Lucas 7:6 - Qullan Arunaca

⁶ Ucatwa Jesusajj jupanacamp saräna. Niya utar jac'achquïpanwa capitanajj mä kawkhan amigonacap qhitsunïna Jesusar aqham siri: —Tata, jan mayjt'asimti, janiw nayajj asquïcti utajjar mantañamataquejja.

Aymar Bibliia 1986

⁶ Ucatwa Jesusajj jupanacamp saräna. Niya utar jac'achquïpanwa capitanajj mä kawkhan amigonacap qhitsunïna Jesusar aqham siri: —Tata, jan mayjt'asimti, janiw nayajj asquïcti utajjar mantañamataquejja.

Qullan Arunaka DC

⁶ Jesusasti jupanakampiw saräna, niya utar jak'achkipan capitanax mä qawqha masinakap khitsunïna Jesusar akham siri: “Tatay, jan mayjt'asimti, janiw nayax askïkti utaxar mantañamatakixa;

Lucas 7:6 Jak'a apnaqawi uñst'ayäwi

Génesis 32:10

Janiw cuna asquïctsa juman nayar qhuyapayasiñamampi, uqhamarac cheka cancañamampi uñjatäñataquejja. Nayajj aca Jordán jawira pasayäta, thujru ayt'ata mayaqui, jichhasti pä tama yänacaniw jicjjatasta.

Proverbios 29:23

Jach'a jach'a tucuñajj jakerojj jisc'aruw tucuyi, ucampis jisc'aru tucuñawa jach'ar aptatäñjja utjayi.

Mateo 20:28

Jaken Yokapajj janiw sirviyasiñatac jutquiti jan ucasti sirviriw juti, uqhamarac jacañap churiri walja jakenacar khespiyañataqui —sasa.

Mateo 3:11

Nayasti chekpachansa umampiw bautisapjjsma, jumanacar arrepientisir uñjasina, ucampis qhititejj nayat khepajja jutcani ucajj Kollan Ajayumpi, ninampiraquiw bautisapjjätam. Jupapï nayat sipan juc'ampi ch'amanejja, nayasti jupan wisqhup apañataquis janiw asquïcti.

Marcos 5:24

Jesusasti iyawsasaw jupamp chic saräna. Walja jakenacaraquiw arcasinjja Jesusar ñekjapjjäna.

Lucas 5:8

Uc uñjasinjja Simón Pedrojj Jesusan nayrakatapar quillt'asisinwa saraqui: —Saraket, Tata. Nayajj juchararätwa —sasa.

Lucas 7:4

Jupanacasti Jesusar jac'achasisinjja wal achict'apjjäna: —Aca capitanaru yanapt'añamajj waquisiwa;

Lucas 7:5

jupajj marcasar muniriwa, jupa quicparaquiw jiwasan sinagogasa lurayaraqui —sasa.

Lucas 7:7

Ucatwa jan naya quicpasa jumar jicjjatiri jutañarojj uchascti. Arsu mayac arsum, uywatajjasti c'umaräjjaniwa.

Lucas 8:49

Jesusajj parlascaquïnwa; uqhamaruw maynejj sinagogan jilïripa Jairon utapata purini, ucatsti Jairorojj saraquïnwa: —Phuchamajj jiwjjewa; jan juc'amp Yatichirirojj parljjaycjjamti —sasa.

Hechos 10:38

Yatipjjaractawa cunjämtejj Diosajj Nazaretanquir Jesusar Kollan Ajaysa, uqhamarac ch'amsa churcäna ucjja. Uqhamaraquiw yatipjjtajja cunjämtï jupajj sarnakcäna, asquinac lurasa, usutanacar c'umarachasa, uqhamarac supayan munañapan t'akhesiyatäcän ucanac c'umarachasaraqui. Tatit Jesusajj Diosampïtap laycuw take ucanacjja luräna.

Santiago 4:10

Dios nayrakatan jisc'ar tucupjjam, jupasti jach'aruw aptapjjätam.

Santiago 4:6

Ucampis Diosajj qhuyapayasiñapampiw yanapistu, Kellkatasti saraquiwa: “Diosajj jach'a jach'a tucuri jakenacarojj janiw yanapquiti, ucampis munasiñapanjja llamp'u chuymaninacaruw yanapi” sasa.