, qhitirutejj nayajj reyit utt'aycäjja ucaru.

Zacarías 9:9

¡Wali cusisim, Sión marca! ¡Cusisiñat k'ochum, Jerusalén marca! Juman Reyimaw mä asnjjat jutasqui, llamp'u chuymani, mä jisc'a asno kalljjata, cawquïritejj mä qhumuñ uywan wawapäqui ucjjata.

Números 24:17

Uñjtwa cunatejj khepa urunacan utjcani ucsa, uñjaractwa cunatejj jayancqui ucsa. Mä warawaraw Jacobot mistusinqui, mä reyiraquiw israelan sartasqui. Jupaw Moab orakerojj p'eket takjjatani. Takpachaniruw Set sat chachan wawanacaparojj pampachjani.

Mateo 2:3

Uqham yatisinjja, rey Herodesajj mayjt'asïnwa, uqhamarac Jerusalenan take jaquir jakenacasa.

Mateo 21:5

“Sionanquir marcarojj sapjjam: ‘Uñjam, juman Reyimaw mä asnjjata jutasqui, llamp'u chuymani, mä jisc'a asno kalljjata, cawquïritejj qhumuñ uywan wawapäqui ucjjata.’ ”

Mateo 27:11

Jesusajj marca apnakerin nayrakatapar irpatänwa. Marca apnakeristi jisct'araquïnwa: —¿Jumätati judionacan reyipajja? —sasa. Jesusasti saraquïnwa: —Uqhamawa, jumaw sistajja —sasa.

Lucas 19:38

Sapjjaraquïnwa: —¡Bendicitäpan Tatitun sutipar jutir Reyejja! ¡Alajjpachanjja sumancañäpan, uqhamarac Diosarojj jach'achatäpan! —sasa.

Lucas 2:11

Jichhürojj jumanacataqui mä Khespiyiriw naci, Davidan marcapana, ucasti CRISTO Tatituwa.

Lucas 23:3

Ucatwa Pilatojj juparu jisct'äna: —¿Jumätati judionacan reyipajja? —sasa. Jesusasti sänwa: —Cunjämtejj sisctajja, uqhamawa —sasa.

Lucas 23:38

P'ekep patansti mä kellkataw utjäna, [griego, latín, hebreo arunacana] kellkata, “Acajj Judionacan Reyipawa” —sänwa.

Juan 1:49

Natanaelajj ucjjarojj sänwa: —Yatichiri, jumajj Diosan Yokapätawa, Israel marcan Reyipa —sasa.

Juan 12:13

Ucatsti layminac qhuchurasin mistupjjäna Jesusar catokañataqui; aqham sasaw jach'at art'apjjäna: —¡Jach'achatäpan Diosaru! ¡Bendecitäpan Tatitun sutiparu jutirejja! ¡Bendecitäpan Israelan Reyipajja! —sasa.

Juan 18:37

Pilatojj ucjjarojj sänwa: —¿Uqhamajj jumajj Reyïtati? —sasa. Jesusasti sänwa: —Reyïtwa nayajja, cunjämtï jumajj siscta uqhama. Nayajj ucataquiw nasta, acapacharusti juttwa cunatejj chekäqui uc yatiyiri. Take qhitinacatejj chekan sarnakapqui ucanacajja, ist'apjjewa nayajj cuntejj siscta uca —sasa.

Juan 19:19

Pilatojj crusjjaru mä kellkatwa uscuyäna, ucansti aqham sänwa: “Nazaretanquir Jesús, judionacan Reyipa” sasa.

Juan 20:28

Ucatsti Tomasejj sänwa: —¡Nayan Tatitojja, nayan Diosajja! —sasa.

Juan 5:23

Yokaru takenis Awquirjam jach'añchapjjañapataqui. Qhititejj Yokaparojj jan jach'añchqui ucajja, janiraquiw qhitanqui uca Awquirojj jach'añchquiti.

Juan 9:38

Uc ist'asinsti uca jakejj quillt'asïnwa Jesusan nayrakataparu, ucatsti saraquïnwa: —Iyawstwa Tata —sasa.

Hebreos 1:6

Ucampis yakhawjanjja, sapa munat Yokapa acapachar uñstayasajj saraquiwa: “Diosan take angelanacapajj juparojj yupaychapjjpan” sasa.

Apocalipsis 22:16

“Naya, Jesusawa, angelajja qhitta iglesianacar aca arunaca yatiyaniñapataqui. Nayätwa Davidat nayrasa, jupat sarakerisa, nayajj khantati warawararaquïtwa.”