Mateo 1:16 - Qullan Arunaca

¹⁶ Jacobosti Josean awquipänwa, Joseasti Marian chachapa, uca Mariaw Jesusan taycapajja, qhititejj Cristo satäquis ucana.

Aymar Bibliia 1986

¹⁶ Jacobosti Josean awquipänwa, Joseasti Marian chachapa, uca Mariaw Jesusan taycapajja, qhititejj Cristo satäquis ucana.

Qullan Arunaka DC

¹⁶ Jacobux Josean awkipänwa, Joseasti Marian chachapänwa, uka Mariaw Jesusan taykapaxa, Cristo sapktan ukana.

Mateo 1:16 Jak'a apnaqawi uñst'ayäwi

Mateo 1:15

Eliudusti Eleazaran awquipänwa, Eleazarasti Matanan awquiparaqui, Matanasti Jacobon awquiparaqui.

Mateo 16:16

Ucapachaw Simón Pedrojj sï: —Jumajj Cristo Tatitütawa, jacquir Diosan Yokaparaquïtawa —sasa:

Mateo 16:20

Ucatwa Jesusajj jupanacarojj wal ewjjt'äna: Janiw nayan Cristötajj-jja khanañchapjjätati, sasa.

Mateo 2:13

Magonacan sarjjapjjatapatsti, Diosan mä angelapaw Josearojj samcan uñstäna, ucatsti sänwa: “Sartasim ucatsti wawampiru María taycapampiru irpjjarum Egipto marcar sarjjam; ucancaraquim cunapachcamatï nayajj siscäma ucürcama, Herodesasti wawarojj jiwayañataquiw thakani” sasa.

Mateo 27:17

Uqham tantacht'atäsquïpanwa jupanacarojj Pilatojj jisct'äna: —¿Cawquïrirus jumanacajj aca paninita antutañajja munapjjtajja, Barrabasaruti, jan ucajj Cristo satäcaraqui uca Jesusarucha? —sasa.

Mateo 27:22

Pilatosti jupanacarojj wasitata jisct'äna: —¿Cunarac lurästi Jesusampisti, qhititejj Cristo satäqui ucampejja? —sasa. Ucarojj takeniw mayac sapjjäna: —¡Ch'accatatäpan! —sasa.

Marcos 6:3

Acajj Marian carpintero yokapaquïchejjaya. Jilanacapasti Jacobo, José, Judas, Simón. Cullacanacapasti jiwasanacamp chicaraquiw jacasipcaraqui —sasa. Ucatwa jupanacajj Jesusar jan yäkapcänti.

Lucas 1:27

María sat mä virgen warmir uñjaniñataqui. Jupasti Joseampi casarasiñatac parlatänwa. Joseasti Davidan familiapat jutirïnwa.

Lucas 2:48

Awquipampi taycapampisti jupar uñjasajj wal muspharapjjäna, ucat taycapajj säna: —¡Ay wawa! ¿Cunatarac uqham lurapjjestasti? Awquimampi nayampejj wali llact'ataw thakasipjjsma —sasa.

Lucas 2:7

Ucat jupajj tayna yokall wawap wawachasïna, ucatsti wawa isinacamp q'irt'asaw mä uywa mank'añawjaru ict'ayäna, korpachasiñajj jupanacatac jan utjatap laycu.

Lucas 3:23

Jesusajj quimsa tunca maranjamänwa, lurañap kalltcäna ucqhajja. Amuyatatjja jupajj Josean yokapänwa. Joseasti Elí chachan yokapänwa,

Lucas 4:22

Takeniraquiw Jesusatjja: “Waliquiw” sapjjäna, muspharasipjjaraquïnwa jupan ucqha suma arunac jupanacar parlt'atapata. Ucatsti jisct'asipjjänwa: —¿Janit acajj Josean yokapäqui? —sasa.

Juan 4:25

Ucjjarusti warmejj saraquïnwa: —Nayajj yattwa Cristo sutini Mesiasan jutañapa; cunapachatejj jupajj jutcani ucqhawa take cun yatichistani —sasa.