Lucas 6:30 - Qullan Arunaca

³⁰ Churam qhititejj mayctam ucarojja; qhititejj jumanquir apakstam ucarojj jan camsamsa.

Aymar Bibliia 1986

³⁰ Churam qhititejj mayctam ucarojja; qhititejj jumanquir apakstam ucarojj jan camsamsa.

Qullan Arunaka DC

³⁰ Khitis jumat kunsa maykätam ukarux churam; khitis jumat kunsa aparätamxa, jan kutt'ayxit samti.

Lucas 6:30 Jak'a apnaqawi uñst'ayäwi

Salmos 112:9

Jan cunan jakenacaruw churäwinac wajjt'i, jaker qhuyapt'ayañapajj jan tucusquiriwa, jan qhitin camscañaw p'ekep waytaraqui.

Salmos 41:1

Jan cunan jakempiru, pisi ch'aman jakempir uñjirejj cusisiñan jakewa, Tatituw jan walt'añ urunacan juparojj khespiyani.

Proverbios 19:17

Mä pobre jaker mayt'irejj Tatituruw mayt'asqui, ucatsti Tatit pachpawa uca manjja phokjjani.

Proverbios 21:26

uru jornälpachawa take cuns munapayasqui, ucampis asqui jakejja, jan mich'asisawa churi.

Proverbios 22:9

Qhititejj mayninacaru qhuyapayasiñamp uñji ucajj bendicitawa, jupan t'ant'a pobrenacaru churatap laycu.

Eclesiastés 11:2

Cawqhacamatejj utjctam uqhacama, utjirinacam mayninacampi jaljasim, cuna jan walitejj marcar jutcani uc jan yatitam laycu.

Eclesiastés 8:16

Aca orakena take cunatejj lurasqui ucanaca yatekañaru, yatiñaru, uñjañaru uchasta ucqhajja juc'ampiwa amuyasta, jakejj janiw amuyt'caspati Diosajj lurqui ucatjja, aca oraken cunanacatejj lurasqui ucatsa, maynejja uruy arumasa jan icthapisa thakascpan. Jakejj wali ch'amanacsa tucchini ucasa, janiw yatjjatcaspati; yatiñan jakejj “Yattwa” sischinisa, chekpachansa janiw jicjjatañataqui ch'amanïcänti.

Mateo 18:35

Jesusasti aqham sänwa: Uqhamaraquiw alajjpachanquir Awquejjajj jumanacampejj luraraquini, janitejj take chuyma perdonapcät ucajja” sasa.

Mateo 5:39

Ucampis nayajj sapjjsmawa: Jan jumanacajj jan wali jakerojj cutcatapjjamti, jan ucasti maynitejj maysa ajanut t'ajjllintätamjja, maysa ajanumppacha uñacht'ayaraquim.

Mateo 6:12

Juchanacajjatjja pampachapjjeta, cunjämatejj nanacajj jan wali lurapquitus ucanacarojj perdonapjjta uqhama.

Lucas 11:41

Jumanacajj chuymanacamatay limosnanacamjj churapjjamjja, uqhamanwa takpachajj k'omäjjanejja.

Lucas 12:33

Cunatejj utjapctam ucjja aljapjjam, ucatsti qhititejj jan cunanïpqui ucanacar churjjapjjam; uqhamat jan merk'esir bolsanac lurasipjjäta, alajjpachansti jan tucusquir yänacaraqui imasipjjäta, ucansti lunthatas janiw apscaniti janiw qharus qharuntcaraquiniti.

Lucas 18:22

Jesusajj uc ist'asinjja sänwa: —Ucampis maya jan phokctati; aljaram take cunatejj utjctam ucanaca, ucatsti pobrenacar churam, ucapachaw kamir cancañamajj alajjpachan utjätam, ucatsti jutam, nayar arquita —sasa.

Lucas 6:29

Maynitejj maysäjj ajanumat nuwantstamjja, maysäjjamppachat nuwayasim; maynitejj sacom ekarstamjja, camisamamppach ekjjaruyjjam.

Lucas 6:31

Cunjämtejj jumanacajj mayninacampejj lurayasiñ munapctajja, uqhamarac jumanacajj jupanacarojj lurapjjam.

Lucas 6:38

Yakhanacarojj churapjjam, jumanacarusti Diosaw churapjjätam. Diosasti bolsanacamarojj wali phokt'at churapjjätam, suma thalantt'ata, limintt'ataraqui. Cunjämtï yakhanacarojj lurapcäta uca pachparacwa Diosajj jumanacampejj luraraquini.”

Hechos 20:35

Uca quicparacwa jumanacarus yatichawayapjjsma: Waquisipuniw uqham irnakañajja, uqhamat jan utjirininacarus yanapt'añataqui, cuntï Tatit Jesusajj sawayqui uca arunacat amtasisa: ‘Catokerit sipansa juc'amp cusisiñaniw qhititï churqui ucajja’ ” sasa.

2 Corintios 8:9

Jumanacasti Tatit Jesucriston munasiñapjja niya yatjjapjjtawa. Jupajj wali kamirïnwa, ucampis jan cunaniw tucuwayi jumanacar munasina, uqhamata jumanacajj uqham tucutapampi kamirquipstapjjañamataqui.

Efesios 4:28

Qhititejj lunthatasirïcän ucajja jan juc'amp lunthatascjjpanti, jan ucasti irnakañaru uscuspan, sum irnakasinwa pobrenacar yanapt'añataquis utjaraquini.