Lucas 4:6 - Qullan Arunaca

⁶ Saraquïnwa: —Nayajj take acapach marcanacan munañanïñ churäma, ucanacan jach'a cancañapampi; take acanacasti nayar catuyatawa, qhitirutejj nayajj churañ muncta ucarojj churactwa.

Aymar Bibliia 1986

⁶ Saraquïnwa: —Nayajj take acapach marcanacan munañanïñ churäma, ucanacan jach'a cancañapampi; take acanacasti nayar catuyatawa, qhitirutejj nayajj churañ muncta ucarojj churactwa.

Qullan Arunaka DC

⁶ sarakïnwa: —Nayax taqi akapach markanakan munañanïñapampi, jach'a kankañapamp churäma. Taqi akanaksti nayaw katuqta, khitirutix nayax churañ munkta ukaruw churarakï.

Lucas 4:6 Jak'a apnaqawi uñst'ayäwi

Ester (hebreo) 5:11

Ucat jupanacampisti parlänwa kamir cancañapata, walja wawanacanïtapata, uqhamarac cunjämtejj reyejj juparu mayni jilïrinacata, yanapirinacat sipansa jach'a lurañanacaru uchqui ucata.

Isaías 23:9

Take ch'amani Tatituw uqham lurayi, take jach'a ch'amaninacsti, munañani jakenacarusti orakercam liwinucuñataqui.

Isaías 5:14

Jiwañasti mä ajjsarcañ animalar uñtataraquiw lacapjja ansatati marcpacharu, jilïrinacapampiru mank'antañataqui, cusist'añanacana, thokt'añanacana sarnakasquirinacarusa.

Lucas 4:7

Jumatejj nayar quillt'asisin yupaychitätajja, takpachaw jumancjjani —sasa.

Juan 12:31

Jichhapï horasajja acapachasti taripatäniwa, jichharaquiwa acapacha apnakerejj jaksutäni.

Juan 14:30

“Janiw jumanacampi juc'ampi parlcjjäti, acapacha apnakqui ucasti niya jutiwa. Ucampis janiw cuna ch'amanïquisa nayataquejja.

Juan 8:44

Jumanacan awquimajj Supayawa, jumanacajj Supayancapjjtawa. Cuntejj jupajj munqui ucwa lurapjjaractajja. Supayajj kalltatpacha jake jiwayiriwa. Janiw cunapachas jupajj chek parlquiti, jupajj c'arïtap laycu. Cunapachatejj c'arinac parlqui ucqhajja jupatacwa parlasqui, c'arïtap laycu, uqhamarac c'arin awquipätap laycuraqui.

2 Corintios 11:14

Acajj janiw cunäquisa; pachpa Supayapuniw uqham mä khana angeläcaspas uqham tucujja.

Efesios 2:2

Acapachan sarnakäwinacaparjamaw jacasipcäyäta, cawquïri ajayutejj ñankha ajayunacaru apnakqui, uqhamarac ch'amañchqui Diosar jan ist'irinacarusa, uca ajayun munañap lurasina.

1 Pedro 1:24

Kellkatanacan siwa: “Take jakenacajj korar uñtataquiwa, Jach'a cancañapasa koran pankarapar uñtataquiraquiwa. Korajj wañsjjewa, pankaras willirtjjaquiraquiwa.

1 Juan 5:19

Yattanwa Diosanquirïtasa, uqhamarac take aca orakpacha Supayan munañapancatapa.

Apocalipsis 12:9

Uqhamajj uca dragonajj jakonucutäjjänwa alajjpachatjja. Uca dragonapï nayrapacha uca jach'a catarïnjja, ucasti Supaya, Satanás sataraquiwa, juparaquiw aca oraken jakenacarojj wali sallkjañanac luri. Jupampi angelanacapampisti aca orakeru jaktanitäjjapjjänwa.

Apocalipsis 13:2

Uñjcta uca ajjsarcañ animalasti mä tigrer uñtatänwa, cayunacapasti oso sat animalan cayunacapjama, lacapasti leonan lacapjamaraqui. Dragonasti juparojj ch'amapa churaraquïna, uqhamarac tronopsa, wali munañanïñampi.

Apocalipsis 13:7

Diosan wawanacapampi nuwasiñataquis munañanïñajj churataraquïnwa atipjañapcama, uqhamaraquiw take jakenacjjaru, marcanacjjarusa cunayman parlani jakenacjjarus wali munañaniraquïnwa.