Lucas 9:51 - Qullan Arunaca

⁵¹ Cunapachatï Jesusan alajjpachar maqhatjjañapajj jac'ancjjäna ucqhajja, Jerusalenarojj jan ajjsarasaw sarjjäna.

Aymar Bibliia 1986

⁵¹ Cunapachatï Jesusan alajjpachar maqhatjjañapajj jac'ancjjäna ucqhajja, Jerusalenarojj jan ajjsarasaw sarjjäna.

Qullan Arunaka DC

⁵¹ Kunapachatix Jesusan alaxpachar makhatxañapax jak'ankxän ukkhasti, jupax jan axsarasaw Jerusalén markarux saräna.

Lucas 9:51 Jak'a apnaqawi uñst'ayäwi

2 Reyes 2:11

Jupanacajj parlasisa sarasipcäna ucqhasti, acatjamatwa mä nina naqhasquiri carrojj uñstanïna nina caballonacani, ucatsti jaljtayänwa, Eliasasti alajjpacharuw maqhatjjäna mä thaya tutucanjama.

Marcos 16:19

Jupanacar parlatap khepatjja, Tatit Jesusajj alajjpachar aptatäjjänwa. Jupasti Diosan cupëjjaparuw kont'asjje.

Lucas 12:50

Mä bautismo toke yant'atäñajjaw waquisini, ucatsti ¡cunjämsa t'akhesëjja phokhasiñapcamajja!

Lucas 13:22

Jesusasti Jerusalenaruw sarjjäna. Sarcasinsti jach'a marcanacana, uqhamaraqui jisc'a marcanacan yatichawayäna.

Lucas 17:11

Jesusajj Jerusalenar sarcasaw Samaria, uqhamarac Galilea cheka pasawayäna.

Lucas 18:31

Jesusajj discipulonacaparojj yakhawjaru jawsasinwa saraqui: —Jichhajj Jerusalenar sarañäni, ucanwa phokhasini cuntejj profetanacajj kellkapjjäna Jaken Yokap toketa ucanacajja.

Lucas 19:11

Jakenacasti aca arunac ist'quipanwa, Jesusajj mä amuyt'äwit parläna. Niya Jerusalén marcaruw jac'achascäna, jupanacasti amuyasipjjaraquïnwa Diosan reinopajj ucspacha puriniñapa.

Lucas 19:28

Ucat take acanac sasinjja Jesusajj Jerusalenaruw sarjjäna.

Lucas 24:51

Ucatsti bendiscasinwa jupanacatjja jithektawayjje, alajjpacharu aptatäjjänwa.

Lucas 9:57

Jupanac thac sarquipanwa, mä jakejj Jesusar säna: —Tata, arcañ munsma cawquicamasa —sasa.

Juan 13:1

Mä uruquejjänwa Pascua fiestataquejja. Jesusajj yatïnwa aca orake jaytjjañapa, uqhamarac Awquipan ucaru sarjjañap horasas purinitapa. Aca orakencqui uca jupanquirinacarojj munasipunïnwa. Uca jach'a munasiñapsti khepacamaraquiw uñacht'ayäna.

Juan 16:28

Nayajj Awquejjan ucatwa acapachar jutta; jichhasti acapachjja jaytawayjjtwa, wasitatwa Awquejjan ucaru cutt'jjaracta.

Juan 16:5

Jichhajj sarjjäwa qhititejj qhitanquitu ucan ucaru; jumanacatjj janiw maynis jisct'apquistati: ‘¿Cawquïrus saräta?’ sasa.

Juan 17:11

“Nayajj janiw acapachancjjäti, ucampis jupanacajj acapacharuw kheparapjje, nayasti jutjjtwa jumampïñataqui. Kollan Awquejja, cawquïrinactejj churquista ucanacarojj ch'amamampiy imam jupanacajj mayaquïpjjañapataqui, cunjämatejj jumampi nayampejj mayaquïctanjja uqhama.

Juan 6:62

Uqhamasti ¿cunas pasaspa Jaken Yokaparu cawquinccäntejj ucaru maqhatquiri uñjapjjasma ucajja?

Hechos 1:2

cunürutï alajjpachar catokatäjjänjja ucürcama, take ucanacjjata. Jesusajj janïra alajjpachar maqhatcasinjja, apostolonacaparuw ajllisïna. Ucatsti Kollan Ajayu tokeraquiw ewjjawayäna cuntejj lurapjjañapäcäna ucjjata.

Hechos 1:9

Ucanac arsuwayatatjja, Jesusajj apostolonacapan uñjcataw alajjpachar aptatäjjäna. Ucatsti mä kenayaw Jesusarojj muyuntasa jupanacan nayranacapatjj chhaktayawayjjäna.

Efesios 1:20

cunapachatejj jiwatanac taypit Cristoru jactayqui ucawa, ucatsti alajjpachanjja jupan cupëjjaparuw kont'ayasi,

Filipenses 3:14

cawqharutejj puriñasäqui, ucar puriñataqui, alajjpachan chürawi catokañataqui, cunataquitejj Diosajj Cristo Jesús tokejj jawsquistu uc catokañataqui.

1 Timoteo 3:16

Janiw Diosar arcäwisana imantatäqui ucatjja payachasiñajj utjquiti, ucasti wali jach'awa: Diosajj jaker tucusaw uñstawayi; jupajj Ajayunsa asquit khanañchataraquiwa, angelanacansa uñjataraquiwa. Marcanacarojj yatiyatawa, aca orakpachanjja iyawsataraqui, alajjpachansa catokataraqui.

Hebreos 12:2

Jesusaruy uñtañäni, jupatwa iyawsañasajj juti, juparaquiw uca iyawsañasjja phokhachani. Jesusasti crusanwa t'akhesi, jan uca casta jiwañaru p'enkasisa. Jupajj yatisïnwa uca t'akhesitapatjja khepürunjja cusisiñ jicjjatañapata; ucatsti Diosan tronopan cupëjjaparuw kont'asi.

Hebreos 6:20

cawquirutejj Jesusajj jiwas laycu mantcäna, jiwasatac thac jist'arañataqui. Uqhamanwa Jesusajj wiñayatac mä jilïr sacerdote tucuwayi Melquisedec castata.

1 Pedro 3:22

jupasti alajjpacharuw maqhatjje ucatsti Diosan cupëjjaparuw kont'asjje, uqhamarac jichhajj angelanacasa, munañaninacasa, ch'amasa jupar catuyatawa.