Lucas 9:39 - Qullan Arunaca

³⁹ Juparusti mä ñankha ajayuw catunti ucaw acatjamat warariyi, uqhamaraquiw wal thalayi, lacapatsti jopokow juti. T'akhesiyiwa ucatjja janiraquiw antutañ munquiti.

Aymar Bibliia 1986

³⁹ Juparusti mä ñankha ajayuw catunti ucaw acatjamat warariyi, uqhamaraquiw wal thalayi, lacapatsti jopokow juti. T'akhesiyiwa ucatjja janiraquiw antutañ munquiti.

Qullan Arunaka DC

³⁹ juparusti mä ñanqha ajayuw katunti ukaw akatjamat warariyi, wal thalayi, lakapatsti jupuq jutayi. Walpun t'aqhisiyi, janirakiw antutañ munkiti.

Lucas 9:39 Jak'a apnaqawi uñst'ayäwi

Marcos 9:18

Cawqhansa uca ajayojj juparojj thalayaquiwa, lacapatjja jopokow juti, laca ch'aqhapsti t'urusiraquiwa, jupasti wali tucusitäjjewa. Discipulonacamaruw c'umaraptayañapatac achict'asta, jupanacasti ñankha ajayuru alissuñataquejj janiw ch'amanïpquiti —sasa.

Marcos 9:20

Jupanacasti irptanipjjänwa. Ñankha ajayusti Jesusar uñjasinjja, uca waynarojj thalayänwa. Jupasti orakeru liwnoktasinwa sunt'isïna, lacapatsti jopokow jutaraquïna.

Marcos 9:26

Ucatsti ajayojj warart'asisaw ch'amamp thalayasinarac mistuwayjjäna. Uca waynarusti jiwatjamwa jakonucuwayi. Waljaniraquiw: “Jiwatawa” sapjjäna.

Lucas 4:35

Jesusasti ñankha ajayurojj aqham sasaw tokenokäna: —¡Amuct'am, aca jaketsti mistum! —sasa. Ucapachaw ñankha ajayojj uca jake jupanac nayrakataru jaktasin mistuwayjje, jan cun usuchasa.

Lucas 8:29

Acsti sänwa Jesusajj uca ñankha ajayuru jupat mistjjañapatac arsutap laycu. Walja cutiraquiw uca ñankha ajayojj catuntatayna. Jakenacasti cadenanacampiw amparanacapa, uqhamarac cayunacapsa wal ñach'antapjjäna, ucampis jupajj ucjja t'akjaquïnwa. Uca ñankha ajayusti juparojj wasar chekanacaruw jaltayirïna.

Lucas 9:38

Ucat jakenac taypit mä chachajj jach'at jupar art'i: —Yatichiri, janiy uqhamämti, wawajjaruy uñjjatt'arapita, jupa sapaquiw wawajjajja.

Lucas 9:40

Discipulonacamarojj achict'asiractwa uca ñankha ajay alissupjjañapataqui, ucampis jupanacajj janiw ch'amanïpquiti —sasa.

Juan 8:44

Jumanacan awquimajj Supayawa, jumanacajj Supayancapjjtawa. Cuntejj jupajj munqui ucwa lurapjjaractajja. Supayajj kalltatpacha jake jiwayiriwa. Janiw cunapachas jupajj chek parlquiti, jupajj c'arïtap laycu. Cunapachatejj c'arinac parlqui ucqhajja jupatacwa parlasqui, c'arïtap laycu, uqhamarac c'arin awquipätap laycuraqui.

1 Pedro 5:8

Wali amuyt'asirïpjjam, janc'aquïpjjaraquim, jumanacar uñisir Supayasti mä leonar uñtataw warart'asisa sarnakasqui qhitiru mank'antañataquisa.

Apocalipsis 9:11

Uca t'ijut'ijunacasti mä jilïrinïnwa, uca jilïripasti uca ch'amac mankhat mistuniri angelänwa. Aca angelasti hebreo arunjja Abadón satänwa, griego arunsti Apolión sataraqui, ucajj t'unjiri, sañ muni.