Lucas 4:27 - Qullan Arunaca

²⁷ Israel marcanjja uqhamaraquiw Eliseon urunacapanjja walja lepra usuni jakenacaw utjaraquïna. Ucampis janiraquiw jupanacatjja maynis lepra usunacapatjja kollatäpcänti, jan ucasti Serianquiri Naamán sat chachaquiw kollatänjja.

Aymar Bibliia 1986

²⁷ Israel marcanjja uqhamaraquiw Eliseon urunacapanjja walja lepra usuni jakenacaw utjaraquïna. Ucampis janiraquiw jupanacatjja maynis lepra usunacapatjja kollatäpcänti, jan ucasti Serianquiri Naamán sat chachaquiw kollatänjja.

Qullan Arunaka DC

²⁷ Ukhamarakiw Eliseo profetan urunakapanxa, waljaniw lepra usun jaqinakax Israel markan utjäna, ukampis jupanakat janiw maynis k'umarachatäkänti, jan ukasti, Siria uraqinkir Naamán chachakiw k'umarachat uñjasïna.

Lucas 4:27 Jak'a apnaqawi uñst'ayäwi

Job 21:22

(Ucampisa ¿qhitis Diosarojj yatichaspajja? Jupajj alajjpachan utjirinacarusa juchañchiwa).

Job 33:13

¿Cunataraqui Diosampi colerastasti? ¿Arsusitanacamaru jan jaysatapatti uqham parlta?

Job 36:23

janiw juparojj qhitis cunatejj lurañapäqui ucanacjja yatichcaspati, janiraquiw qhitisa ajanuparu khant'caspati cuna ñankha luratapsa.

Daniel (hebreo) 4:35

Jupa nayrakatanjja janiw cunäquisa take acapachanquiri jakenacajja; jupaw munañaparjama luraraqui, alajjpachansa uqhamaraqui acapachansa. Janiw qhitis ch'amapa toke sayt'asirejj utjquiti, ni jisct'caraquispasa cunatsa uqham luri sasajja.’

Mateo 12:4

Diosan utapar mantasinjja, kollanäquis uca t'ant'anacwa mank'antäna, ucasti janiw juparojj wact'cänti ni amigonacaparus uca mank'añapajja, jan ucasti sacerdotenacaquiw mank'añapäna.

Mateo 8:3

Jesusasti juparojj amparapampiwa lokjjatäna, ucatsti saraquïnwa: —Muntwa, k'omäjjtawa —sasa. Uca aru arscän ucspachaw lepra usupatjja c'umaräjjäna.

Lucas 4:28

Sinagoganquirinacasti takeniw acanac ist'asinjja wal colerasipjje.

Juan 17:12

Cunapachatejj acapachanjja jupanacampïcäyäta ucqhajja, ch'amamampiw imäyätjja cawquïrinactejj churquista ucanacarojja, uqhamarac irparaquïyätjja. Janiw jupanacatjja maynis chhakquiti, jan ucasti chhakhatapunïcänsa ucaquiw chhakjje, Kellkatanjj cunjämtejj sisqui ucarjam phokhasiñapataqui.