Lucas 6:35 - Qullan Arunaca

³⁵ Ucampis jumanacajj uñisirinacamarojj munapjjañanacamawa, asqui lurapjjañamaraquiwa, uqhamarac mayt'apjjañamaw jan cuns catokañampi. Uqhamatwa jumanacan catokañanacamajj jach'äni, jumanacasti Alajjpach Dios Awquin wawanacapäpjjätawa. Diosajj qhuyapayasiriraquiw, jupar jan yuspagaririnacatsa, juchararanacatsa.

Aymar Bibliia 1986

³⁵ Ucampis jumanacajj uñisirinacamarojj munapjjañanacamawa, asqui lurapjjañamaraquiwa, uqhamarac mayt'apjjañamaw jan cuns catokañampi. Uqhamatwa jumanacan catokañanacamajj jach'äni, jumanacasti Alajjpach Dios Awquin wawanacapäpjjätawa. Diosajj qhuyapayasiriraquiw, jupar jan yuspagaririnacatsa, juchararanacatsa.

Qullan Arunaka DC

³⁵ Ukampis jumanakax uñisirinakamar munapxañamawa, aski lurapxañamaraki, jan kun katuqañ suyasak mayt'apxam. Ukhamat jumanakan katuqañamax jach'äni, jumanakasti Alaxpach Dios Awkin wawanakapäpxätawa. Diosax jupar jan yuspagaririnakatsa, juchararanakatsa khuyapt'ayasiwa.

Lucas 6:35 Jak'a apnaqawi uñst'ayäwi

Salmos 112:5

Asqui jakejj qhuyapayasiñ chuymamp mayt'iriwa, chekap chuymampiw yänacap apnake.

Salmos 145:9

Tatitojj takenir munasiriwa, takpach luratanacaparojj munasiñampiw uñji.

Salmos 37:26

Asqui jakejj sapüruw qhuyapayasi, mayt'araqui, allchhinacapasti asqui catokäwïcaspas uqhamawa.

Salmos 58:11

Ucapachaw aqham sapjjani: “Asqui jakejj waliruquis purisquejjä, Diosajj chekapar uñjirïscapunisä” sasa.

Proverbios 19:17

Mä pobre jaker mayt'irejj Tatituruw mayt'asqui, ucatsti Tatit pachpawa uca manjja phokjjani.

Proverbios 22:9

Qhititejj mayninacaru qhuyapayasiñamp uñji ucajj bendicitawa, jupan t'ant'a pobrenacaru churatap laycu.

Mateo 5:9

“Cusisiñanïpjjew sumancayirinacajj, jupanacaraquiw Diosan wawanacapa satäpjjani.

Marcos 5:7

Ucatsti, jach'at juparojj art'äna: —¡Jesús, Alajjpachanquir Diosan Yokapa! ¿Cuna lurañamas nayamp utji? Diosan sutiparuw achict'assma, janiquiy t'akhesiyistati —sasa.

Lucas 1:32

Jupasti jach'äniwa, uqhamarac: ‘Alajjpach Diosan Wawapaw’ sataraquïniwa. Ucatsti Dios Tatituw juparojj reyit utt'ayani nayra Davidarjama,

Lucas 6:36

Jumanacasti qhuyapayasirïpjjamaya, cunjämtï Awquimajj qhuyapayasirïqui uqhama.

Juan 13:35

Jumanacatejj maynit maynicama munasipjjätajja, takeniw amuyapjjani nayan discipulonacajjäpjjatama —sasa.

Juan 15:8

Awquejjajj jach'achatawa cunapachatejj jumanacajj walja achupcta ucqhajja, uqhamatwa uñacht'ayapjjaracta nayan chekpach discipulonacajjätanacama.

Hechos 14:17

Ucampis Diosajj jupanacarojj yatiyänwa jupan jacatapa, jakenacar asqui luratap toke. Jupajjay jallsa, suma cosechanacsa churchistojja, uqhamarac walja mank'añanacsa jiwasanacan cusisiñasataqui —sasa.

2 Corintios 8:9

Jumanacasti Tatit Jesucriston munasiñapjja niya yatjjapjjtawa. Jupajj wali kamirïnwa, ucampis jan cunaniw tucuwayi jumanacar munasina, uqhamata jumanacajj uqham tucutapampi kamirquipstapjjañamataqui.

2 Timoteo 3:2

Jakenacajj mich'aw tucupjjani, kollke chuymaraqui, jach'a jach'aw tucupjjani, jilamp parlirinacaraqui. Diosat jan wali parlapjjani, awquinacaparus janiw ist'cjjapjjaniti, jan yäkasirïnacäpjjaniwa, Diosar arcañarus janiraquiw jayscjjapjjaniti.