Mateo 2:13 - Qullan Arunaca

¹³ Magonacan sarjjapjjatapatsti, Diosan mä angelapaw Josearojj samcan uñstäna, ucatsti sänwa: “Sartasim ucatsti wawampiru María taycapampiru irpjjarum Egipto marcar sarjjam; ucancaraquim cunapachcamatï nayajj siscäma ucürcama, Herodesasti wawarojj jiwayañataquiw thakani” sasa.

Aymar Bibliia 1986

¹³ Magonacan sarjjapjjatapatsti, Diosan mä angelapaw Josearojj samcan uñstäna, ucatsti sänwa: “Sartasim ucatsti wawampiru María taycapampiru irpjjarum Egipto marcar sarjjam; ucancaraquim cunapachcamatï nayajj siscäma ucürcama, Herodesasti wawarojj jiwayañataquiw thakani” sasa.

Qullan Arunaka DC

¹³ Amawt'anakan sarxatapatsti, Tatitun angelapaw Josearux samkan uñstäna, juparusti sänwa: “Sartasim, ukatsti wawampiru María taykapampir irpxarusin Egipto markar jaltxam. Kunapachkamatix nayax siskäma ukürkamaw ukankäta, Herodesaw wawar jiwayañatak thaqhani” sasa.

Mateo 2:13 Jak'a apnaqawi uñst'ayäwi

1 Reyes 11:17

Ucqhajj Hadad chachasti wawäscänwa, jupasti Egiptoruwa jaltjjäna awquiparu sirvipcäna uca yakhep marca masinacapampi.

1 Reyes 3:5

Mä arumasti Gabaón chekanjja, Tatituw samcana Salomonaru uñstäna, aqham sasa: “Mayita cuntï jumajj muncta uca, nayasti churämawa” —sasa.

Job 33:15

Horasajj arumanacaw parlistu, mä samca toke jan ucajj mä uñjäwi toksa, cunapachatejj jakenacajj iquirasipqui ucapacha, cunapachatejj iquimpi atipjayasjjapjje ucapachaw parlistu.

Job 33:17

uqhamat ñankha luräwinacapat jithektayañataqui, jach'a jach'a tucuñatsa jithektayañataqui.

Éxodo 1:22

Faraón reyejja take marcaparuw säna: “Take israelitanacan yokall wawanacapajj nasqui ucanacarojja jawirar jakontanipjjam, ucampis imilla wawanacasti jacascpan” sasa.

Mateo 1:20

Uqham lup'isquipansti Tatitun mä angelapaw samcan uñstäna, ucatsti saraquïnwa: “José, Davidan wawapa, jan ajjsaramti Mariaru warmimat catokañjja, nascani uca wawasti Kollan Ajayutwa juti.

Mateo 10:23

Cunapachatejj mä marcanjja uñisisa arcnakapjjätam ucqhajja, yakha marcaru jaltjjapjjam. Jichhasti khanacwa sapjjsma, janïra take Israel marcanac muytapcätas ucqhaw Jaken Yokapajj jutani.

Mateo 2:12

Magonacasti mä samca tokwa yatipjjäna jan Herodesan ucaru cutt'añataqui, ucatwa yakha thaquinjam marcaparu cutt'awayjjapjjäna.

Mateo 2:14

Ucapachaw Joseajj sartasisina arumpacha wawampiru taycapampiru irpjjaruwayjjäna Egipto marcaru.

Mateo 2:16

Cunapachatï Herodesajj magonacan juparu sallkjatapa amuyasïna ucapachajja walpun colerasïna, ucatsti mä arsüwi mistuyaraquïna take yokall wawanacaru jiwarayañapataqui pä maranit aynacharu, take Belenanquirinacaru, uqhamarac uca jac'anquirinacarusa, cunapachatï magonacajj juparu siscatayna uca urunacarjama.

Mateo 2:22

Joseasti yatiraquïnwa Arquelao sat chachan Judea marcaru apnakascatapa, Herodes awquipan lantipata, ucatwa jupajj ucar sarañjja ajjsaräna, ucampis jupajj mä samca toke yatiyataraquïnwa, jupan Galilearu sarjjañapataqui.

Hechos 10:22

Jupanacasti sapjjaraquïnwa: —Capitán Corneliow qhitanipjjetu. Jupajj asqui jakewa, Diosar ajjsartas sarnakeriraquiwa, take judionacansa sumat uñt'ata. Juparojj Diosan mä angelapaw parlatayna, utapar jum jawsayañataqui, ucata arunacam ist'añapataquiraqui —sasa.

Hechos 10:7

Corneliomp parlcäna uca angelan sarjjatapatsti, jupajj uywatanacapat paniniruw jawsäna, uqhamarac maynïri soldadorusa. Uca soldadosti wali Dios chuymänwa, Cornelionsa wali munataraquïnwa.

Hechos 12:11

Ucapachaw Pedrojj amuyt'asi, ucatsti sänwa: “¡Chekapunis Tatitojj angelap qhitanitütojjä, Herodesan amparapat khespiyañataqui, uqhamarac judionacan amparapatsa!” sasa.

Hechos 12:7

Uca arumasti acatjamat Tatitun angelapajj Pedror carcelan uñstäna. Mä jach'a khanaraquiw ucanjj khantäna. Angelasti maysäjjat jupar llamct'asinwa iquit sartayäna, ucat saraquïna: “Mäqui sartam” sasa. Ucspachaw Pedron amparanacapatjja chinuntat cadenanacajj jarartawayäna.

Hechos 16:36

Ucatsti cárcel uñjirejj Pablorojj sänwa: —Juesanacatjja ordenanïtwa jumanacar antutjjañataqui. Jichhajj sumac sarawayjjapjjam —sasa.

Hechos 5:19

Ucampis Tatitun angelapajja arumaw cárcel punc jist'arasin jupanacarojj irpsuwayjje. Angelasti saraquïnwa:

Hechos 7:19

Uca reyisti jiwas castanacarojj wal sallkjäna. Awquinacasarusti wal t'akhesiyaraquïna, asu wawanacapar apanucuyasa, uqhamat jiwarapjjañapataqui.

Josué 3:13

Cunapachatejj sacerdotenacajj take acapachanquiri Diosan Arust'äwi Arcap apasipcani, ucatsti niya cayunacap umaru tact'apcani ucqhajj jawiran umanacapajj payaruw t'akjtawayani; aynachar sarir umanacajj sarascaquiniwa, alay toket jutir umanacasti sayt'ayatäniwa mä kollur uñtata” sasa.

Josué 3:17

Cawquïri sacerdotenacatï Tatitun Arust'äwi Arcap apapcän ucanacajj, chica jawiraruw sayt'asipjjäna jan juricht'asisa wañaquiraqui. Ucañcamasti take israelit jakenacaw jawir qhurcatar maqhatapjjäna jan cunansa camacht'ata.

Josué 4:10

Cawquïri sacerdotenacatï Diosan arcap apt'asita chica jawirancasipcän ucanacasti israelitanacajj Josué chachan parlataparjam phuchañapcamaw ucancapjjäna, cunjämtï Diosajj Moisesar ewjjcatayna uqhamar phokhayasa, ucatsti jakenacajj janc'aquiw jawir qhurcataru pasapjjäna.

Josué 4:18

Cunapachatejj sacerdotenacajj Jordán jawirat mistunipjjäna, waña orakeru tact'apjjän ucqhajj jawiran umapasti waliw jaljjäna, jawiratsa purapar jilarasa.

Apocalipsis 12:14

Ucampis warmirojj jach'a pacan pä chhekhanacapaw churatäna, uqhamata uca chhekhanacampi wasararu jaltjjañapataqui uca cataritsa jayaru, cawqhantï quimsa mara chicani mank'ayapcani ucqharu.

Apocalipsis 12:4

Wich'inqhapampisti quimsïri partwa alajjpach warawaranacjja onjjtayäna, ucatsti orakeruraquiw willirtayanïna. Aca dragonasti uca wawachasiri warmin nayräjjaparuw sayt'asi, uca wawar ucspacha mank'antañataqui.

Apocalipsis 12:6

Warmisti wasararuw jaltjjaraquïna, cawqhantï Diosajj jupataqui mä cheka waquichcatayna ucqharu. Uca wasaransti waranka pä pataca sojjta tuncan uruwa juparu mank'ayapjjani.