Lucas 9:55 - Qullan Arunaca

⁵⁵ Ucatwa Jesusajj uñcatasin jupanacarojj toketatäna: [—Janiw jumanacajj amuyasipctati cuna casta ajayuncapjjatamsa.

Aymar Bibliia 1986

⁵⁵ Ucatwa Jesusajj uñcatasin jupanacarojj toketatäna: [—Janiw jumanacajj amuyasipctati cuna casta ajayuncapjjatamsa.

Qullan Arunaka DC

⁵⁵ Jesusasti jupanakar uñkatasin tuqitatäna.

Lucas 9:55 Jak'a apnaqawi uñst'ayäwi

2 Samuel 19:22

Ucampisa Davidajj saraquïnwa: —Sarvia jaken yokapa, acajj janiw jumanacan lurañanacamäquiti. ¿Cunatsa jumanacajj naya contra amtapjjta? Jichhajj nayajj Israel marcan reyipätwa, janiraquiw qhitis Israel marcanjja jichhürojj jiwcaniti —sasa.

Job 2:10

Job chachasti saraquïnwa: —¡Warmi, jan uqhama cuna jan walinacsa parlamti! ¿Jiwasatejj Diosatjja asquinac catokstan ucapachasti janit jan walt'añanacjja Diosat catokcaracsna? —sasa. Uqhamäcasinsa Job chachajja janiw cuna juchanacsa lurcänti, janiraquiw lacapampis cuna jan walinacsa arscaraquïnti.

Job 26:4

¿Qhitin yanapapampisa jumajj uca arunaca arstajja? ¿Qhitiraqui uqham parlañataqui amuyt'aytamsti?

Job 42:6

Ucatpï jichhajj chuymas usuta parlatanacajjatsa jumat jayana pisayastjja, lak'a khellaru kont'ata.”

Proverbios 9:8

Jan ist'asiri ñankha jakeru chekacham, jupasti jumarojj uñisïtamwa, ucampis amuyt'asiri jakeru chekacham, jupasti jumarojj munasïtamwa.

Jeremías 17:9

“Jaken chuymapjama ñankha, c'arintirejj janiw utjquiti. ¿Qhitisa jaken chuymapjja sum uñjaspa?

Mateo 16:23

Jesusasti cutiquipstasinwa juparojj sï: —¡Nayat saraket, Supaya! Nayarojj pantjasiyirjamätawa. Jumajj janiw Diosjam amuyctati, jan ucasti jakenacjamaquiw amuytajja —sasa.

Mateo 26:33

Ucapachaw Pedrojj Jesusarojj aqham säna: —Takpachanis jupanacajj jumarojj jaytanucupcätam ucasa, nayajj janipuniw jaytanuccämati cunäquipansa —sasa.

Mateo 26:41

Jichhajj jan iquipjjamti, jan ucasti Diosatjja mayisipjjamaya, jan yant'äwir puriñataqui. Chekpachansa ajayojj lurañatakejj janc'aquiwa, ucampis janchejj t'uqhawa.

Mateo 26:51

Ucapachaw Jesusampïcän ucat maynïrejja espadap apsusinjja mayni jilïr sacerdoten uywatapan jinchup jisctasin thokokayäna.

Lucas 9:54

Santiagompi Juanampejj uc uñjasinjja, sapjjänwa: —Tata, ¿muntati nanacan alajjpachat nina sarakayaniñajj-jja, ucat jupanacar naqhantañapjja, [cunjämtejj Elías profetajj lurcän uqhama]? —sasa.

Lucas 9:56

Jaken Yokapasti janiw jakenacan jacañap t'unjiri jutquiti, jan ucasti khespiyiriw juti —sasa.] Ucatsti yakha jisc'a marcaruw sarjjapjjäna.

Juan 16:9

Juchanïpjjewa nayar jan iyawsapjjatap laycu.

Santiago 3:10

Pachpa lacatwa mistu Diosar yupaychañasa, jaker ñankhachañasa. Jilatanaca, janiw uqhamäñapajj waquisquiti.

1 Pedro 3:9

Jan ñankhat ñankhjja cutt'ayapjjamti, ni jan wali arut jan wali arsa cutt'ayapjjaraquimti. Jan ucasti asqui arumpi cutt'ayapjjam, Diosasti bendición catokapjjañamataquiw jumanacarojj jawsapjjtam.

Apocalipsis 3:19

Qhitinacarutejj nayajj muncta, ucanacarojj tokenoktwa, chekacharactwa. Ucatpï jumajj take chuymäñamajja, arrepientisiñamaraquejja.