Marcos 1:8 - Qullan Arunaca

⁸ Nayajj jumanacarojj umampiw bautisapjjsma, ucampis jupajj Kollan Ajayumpiw bautisapjjätam” sasa.

Aymar Bibliia 1986

⁸ Nayajj jumanacarojj umampiw bautisapjjsma, ucampis jupajj Kollan Ajayumpiw bautisapjjätam” sasa.

Qullan Arunaka DC

⁸ Nayax jumanakarux umampiw bautisapxsma, ukampis jupax Qullan Ajayumpiw bautisapxätam” sasa.

Marcos 1:8 Jak'a apnaqawi uñst'ayäwi

Proverbios 1:23

Nayan ewjja arunacajjaru ist'apjjeta, ucatsti nayaw yatiñanïña churapjjäma, yatichäwinacajjsa yatiyapjjaraquïma.

Isaías 32:15

Ucampisa Tatitun ch'amapajj wasitatwa ch'amapampi jiwasjjaru jutani, wasarasti suma yapuchasiñ orakeruw tucjjani, yapuchasiñ orakesti juc'ampi suma achuri yapuraquiw tucjjani.

Isaías 44:3

wasaran nayajj uma jalayä, waña orakensti jisc'a jawiranac jalayaraquï. Wawanacamarusti mä machak jacañ churä, bendicionajjsa jupanacjjarojj apayaniraquïwa.

Joel 2:28

“Take acanaca khepatsti, nayajj take jakenacjjaruwa ajayojj qhitanï; yokanacamasa, phuchanacamasa nayjjatwa parlapjjani, chuymani jakenacasti samcanacwa samcapjjani, waynanacasti unañchäwinacwa uñjapjjaraquini.

Mateo 3:11

Nayasti chekpachansa umampiw bautisapjjsma, jumanacar arrepientisir uñjasina, ucampis qhititejj nayat khepajja jutcani ucajj Kollan Ajayumpi, ninampiraquiw bautisapjjätam. Jupapï nayat sipan juc'ampi ch'amanejja, nayasti jupan wisqhup apañataquis janiw asquïcti.

Marcos 1:7

Jakenacarusti parlänwa: “Nayan khepajjata mayniw jutasqui, jupasti nayat juc'amp ch'amaniwa, nayasti janiraquiw asquïcti jupan wisqhu t'isnup jararañataquisa.

Marcos 1:9

Ucürunacanwa Jesusajj Galilea orakenquir Nazaret marcat mistüna, ucatsti Juanajj Jordán jawiran juparojj bautisäna.

Lucas 3:16

Juanasti takeruw saraqui: —Nayajj chekpachan umampiw bautisapjjsma, ucampis mayni jutqui ucajja Kollan Ajayumpi, ninampiraquiw bautisapjjätam. Jupajj nayat sipans juc'amp ch'amaniwa, nayasti janiraquiw asquïcti wisqhu t'isnup jararañataquisa.

Juan 1:26

Juanasti saraquïnwa: —Nayajj umampiw bautista, ucampis jumanac taypinjja mayniw utji, ucarusti janiw uñt'apctati.

Juan 1:33

Nayajj janïraw yatcäyätti qhitïtapsa; ucampis qhititejj umampi Bautisiri qhitanquitojja, ucajj aqhamwa situ: ‘Cunapachatejj Kollan Ajayuru mä chachjjaru sarakanquiri uñjätajja, uca chachapï Kollan Ajayumpi bautisirejja’ sasa.

Hechos 1:5

Chekpachansa Juanajj umampiw bautisänjja, ucatsipana jumanacajj mä kawkha urutjja Kollan Ajayumpiw bautisatäpjjäta —sasa.

Hechos 10:45

Pedrompi chic jutir judío iyawsirinacasti muspharataw uñjasipjjäna, jan judiöpquis uca jakenacjjar Kollan Ajayojj jutatapatjja.

Hechos 2:17

‘Khepa urunacansti nayaw Kollan Ajayojj take jakenacjjar qhitanï. Yokanacamasa phuchanacamasa jan uñjcañanac uñjapjjani. Chuyman jakenacasti samcanac samcasipjjaraquini.

Hechos 2:4

Jupanacasti sapa mayniw Kollan Ajayumpi phokt'atäpjjäna. Ucatsti yakha arunac parlaña kalltapjjäna, cunjämarutejj Kollan Ajayojj parlaycäna uqhamarjama.

1 Corintios 12:13

Take jiwasanacasti, judiosa, griegosa, esclavosa, libresa, Kollan Ajayun bautisasjjasinjja mä sapa cuerpoquiw tucjjtan; takenisa uca pachpa Ajayutaracwa catoktanjja.