Mateo 10:4 - Qullan Arunaca

⁴ Cananista partidonquir Simón, Jesusar aljantirïquis uca Judas Iscariotempi.

Aymar Bibliia 1986

⁴ Cananista partidonquir Simón, Jesusar aljantirïquis uca Judas Iscariotempi.

Qullan Arunaka DC

⁴ Cananeo tamankir Simón, Judas Iscariote, Jesusar aljantirïki uka.

Mateo 10:4 Jak'a apnaqawi uñst'ayäwi

Mateo 26:14

Tunca payani discipulonacapatjja maynïriwa sacerdotenacan jilïrinacapan ucaru saräna, sutipasti Judas Iscariote satänwa.

Mateo 26:15

Jupasti saraquïnwa: “Jesusar catuyapjjerisma ucajja, ¿kawkhsa churapjjetasma?” sasa. Jupanacasti quimsa tunc kollke churapjjäna.

Mateo 26:2

“Cunjämtejj jumanacajj yatipctajja, acat pä urutjja pascua fiestäjjewa. Jaken Yokapasti catuntayatäniwa ucat ch'accatataraquïniwa.”

Mateo 26:47

Uqham Jesusajj parlasquipanwa Judasajj jupan ucar purini, cawquïritejj tunca payanit maynirïcäna uca. Jupampisti walja jakenacaraquiw jutapjjäna, espadanacas apt'ata, lawanacamp cuna. Jupanacasti jutapjjänwa cunjämtejj sacerdotenacan jilïrinacapajj uqhamaraqui chuymani jilïrinacas qhitancatayna uqhamarjamaw lurasipcäna.

Mateo 27:3

Aljantir Judasasti, Jesusar jiwayañapatac catuntat uñjasinjja wali llact'asïna catuyatapatjja, ucatwa uca quimsa tunca kollkjja sacerdotenacan jilïriparu chuymani jilïrinacampirojja cutt'ayjjäna.

Marcos 14:10

Tunca payani discipulonac taypina mayniw utjäna, Judas Iscariote sutini. Jupasti jilïr sacerdotenacan ucaruw saräna, Jesusar catuntayañatac parljiri.

Marcos 14:43

Uqham parlasquiriruw Judasajj purini, jupasti Jesusan tunca payani discipulonacapatjj maynïrïnwa. Walja jakenacaraquiw jupamp chicajj jutapjjäna, espadanac apt'ata, lawanac ayt'ataraqui. Jilïr sacerdotenacampi, ley yatichirinacampi, jilïr jakenacampiw ucanacarojj qhitanipjjatayna.

Lucas 22:3

Ucapachaw Supayajj Judasar manti, qhititejj Iscariote satäcaraquïna, jupasti tunca payan apostolonacat maynïrïnwa.

Lucas 22:47

Jesusajj parlascaquïnwa, ucapachaw walja jakenacajj purinipjjäna. Qhititejj Judas satäcäna ucasti tunca payan discipulonacat maynïrïnwa, ucajj jupanacan nayrakatap jutäna. Jupasti Jesusaruw maqhati jamp'att'añataqui.

Juan 13:2

Mank'asipquipansti Supayajj niyawa Simonan yokapa Judas Iscarioten chuymaparojj uchatayna Jesusar aljantañ amtäwjja.

Juan 6:64

Ucampis jumanac taypitjja janïraw iyawsapctati —sasa. Jesusajj yatïnwa kalltatpacha qhitinacas jupar jan iyawsapqui ucjja, yatiraquïnwa qhititï jupar aljantcani ucsa.

Juan 6:71

Uc sasinsti Jesusajj Simonan yokapa Judas Iscariotetwa parläna; Judasasti aljantañapänwa, tunca payanit maynïrïcchïn ucasa.

Hechos 1:13

Marcar purisinjja, maqhatapjjänwa cawqui altos utantejj korpachatäpcän ucaru. Ucanacasti acanacawa: Pedro, Jacobo, Juan, Andrés, Felipe, Tomás, Bartolomé, Mateo, Alfeon Jacobo yokapa, Simón (Cananista sat partidonquiri), uqhamarac Jacobon Judas jilapa, yakhanacampi cuna.

Hechos 1:25

jupajj Judasan lurañanacap catuñapataqui. Judasasti jucha luratap laycuw jiwañar puri, ucatsti cawqharutï sarañapäqui ucqharuraquiw sarjje.”