Mateo 10:26 - Qullan Arunaca

²⁶ “Uqhamasti jumanacajj jan ajjsarapjjamti jupanacarojja. Janiw cuna imantatas utjquiti jan uñjcañajja, janiraquiw cuna jamasanquiris jan yatiscaspati.

Aymar Bibliia 1986

²⁶ “Uqhamasti jumanacajj jan ajjsarapjjamti jupanacarojja. Janiw cuna imantatas utjquiti jan uñjcañajja, janiraquiw cuna jamasanquiris jan yatiscaspati.

Qullan Arunaka DC

²⁶ “Jupanakarux jan axsarapxamti. Janiw kuna imantatas jan uñjatäkaniti, janirakiw kuna jamasankiris jan yatitäkaniti.

Mateo 10:26 Jak'a apnaqawi uñst'ayäwi

Proverbios 10:9

Jan cuna manunïqui ucajj, janiw cunarus ajjsarquiti; jan wal sarnakeristi, jan waliwa tucusiraqui.

Proverbios 28:1

Ñankha lurir jakejja jan qhitin arcnakcataw jaltjje, ucampis asqui jakenacajja janiw cunarus ajjsarquiti, mä leonjamawa ch'aman sayt'asi.

Proverbios 29:25

Jakenacar ajjsarañajj sipitar uñtatawa, ucampis qhititejj Tatitur iyawsqui ucawa imatäni.

Eclesiastés 12:14

Diosajj take luratanacasatwa wayt'istani, walitsa jan walitsa, jan uñjcat luratanacatsa.

Isaías 41:10

Jan ajjsaramti, nayaw jumampïscta, jan ajjsaramti, nayäsctwa juman Diosamajja. Nayaw ch'amañchascäma, nayaraquiw yanapascäma, atipjiri amparajjampiraquiw uywascäma.

Isaías 41:14

Tatitusti saraquiwa: “Israel, Jacobon marcapa, jisc'äscamsa, pisi ch'amäscaraquimsa, jan ajjsaramti, nayaw yanapascäma. Naya, Israelan Kollan Diosapa, nayaw khespiyirimätjja.

Jeremías 1:8

Jan qhitirus ajjsaramti, nayaw jumampi chict'atäscä jumar imañataqui. Naya Tatituw ucjja arsta” sasa.

Ezequiel 2:6

Jumasti, chacha, jan ajjsaramti jupanacaru, janiraqui ajjsaramsa cuntejj sapcätam uca arunacarusa, ch'aphinacan muyuntatjamas uñjaschïta ucasa, uqhamaraqui alacranes sat animalanac taypinjam jicjjatascchïta ucasa. Janipun ajjsaramti cuntejj sapcätam uca arunacatjja, janiraqui mayjt'asimsa jupanacan mayja uñnakapjjatapatsa, kawkha naya toke sayt'asiri jakenacäsipcpasa.

Mateo 10:28

Jan jumanacajj janchir jiwayirirojj ajjsarapjjamti, ucampis almarojj janiw jiwayapcaspati. Qhititï almampiru janchimpiru infiernojj t'unjcaspas ucaru ajjsarapjjam.

Marcos 4:22

Take cunatejj imantatäqui ucajj khanstapuniniwa, take jan yatitäqui ucasa yatisiraquiniwa.

Lucas 24:47

sutipanaracwa take marcanacarojj parlasini, Jerusalenat kalltasina, aqham sasa: ‘Jan wali jacäwinacamatjja arrepientisipjjam juchanacamajj perdonatäñapataqui’ sasa.

Lucas 8:17

Janiw cuna imantatas utjquiti, jan uñjatäñataquejja, uqhamarac ni cuna jamasanquiris, jan yatisirejj utjcaraquiti.

Hechos 1:8

Ucampis Kollan Ajayuw jumanacjjar jutani, ucatjja ch'am catokapjjäta. Jumanacasti nayat khanañchapjjetäta Jerusalén marcana, Judeana, Samariana, take aca orakpachana.

Hechos 4:13

Ucapachajj jilïrinacajj Pedrompir Juanampir wali ch'amampi parlir uñjasinjja muspharataw uñjasipjje, jan suma yatichata jakenacäpjjatap yatisina. Ucatsti amuyapjjaraquïnwa chekpachapuni Jesusamp chica sarnakerïpjjatapa.

Hechos 4:19

Pedrompi Juanampisti ucjjar arsusinjja sapjjänwa: —Amuyt'apjjam. ¿Waliquïspati Diosan nayrakatapanjja, Diosat sipan jumanacar nayrakat ist'añajja?

1 Corintios 4:5

Uqhamajj jumanacajj jan cunatsa mäqui juchañchapjjamti, jan ucasti suyt'apjjam Tatituru, jupaw take cunsa khanar apsuscani, cunatejj ch'amacan imantatäqui ucsa. Tatitojj take jakenacan amtatanacapsa khanaruw apsuni, ucatsti Diosajj sapakat maynirusa lurataparjamaraquiw uñjani.

1 Pedro 3:14

Ucampis cheka luratanacam laycutejj t'akhesipjjstajja, cusisiñanïpjjtawa. Jan qhitirus ajjsarapjjamti, ni sustjasipjjaraquimsa.