Lucas 8:24 - Qullan Arunaca

²⁴ Ucat Jesusarojj sartayapjjäna: —¡Yatichiri! ¡Yatichiri! ¡botew jalantirjama! —sasa. Jesusasti sartasinjja mathapinacampiru, thayampirojja tokenokänwa, ucatsti t'acurawayjjaraquïnwa.

Aymar Bibliia 1986

²⁴ Ucat Jesusarojj sartayapjjäna: —¡Yatichiri! ¡Yatichiri! ¡botew jalantirjama! —sasa. Jesusasti sartasinjja mathapinacampiru, thayampirojja tokenokänwa, ucatsti t'acurawayjjaraquïnwa.

Qullan Arunaka DC

²⁴ Ukat Jesusarux sartayapxäna: —¡Yatichiri! ¡Yatichiri! ¡Botew jalantirjama! —sasa. Jesusasti sartasin mathapinakampiru, thayampiruw tuqinuqäna, ukatsti t'akurawayxänwa.

Lucas 8:24 Jak'a apnaqawi uñst'ayäwi

Salmos 65:7

Jumaw lamar kot mathapinacarojj t'acuraytajja, jumaw marcanacan ch'ajjwatap amuct'aytajja.

Isaías 50:2

¿Cunatsa nayajj jutcta ucapachajj jan qhitirus jicjjatctjja? ¿Cunatsa jawsatajjarojj jan qhitis jaysquitojja? ¿Janit jumanacasti nayan khespiyañajjsti iyawsapcta? ¿Janit amuyctasti nayajj ch'amanïtajja jumanacar khespiyañataquejja? Nayataquejj janiw cunäquis mä aru arsuñajja, uqhamat kotar wañt'ayañataqui, uqhamaraqui jawiranacasa ch'usa wasarar tucupjjañapataqui, uqhamat chawllanacajj umatjam jiwarapjjañapataqui, umatjamasa ñusantapjjañapataquiraqui.

Jeremías 5:22

Naya Tatituw sista: ¿Janit jumanacajj nayaru ajjsarapquista? ¿Janit naya nayrakatan qhathatipcta? Nayaw kota thiyjja uscta jach'a kotataquejj korpäcaspas uqhama, uca korpsti janiw jach'a kotajj pasancaspati. Mathapinacapas inamayaquiw ucan sartasqui, khothutisipquiwa, ucampis janiw pasanipcaspati.

Nahúm 1:4

Jach'a kotarusti runcantasinjja, wañt'ayaraquiwa; take jawiranacsa wañt'ayaraquiwa. Basán tokenquir orakenacasti, uqhamarac Carmelo kollusa wañsuwayjjaraquiwa, Libanonquir pankaras pharsuwayjjaraquiwa.

Mateo 14:30

Uqham sarcasinsti amuythapisïnwa thayajj wal thayt'asincatapa, ajjsarañatsti jupa pachpaw umarojj chhakaränttascäna, ucatwa art'asïna: —¡Tata, waysuta! —sasa.

Mateo 8:25

Ucapachawa discipulonacapajj juparu sartayapjjäna, sapjjaraquïnwa: —¡Tata, khespiyapjjeta, jiwarañäniwa, botejj umaruw utjanti! —sasa.

Marcos 4:39

Jesusasti sartasinjja thayarojj tokenokänwa. Kotarusti saraquïnwa: —¡Amuct'am! ¡T'acuraraquim! —sasa. Thayasti t'acurjjänwa, mathapinacasti chhaktawayjjaraquïnwa.

Lucas 4:35

Jesusasti ñankha ajayurojj aqham sasaw tokenokäna: —¡Amuct'am, aca jaketsti mistum! —sasa. Ucapachaw ñankha ajayojj uca jake jupanac nayrakataru jaktasin mistuwayjje, jan cun usuchasa.

Lucas 4:39

Jesusasti jupa toker alt'asinwa uca usuparojj tokenoke, ucatsti ucspachaw calenturapajj sarakjjäna. Ucapacharaquiw jupajj sayt'asi, ucat jupanacarojj sirviñ kalltäna.

Lucas 5:5

Simonasti ucjjaruw Jesusar säna: —Yatichiri, arum pakariw irnakapjjta ‘chawlla catsuñäni’ sasa, ucatsti janiraquiw cuns catupcti. Ucampis juman arsutamaruw kän jakontä —sasa.

Lucas 8:25

Ucatsti discipulonacaparojj saraquiwa: —¿Cawquinquis iyawsañanacamajja? —sasa. Jupanacasti sustjataw muspharasipjje, ucatsti maynit maynicamaw jisct'asipjjäna: —¿Qhitiraquïpach aca jakesti, thayas, umas tokenokatajj juparojj jaysaquiraquisä? —sasa.