Lucas 8:22 - Qullan Arunaca

²² Mä uruw Jesusajj discipulonacapampi boteru mantäna, ucat saraquïna: —Kota qhurcataru maqhatañäni —sasa. Ucat sarjjapjjäna.

Aymar Bibliia 1986

²² Mä uruw Jesusajj discipulonacapampi boteru mantäna, ucat saraquïna: —Kota qhurcataru maqhatañäni —sasa. Ucat sarjjapjjäna.

Qullan Arunaka DC

²² Mä urux, Jesusax yatiqirinakapampiw mä boter mantäna, ukat sarakïna: —Quta khurkatar makhatañäni —sasa. Ukat botet sarapxäna,

Lucas 8:22 Jak'a apnaqawi uñst'ayäwi

Mateo 14:22

Ucjjarusti Jesusajj discipulonacaparojj: Boteru mantapjjam, sänwa. Munaraquïnwa jupanacajj jupat nayra qhurcataru puriñapa, ucchañcamasti Jesusajj uca walja jakenacaruw qhitanucuscäna.

Mateo 8:18

Walja jakenaca uñjasinjja Jesusajj discipulonacaparojj aqham sänwa: Kota qhurcatar maqhatapjjam, sasa.

Marcos 5:21

Cunapachatï Jesusajj boteta kota qhurcataru cutcatjjän ucqhajja, walja jakenacaw jupan ucarojj purinipjjäna. Jesusasti kota thiyaruw kheparjjäna.

Marcos 6:45

Ucjjarusti Jesusajj discipulonacaparuw qhitanucüna botet maqhatapcañapataqui Betsaida marcaru. Ucchañcamasti jupajj jakenacaruw qhitanucjjaraquïna.

Marcos 8:13

Ucatsti jupanacar jaytjawayasinjja boter mantasinwa, kota qhurcataru sarjjäna.

Lucas 5:1

Mä cutejj Jesusajj Genesaret kota thiyancascänwa; ucarusti walipuniw jakejj tantthaptanïna wali ñekjjasiñcama Diosan arunacap ist'añataqui.

Lucas 8:23

Uqham sarapquipanwa Jesusajj ict'jjäna. Ucatsti kotanjja mä jach'a thayaw jupanacarojj wal sustjantäna; thayasti umampiw boterojj phokhanti, botesti jalantañampiraquïnwa.

Lucas 8:33

Ucapachaw ñankha ajayunacajj jaketjja mistjjapjjäna, ucat qhuchinacaruw mantapjjäna, ucat uca qhuchinacajj mä karka patat chhuct'asin kotar jalantapjjäna, ucanwa jiwarapjje umamp ajjscatasa.

Juan 6:1

Uca pasatatsti Jesusajj sarawayjjänwa Galilea kotat mayscataru, uca kotasti Tiberias sataraquiwa.

Hechos 27:2

Adramitio sat puertonjja mä barcow utjäna. Uca barcosti Asia tokenacar niya mistuñataquïscänwa. Uca barcor mantasinwa, sarawayjjapjjta, Aristarcomp cuna. Uca Aristarcosti Macedonia tokenquir Tesalónica marcanquirïnwa.